പൂനെ: മഹാരാഷ്ട്രയിലെ പൂനെ ജില്ലയിലെ കുഢ്മല ഗ്രാമത്തിന് സമീപം ഇന്ദ്രയാനി നദിക്ക് കുറുകെയുള്ള ഇരുമ്പ് പാലം തകർന്നുവീണു. അപകടത്തിൽ 10 മുതൽ 15 വരെ പേർ പാലത്തിനടിയിൽ കുടുങ്ങിക്കിടക്കുന്നതായും നിരവധി പേർ ഒഴുക്കിൽപ്പെട്ടതായും പിംപ്രി-ചിഞ്ച്‌വാഡ് പൊലീസ് സംശയിക്കുന്നു. ഇന്ന് ഉച്ചകഴിഞ്ഞ് 3.30-നാണ് ദാരുണമായ അപകടം നടന്നത്. വാരാന്ത്യ അവധിയെ തുടർന്ന് നിരവധി സന്ദർശകർ തടിച്ചുകൂടിയിരുന്ന സമയത്താണ് പാലം തകർന്നത്. 

രക്ഷാപ്രവർത്തനങ്ങൾ ഊർജിതമായി പുരോഗമിക്കുകയാണ്. ഇതുവരെ 5 മുതൽ 6 വരെ ആളുകളെ സുരക്ഷിതമായി രക്ഷപ്പെടുത്തിയതായി പൊലീസ് വ്യക്തമാക്കി. സംഭവസ്ഥലത്ത് ദേശീയ ദുരന്ത നിവാരണ സേന (എൻ‌ഡി‌ആർ‌എഫ്), പൊലീസ്, ദുരന്ത നിവാരണ പ്രവർത്തകർ എന്നിവർ സ്ഥലത്തെത്തി രക്ഷാപ്രവർത്തനം ആരംഭിച്ചു. 

ALSO READ: പൂനെയിൽ പാലം തകർന്ന അപകടത്തിൽ രണ്ട് മരണം; 38 പേരെ രക്ഷപ്പെടുത്തി

കനത്ത മഴയെ തുടർന്ന് പൂനെ, പിംപ്രി-ചിഞ്ച്‌വാഡ് പ്രദേശങ്ങളിൽ ഓറഞ്ച് അലേർട്ട് നിലനിൽക്കുന്നതിനിടെയാണ് അപകടം. കഴിഞ്ഞ രണ്ട് ദിവസമായി മേഖലയിൽ ശക്തമായ മഴ പെയ്തിരുന്നു. 30 വർഷം പഴക്കമുള്ള പാലത്തിന്റെ ഘടനാപരമായ സുരക്ഷയെക്കുറിച്ച് നേരത്തെ താമസക്കാർ ആശങ്കകൾ ഉന്നയിച്ചിരുന്നതായി റിപ്പോർട്ടുകൾ. നാലോ അഞ്ചോ വർഷം മുമ്പ് പാലം നവീകരിച്ചെങ്കിലും അപകടസാധ്യതയെക്കുറിച്ച് പല വിനോദസഞ്ചാരികൾക്കും അറിവുണ്ടായിരുന്നില്ലെന്ന് മാവലിൽ നിന്നുള്ള എംഎൽഎ സുനിൽ ഷെൽക്കെ വ്യക്തമാക്കി.

പാലം തകർന്നത് അത്യന്തം ദുഃഖകരമാണ്. ഒഴുക്കിൽപ്പെട്ടവർ സുരക്ഷിതരായിരിക്കാൻ പ്രാർത്ഥിക്കുന്നു. പൂനെ ജില്ലാ കളക്ടറുമായി സംസാരിച്ചു, എല്ലാ സഹായവും ഉറപ്പാക്കിയിട്ടുണ്ട്," എൻസിപി നേതാവ് സുപ്രിയ സുലെ പ്രതികരിച്ചു. മഴക്കാലത്ത് വിനോദസഞ്ചാര കേന്ദ്രങ്ങൾ സന്ദർശിക്കുമ്പോൾ പൊതുജനങ്ങൾ ജാഗ്രത പാലിക്കണമെന്നും സുരക്ഷാ മാനദണ്ഡങ്ങൾ പാലിക്കണമെന്നും സുപ്രിയ സുലെ ഓർമിപ്പിച്ചു.

Pune Bridge Collapse: Several Feared Swept Away, Rescue Operations Underway.In a tragic incident, an old iron bridge spanning the Indrayani River near Kundmala village in Pune, Maharashtra, collapsed on Sunday afternoon around 3:30 PM. The bridge, located in the Maval taluka, gave way during the busy weekend, with 10 to 15 people suspected to be trapped or swept away by the strong river currents, according to Pimpri-Chinchwad police.