ന്യൂഡൽഹി: ടോൾ പേയ്‌മെന്റുകൾ ലളിതമാക്കുന്നതിനും ടോൾ പ്ലാസകളിലെ തിരക്ക് കുറയ്ക്കുന്നതിനുമായി പുതിയ പദ്ധതിയുമായി റോഡ് ഗതാഗത, ഹൈവേ മന്ത്രാലയം. ദേശീയ ഹൈവേകളിലൂടെയുള്ള യാത്രയ്ക്ക് ടോളിന് പകരം വാർഷിക പാസ് പ്രഖ്യാപിച്ചു. ഫാസ്റ്റ് ടാഗ് അധിഷ്ഠിത പാസ് ഓഗസ്റ്റ് 15 മുതൽ പ്രാബല്യത്തിൽ വരുമെന്ന് റോഡ് ഗതാഗത, ഹൈവേ മന്ത്രി നിതിൻ ഗഡ്കരി പ്രഖ്യാപിച്ചു. 3,000 രൂപയാണ് ഒരു വർഷത്തേക്ക് നൽകേണ്ട വില. ആക്ടിവേറ്റ് ചെയ്ത തീയതി മുതൽ ഒരു വർഷത്തേക്കോ 200 യാത്രകൾക്കോ, ഏതാണോ ആദ്യം വരുന്നത് അതുവരെ ഈ പാസ് സാധുവായിരിക്കുമെന്ന് മന്ത്രി കൂട്ടിച്ചേർത്തു.

കാറുകൾ, ജീപ്പുകൾ, വാനുകൾ തുടങ്ങിയ വാണിജ്യേതര സ്വകാര്യ വാഹനങ്ങൾക്ക് മാത്രമേ വാർഷിക പാസ് ബാധകമാകൂ. ആവർത്തിച്ചുള്ള ടോൾ പേയ്‌മെന്റുകളുടെ ആവശ്യമില്ലാതെ ദേശീയ പാതകളിലൂടെ തടസ്സമില്ലാതെ യാത്ര ചെയ്യാൻ പാസ് സഹായകരമാകുമെന്ന് എക്‌സ് പ്ലാറ്റ്‌ഫോമിൽ പ്രഖ്യാപനം നടത്തിക്കൊണ്ട് ഗഡ്കരി പറഞ്ഞു. പാസ് എടുക്കാനും പുതുക്കാനായി ഉപയോക്താക്കൾക്ക് രാജ്മാർഗ് യാത്ര ആപ്പിലും NHAI, MoRTH എന്നിവയുടെ ഔദ്യോഗിക വെബ്‌സൈറ്റുകളിലും ഉടൻ ലഭ്യമാകുന്ന ലിങ്ക് ഉപയോഗിക്കാവുന്നതാണ്.

ALSO READ: വാട്‌സ് ആപ് ഒഴിവാക്കാന്‍ ഇറാന്‍ ജനങ്ങള്‍ക്ക് നിര്‍ദ്ദേശം നല്‍കിയതായി റിപ്പോര്‍ട്ട്; നിര്‍ദ്ദേശം മെറ്റ വിവരങ്ങള്‍ ചോര്‍ത്തുന്നുവെന്ന ആശങ്കക്ക് പിന്നാലെ

ഒറ്റത്തവണ, താങ്ങാനാവുന്ന ടോൾ പേയ്‌മെന്റ് പ്രാപ്തമാക്കുന്നതിലൂടെ, കാലതാമസം കുറയ്ക്കുക, തർക്കങ്ങൾ കുറയ്ക്കുക, ഹൈവേ ഉപയോക്താക്കൾക്ക് സുഗമമായ യാത്രാനുഭവം നൽകുക എന്നിവയാണ് നയത്തിന്റെ ലക്ഷ്യം. രാജ്യത്തുടനീളമുള്ള ദശലക്ഷക്കണക്കിന് സ്വകാര്യ വാഹന ഉടമകൾക്ക് ഈ പാസ് പ്രയോജനപ്പെടുമെന്ന് സർക്കാർ പ്രതീക്ഷിക്കുന്നു. 

ലോകോത്തര റോഡുകളും ഹൈവേകളും വികസിപ്പിക്കുന്നതിൽ ഇന്ത്യ ശ്രദ്ധേയമായ പുരോഗതി കൈവരിച്ചിട്ടുണ്ടെന്നും ഇത് രാജ്യത്തിന്റെ അടിസ്ഥാന സൗകര്യങ്ങളെ ഗണ്യമായി മെച്ചപ്പെടുത്തിയിട്ടുണ്ടെന്നും റോഡ് ഗതാഗത, ഹൈവേ സഹമന്ത്രി അജയ് തംത പറഞ്ഞു. 

To simplify toll payments and reduce congestion at toll plazas, the Ministry of Road Transport and Highways has launched a new initiative — an annual toll pass for travel on National Highways. Announcing the scheme, Union Road Transport and Highways Minister Nitin Gadkari said the FASTag-based annual pass will come into effect from August 15.