ചക്ക കൊണ്ട് രുചികരമായ ഒരു ഐസ് ക്രീ തയാറാക്കാം. ആന്റിഓക്‌സിഡന്റ
ടങ്ങിയ ചക്ക കൊണ്ട് പലതരത്തിലുള്ള വിഭവങ്ങള്‍ തയാറാക്കുന്നവരാണ് നമ്മള്‍ മലയാളികള്‍. പഴുത്ത ചക്കയുടെ പായസം, ചക്കപ്പുഴുക്ക്, ചക്ക പ്രഥമന്‍, ചക്കത്തോരന്‍, ചക്ക വറുത്തത് തുടങ്ങി ചായക്കും ചോറിനും മാത്രമായാണ് ചക്ക കഴിച്ചിരുന്നത്. ഇനി രുചികരമായ ഐസ്‌ക്രീമും തയാറാക്കാം. 

ചേരുവകള്‍

മധുരമുള്ള ചക്കപ്പഴം- കുരുകളഞ്ഞത് രണ്ട് കപ്പ്
ഫ്രഷ്് ക്രീം - 300 ഗ്രാം
കണ്ടന്‍സ്ഡ് മില്‍ക്/ പഞ്ചസാര- 200 ഗ്രാം
പാല്‍  - രണ്ടു കപ്പ്

ഉണ്ടാക്കുന്ന വിധം
 
കുരുകളഞ്ഞ ചക്കയും പാലും ചേര്‍ത്ത് മിക്‌സിയുടെ ജാറിലേക്കിട്ട് നന്നായൊന്നു അടിച്ചെടുക്കണം. ഇതിലേക്ക് ഫ്രഷ് ക്രീം, കണ്ടന്‍സ്ഡ് മില്‍ക് എന്നിവ ചേര്‍ത്ത് വീണ്ടും മിക്‌സിയില്‍ ഒന്നു കൂടെ അടിച്ചെടുക്കാവുന്നതാണ്. ഇത് നല്ലൊരു പാത്രത്തിലേക്ക് മാറ്റി സെറ്റ് ചെയ്യാവുന്നതാണ്. കുറച്ചു ചക്കപ്പഴം ചെറുതായരിഞ്ഞതും ഇതിന്റെ മുകളില്‍ വിതറിക്കൊടുക്കാം.

ഇത് അടച്ചു വച്ച് രാത്രിയില്‍ ഫ്രീസറില്‍ വയ്ക്കുക. പിറ്റേ ദിവസത്തേക്ക് ഐസ് ക്രീം സെറ്റ്. രുചിയോടെ കഴിക്കാവുന്നതാണ്. കൃത്രിമ ചേരുവകളൊന്നും തന്നെയില്ലാത്ത അടിപൊളി ഐസ്‌ക്രീം ആണിത്.