കോള്‍ഡ് കോഫിക്ക് പ്രിയര്‍ ഏറെയാണ്. ആഴ്ചയിലൊരിക്കലെങ്കിലും കുടിക്കുന്നവരോ ദിവസവും കുടിക്കുന്നവരോ ഒന്നില്‍ കൂടുതല്‍ കോഫി ഒരുദിവസം കുടിക്കുന്നവരുമൊക്കെ ധാരാളം ഉണ്ട്. എന്നാല്‍ ഇവര്‍ക്കായി ഒരു സ്‌പെഷല്‍ കോഫിയാവട്ടെ ഇന്ന്. അതും തേങ്ങാപാല്‍ കൊണ്ട്. തേങ്ങാപാല്‍ പായസത്തിനും കറിക്കും മാത്രമല്ല ഉപയോഗിക്കുക എന്നതും രുചികരമായ കോള്‍ഡ് കോഫി ഇതുകൊണ്ട് തയാറാക്കാവുന്നതുമാണ്. കട്ടിയുള്ള തേങ്ങാപാല്‍ കാപ്പിയുടെ രുചിയങ്ങ് കൂട്ടുന്നതാണ്. എങ്ങനെയാണ് ഉണ്ടാക്കുന്നത് എന്നു നോക്കാം.

ചേരുവ

കാപ്പിപ്പൊടി - ഒരു ചെറിയ കപ്പ്
തേങ്ങാപാല്‍- അര കപ്പ്
പഞ്ചസാര- രണ്ട്  സ്പൂണ്‍
വാനില - കാല്‍ ടീസ്പൂണ്‍
ഐസ്‌ക്യൂബ്- 3

ALSO READ: നാവില്‍ അലിയുന്ന രുചി... കൊതിയൂറും ചക്ക ഐസ്‌ക്രീം വീട്ടില്‍ തന്നെ തയാറാക്കാം

ഉണ്ടാക്കുന്ന വിധം

ഒരു മിക്‌സിയുടെ ജാറിലേക്ക് കാപ്പിപ്പൊടിയും തേങ്ങാപാലും പഞ്ചസാരയും വാനില എസന്‍സും ചേര്‍ത്ത് നന്നായി അടിച്ചെടുക്കുക. ഇനി ഒരു സെര്‍വിങ് ഗ്ലാസിലേക്ക് ഐസ്‌ക്യൂബ്‌സ് ഇട്ടു കൊടുക്കാം.

ഇതിലേക്ക് മിക്‌സ് ചെയ്ത കോഫി ഒഴിച്ചു കൊടുക്കുക. ഇത് അലങ്കരിക്കാനായി നിങ്ങള്‍ക്ക് കാപ്പിപ്പൊടിയോ ചോക്ലേറ്റ് സിറപ്പോ ഉപയോഗിക്കാവുന്നതാണ്. 
(എല്ലാം ഒന്നു തണുപ്പിച്ച് എടുത്താല്‍ സൂപ്പറാവും).