റിയാദ്: 20 വര്‍ഷമായി കോമയില്‍ കഴിയുന്ന 'ഉറങ്ങുന്ന രാജകുമാരന്‍' എന്നറിയപ്പെടുന്ന സഊദി അറേബ്യയിലെ അല്‍വലീദ് ബിന്‍ ഖാലിദ് ബിന്‍ തലാല്‍ ഉണര്‍ന്നെന്ന തരത്തില്‍ സോഷ്യല്‍ മീഡിയയില്‍ പ്രചരിക്കുന്ന വീഡിയോ വ്യാജം. അദ്ദേഹത്തിന്റെ 36-ാം ജന്മദിനത്തിന്റെ പിന്നാലെയാണ് വ്യാജ വീഡിയോ സമൂഹമാധ്യമങ്ങളില്‍ പ്രചരിച്ചത്. എന്നാല്‍, വീഡിയോയില്‍ ഉള്ളത് സഊദി രാജകുമാരനല്ല. പ്രശസ്ത സഊദി വ്യവസായിയും മോട്ടോര്‍സ്‌പോര്‍ട്‌സ് താരവുമായ യസീദ് മുഹമ്മദ് അല്‍രാജ്ഹിയാണ്.

ALSO READ: ഉംറ വിസ ലഭിക്കാന്‍ ഹോട്ടല്‍ ബുക്കിങ് നിര്‍ബന്ധം | Umrah Visa Updates 

എക്‌സില്‍ പ്രചരിച്ച '20 വര്‍ഷം മുന്‍പ് അപകടത്തില്‍ കോമയിലായ സഊദിയിലെ ഉറങ്ങുന്ന രാജകുമാരന്‍ ജീവിതത്തിലേക്ക് തിരിച്ചെത്തി' എന്ന പോസ്റ്റ് വ്യാജമാണ്. മറ്റ് സോഷ്യല്‍ മീഡിയ പ്ലാറ്റ്‌ഫോമുകളിലും ഇത് വ്യാപകമായി പ്രചരിച്ചിരുന്നു. വീഡിയോയില്‍ കാണുന്നത് കോമയില്‍നിന്ന് ഉണര്‍ന്ന അല്‍വലീദ് ബിന്‍ ഖാലിദ് ബിന്‍ തലാലല്ല, മറിച്ച് അപകടത്തില്‍നിന്ന് സുഖം പ്രാപിച്ച ശതകോടീശ്വരനായ യസീദ് മുഹമ്മദ് അല്‍രാജ്ഹിയാണ്. 

Prince Al-Waleed bin Khaled bin Talal of Saudi Arabia known as the “Sleeping Prince” who has been in a coma since a car accident in 2005 has finally woken up. #Iran #Nuclear #Gaza pic.twitter.com/m1lfnmDZ1v

— IMJA Lifestyle (@imjalifestyle) June 14, 2025

യസീദിനും സഹഡ്രൈവര്‍ ടിമോ ഗോട്ട്ഷാല്‍ക്കിനും സംഭവിച്ച അപകടം യസീദ് റേസിങ് ടീം 2025 ഏപ്രില്‍ 12ന് ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. പിന്നീട് സുഖപ്രാപ്തിയുടെ വീഡിയോകളും അവര്‍ സോഷ്യല്‍ മീഡിയയില്‍ പങ്കുവച്ചിരുന്നു. സുഖം പ്രാപിച്ച ശേഷം വിവിധ ആളുകളെ കാണുന്ന ശതകോടീശ്വരന്‍ യസീദ് മുഹമ്മദ് അല്‍ രാജ്ഹിയുടേതാണ് എക്‌സിലും മറ്റു സോഷ്യല്‍ മീഡിയോ പ്ലാറ്റ്‌ഫോമുകളിലും പ്രചരിക്കുന്ന വീഡിയോ.

ALSO READ: ഇറാൻ - ഇസ്റാഈൽ സംഘർഷം: യാത്രക്കാർക്ക് നിർദേശങ്ങൾ നൽകി സഊദിയിലെ വിമാനത്താവളങ്ങൾ‌

യസീദ് മുഹമ്മദ് അല്‍ രാജ്ഹിയുടെ ആശുപത്രിയിലെ രോഗമുക്തി ദൃശ്യങ്ങളാണ് അല്‍വലീദ് ബിന്‍ ഖാലിദ് ബിന്‍ തലാലിന്റെ ചിത്രത്തോടൊപ്പം തെറ്റായ വിവരങ്ങളോടെ പ്രചരിപ്പിക്കുന്നത്. അല്‍വലീദിന്റെ പിതാവിനോട് ഡോക്ടര്‍മാര്‍ ലൈഫ് സപ്പോര്‍ട്ട് നീക്കാന്‍ നിര്‍ദ്ദേശിച്ചെങ്കിലും അദ്ദേഹം അതിന് വിസമ്മതിച്ചു. 'ഉറങ്ങുന്ന രാജകുമാരന്‍' എന്നറിയപ്പെടുന്ന അല്‍വലീദ്, സഊദി അറേബ്യയുടെ സ്ഥാപകനായ അബ്ദുല്‍ അസീസ് രാജാവിന്റെ ചെറുമകനാണ്.

A viral video claiming Saudi Arabia’s 'Sleeping Prince' has awakened is circulating online. Here's the truth behind the clip and the real story behind the so-called sleeping royal.