തിരൂര്‍:  പറവണ്ണയില്‍ ഓട്ടോറിക്ഷ തടഞ്ഞ് നിര്‍ത്തി സി.പി.എം അനുഭാവിയായ ഓട്ടോ ഡ്രൈവര്‍ക്ക് നേരെ ആക്രമണം. ഡ്രൈവറെ മര്‍ദിച്ച സംഘം ഓട്ടോറിക്ഷ തകര്‍ത്തു. പറവണ്ണ പുത്തങ്ങാടി പരേതനായ പുത്തന്‍പുരയില്‍ മുഹമ്മദ് കുട്ടിയുടെ മകന്‍ അഫ്‌സലി (20)നാണ് മര്‍ദനമേറ്റത്. ഇന്നലെ  ഉച്ചക്ക് 12.30 തോടെ വാക്കാട് നിന്ന് പറവണ്ണയിലേക്ക് വരുന്ന വഴി പറവണ്ണ ഹയര്‍ സെക്കന്‍ഡറി സ്‌കൂളിന് സമീപത്ത് വെച്ചാണ് അഞ്ചംഗസം ഘം അഫ്‌സലിനെ ആക്രമിച്ചത്.
ഇരുമ്പ് വടി ഉപയോഗിച്ച് അഫ്‌സലിനെ അടിച്ച് പരിക്കേല്‍പിച്ച ശേഷം ഓട്ടോറിക്ഷ അടിച്ച് തകര്‍ക്കുകയായിരുന്നു.
തലക്കും കൈകക്കും പരുക്കേറ്റ അഫ്‌സലിനെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചു.