ദുബൈ: ഇറാൻ, ഇറാഖ്, ഇസ്റാഈൽ എന്നിവിടങ്ങളിലെ വ്യോമാതിർത്തി അടച്ചതിനെ തുടർന്ന് എമിറേറ്റ്സ്, എത്തിഹാദ്, ഫ്ലൈദുബൈ, എയർ അറേബ്യ തുടങ്ങിയ പ്രമുഖ യുഎഇ വിമാനക്കമ്പനികൾ വ്യാപകമായ ഫ്ലൈറ്റ് റദ്ദാക്കലുകളും റൂട്ട് മാറ്റങ്ങളും പ്രഖ്യാപിച്ചു.

ദുബൈ, അബൂദബി, ഷാർജ എന്നിവിടങ്ങളിലൂടെ മിഡിൽ ഈസ്റ്റിലെ വിവിധ ലക്ഷ്യസ്ഥാനങ്ങളിലേക്ക് യാത്ര ചെയ്യുന്നവർ, വിമാനങ്ങളുടെ സ്റ്റാറ്റസ് പരിശോധിക്കാനും വൈകിയേക്കാവുന്നതോ റദ്ദാക്കപ്പെട്ടേക്കാവുന്നതോ ആയ സാഹചര്യത്തിൽ റീബുക്കിംഗ് ഓപ്ഷനുകൾ പരിഗണിക്കാനും നിർദേശിച്ചു.

എമിറേറ്റ്സ് എയർലൈൻ

ദുബൈ ആസ്ഥാനമായ എമിറേറ്റ്സ്, ജോർദാൻ (അമ്മാൻ), ലെബനൻ (ബെയ്റൂട്ട്), ഇറാൻ (ടെഹ്റാൻ), ഇറാഖ് (ബാഗ്ദാദ്, ബസ്റ) എന്നിവിടങ്ങളിലേക്കുള്ള വിമാനങ്ങൾ ജൂൺ 30 വരെ നിർത്തിവെച്ചു, ജോർദാനിലേക്കും ലെബനനിലേക്കുമുള്ള വിമാനങ്ങൾ ജൂൺ 22 വരെ പൂർണമായി റദ്ദാക്കി.

ടെൽ അവീവിലേക്കും തിരിച്ചുമുള്ള എല്ലാ വിമാനങ്ങളും റദ്ദാക്കിയിരിക്കുകയാണ്.

ദുബൈ വഴി ഈ ലക്ഷ്യസ്ഥാനങ്ങളിലേക്ക് കണക്ടിംഗ് ഫ്ലൈറ്റുകളുള്ള യാത്രക്കാർ യാത്ര തുടരരുതെന്നും റീബുക്കിംഗിനോ റീഫണ്ടിനോ വേണ്ടി ബുക്കിംഗ് ഏജന്റുമായി ബന്ധപ്പെടണമെന്നും എയർലൈൻ നിർദേശിച്ചു.

സുരക്ഷയാണ് പ്രഥമ പരിഗണന എന്ന് വ്യക്തമാക്കിയ എമിറേറ്റ്സ്, യാത്രക്കാർക്ക് നേരിട്ട അസൗകര്യത്തിന് ക്ഷമാപണം നടത്തി.

എത്തിഹാദ് എയർവേയ്സ്

എത്തിഹാദ് എയർവേയ്സ് അബൂദബിയിൽ നിന്ന് ടെൽ അവീവിലേക്കും തിരിച്ചുമുള്ള എല്ലാ വിമാനങ്ങളും ജൂൺ 22 വരെ റദ്ദാക്കി. മേഖലയിലെ വ്യോമപാത നിയന്ത്രണങ്ങളെ തുടർന്ന് മറ്റ് നിരവധി സർവിസുകൾ എയർലൈൻ റീറൂട്ട് ചെയ്യുന്നുണ്ട്.

വിമാനങ്ങളുടെ സ്റ്റാറ്റസ് പരിശോധിക്കാനും തത്സമയ അറിയിപ്പുകൾ ലഭിക്കുന്നതിന് കോൺടാക്ട് വിശദാംശങ്ങൾ അപ്ഡേറ്റ് ചെയ്യാനും എത്തിഹാദ് യാത്രക്കാരോട് ആവശ്യപ്പെട്ടു.

ഫ്ലൈദുബൈ 

ഫ്ലൈദുബൈ ജോർദാൻ, ലെബനൻ, സിറിയ (ജൂൺ 16 വരെ), മിൻസ്ക്, സെന്റ് പീറ്റേഴ്സ്ബർഗ് (ജൂൺ 17 വരെ), ഇറാൻ, ഇറാഖ്, ഇസ്റാഈൽ (ജൂൺ 20 വരെ) എന്നിവിടങ്ങളിലേക്കും തിരിച്ചുമുള്ള വിമാനങ്ങൾ താൽക്കാലികമായി നിർത്തിവെച്ചു.

എയർ അറേബ്യ 

എയർ അറേബ്യ ഇറാൻ, ഇറാഖ് (ജൂൺ 30 വരെ), ജോർദാൻ, ലെബനൻ, റഷ്യ (ജൂൺ 16 വരെ) എന്നിവിടങ്ങളിലേക്കുള്ള വിമാനങ്ങൾ താൽക്കാലികമായി റദ്ദാക്കി. നിലവിലെ സാഹചര്യം കണക്കിലെടുത്ത് ടെഹ്‌റാൻ, മഷ്ഹാദ്, ഷിറാസ്, ലാർ എന്നിവയുൾപ്പെടെ ഇറാനിലെ സെയിൽസ് ഓഫീസുകളും എയർലൈൻ താൽക്കാലികമായി അടച്ചു.

The escalating tensions between Israel and Iran have led to the closure of airspace in both countries, causing significant disruptions to air travel. Several major airlines, including Etihad Airways and Flydubai, have canceled or diverted flights due to safety concerns.