കുവൈത്ത് സിറ്റി: മെഡിറ്ററേനിയന്‍ കടലില്‍ കുടുങ്ങിയ 40 അഭയാര്‍ഥികളെ കുവൈത്തിന്റെ എണ്ണക്കപ്പല്‍ രക്ഷപ്പെടുത്തി. ബോട്ടിന്റെ എന്‍ജിന്‍ തകരാറിലായതിനെ തുടര്‍ന്ന് ഭക്ഷണവും വെള്ളവുമില്ലാതെ മണിക്കൂറുകളോളം കടലില്‍ അകപ്പെട്ട അഭയാര്‍ഥികള്‍ക്ക് കുവൈത്ത് ഓയില്‍ ടാങ്കര്‍ കമ്പനിയുടെ 'അല്‍ ദാസ്മ' കപ്പലാണ് രക്ഷകരായത്.

ALSO READ: 'പൊള്ളിത്തീര്‍ന്നില്ല'; കുവൈത്തില്‍ താപനില ഉയരും, ചൂട് 52 ഡിഗ്രിയിലേക്ക് 

ഈജിപ്തിലേക്കുള്ള യാത്രാമധ്യേ അല്‍ ദാസ്മ കപ്പല്‍ നടുക്കടലില്‍ കുടുങ്ങിയ ബോട്ട് കണ്ടെത്തുകയായിരുന്നു. ഭക്ഷണവും വെള്ളവുമില്ലാതെ ദുരിതമനുഭവിച്ചിരുന്ന 40 അഭയാര്‍ഥികളെ ഈജിപ്ഷ്യന്‍ സെര്‍ച്ച് ആന്‍ഡ് റെസ്‌ക്യൂ അതോറിറ്റിയുമായി സഹകരിച്ച് കപ്പല്‍ സുരക്ഷിതമായി രക്ഷപ്പെടുത്തി. മുഴുവന്‍ അഭയാര്‍ഥികളെയും ഈജിപ്ഷ്യന്‍ അധികൃതര്‍ക്ക് കൈമാറിയതായി കമ്പനി അറിയിച്ചു.

ALSO READ: കുവൈത്ത്: പെട്രോൾ പമ്പിൽ ഇന്ധനം നിറക്കുന്നതിനിടെ കാറിൽ നിന്ന് തീ; വലിയ അപകടം ഒഴിവാക്കി പെട്രോൾ പമ്പ് ജീവനക്കാർ

കടലില്‍ അപകടത്തില്‍പ്പെട്ട മനുഷ്യരുടെ സുരക്ഷ ഉറപ്പാക്കാനുള്ള അന്താരാഷ്ട്ര സമുദ്ര ഉത്തരവാദിത്തത്തിന്റെ ഭാഗമാണ് നടപടിയെന്ന് കെഒടിസി വിശേഷിപ്പിച്ചു. അന്താരാഷ്ട്ര പ്രോട്ടോക്കോളുകള്‍ പാലിച്ചാണ് രക്ഷാപ്രവര്‍ത്തനം നടത്തിയതെന്നും പ്രാദേശിക അധികാരികളുമായി ഏകോപിപ്പിച്ചാണ് രക്ഷാപ്രവര്‍ത്തനം നടത്തിയതെന്നും കമ്പനി പറഞ്ഞു

A Kuwaiti oil vessel heroically rescued refugees stranded in the Mediterranean Sea, showcasing a powerful act of humanitarian aid in the face of a growing migrant crisis.