നടുവണ്ണൂര്‍: കീഴരിയൂര്‍-കണ്ണോത്ത് യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സ്‌പോണ്‍സര്‍ പ്രവാസിയായ സി.പി റഷീദ് സ്‌കൂള്‍ ലീഡര്‍ ശ്രേയ ശിവക്ക് പത്രം കൈമാറി ഉദ്ഘാടനം ചെയ്തു. ചടങ്ങില്‍ ഹെഡ്മാസ്റ്റര്‍ കെ. സുരേഷ് ബാബു അധ്യക്ഷനായി.
സുപ്രഭാതം മേഖലാ കോഡിനേറ്റര്‍ അസീസ് നടുവണ്ണൂര്‍ പദ്ധതി വിശദീകരിച്ചു. കൊയിലാണ്ടി ലേഖകന്‍ അന്‍സാര്‍ കൊല്ലം, മിഖ്ദാദ് അഹ്‌സനി, മുഹമ്മദലി ദാരിമി, അബൂബക്കര്‍ ദാരിമി സംസാരിച്ചു. എം. സുരേഷ് കുമാര്‍ സ്വാഗതവും വി.പി സദാനന്ദന്‍ നന്ദിയും പറഞ്ഞു.