പച്ചക്കറികള്‍ നമ്മള്‍ പല രീതിയിലും കഴിക്കുന്നവരാണ്. പച്ചയ്്ക്കു തിന്നും കറിവച്ചും ഉപ്പേരിയുണ്ടാക്കിയും അങ്ങനെ പലരീതിയിലും കഴിക്കും. എന്നാല്‍ പച്ചക്കറി നിങ്ങള്‍ ചുട്ട് കഴിച്ചിട്ടുണ്ടോ..?  പച്ചക്കറികള്‍ ചുട്ട് കഴിക്കുന്നത് നമുക്ക് വളരെയധികം ഗുണം ചെയ്യുന്നതാണെന്ന് എത്ര പേര്‍ക്കറിയാം. 

പച്ചക്കറികള്‍ ചുട്ട്  കഴിക്കുമ്പോള്‍ അവയുടെ സ്വാഭാവിക പോഷകഗുണങ്ങള്‍ നിലനിര്‍ത്താന്‍ സഹായിക്കുന്നു. മാത്രമല്ല മറ്റു പല ആരോഗ്യഗുണങ്ങളും ഇവയിലുണ്ട്. 

പോഷകങ്ങള്‍

പച്ചക്കറികള്‍ ചുട്ടു കഴിക്കുമ്പോള്‍ അവയിലെ പോഷകങ്ങളും വിറ്റാമിനുകളും ധാതുക്കളുമൊക്കെ നഷ്ടപ്പെടാതെ  നിലനിര്‍ത്തുന്നു. 

കൊഴുപ്പ്

മറ്റു പാചകരീതികളെ അപേക്ഷിച്ച് എണ്ണയുടെ ഉപയോഗം വളരെ കുറവായതിനാല്‍ തന്നെ കൊഴുപ്പ് കുറഞ്ഞ ഭക്ഷണം കഴിക്കാന്‍ സാധിക്കുന്നു.

രുചി

ചൂടാക്കിക്കഴിക്കുമ്പോള്‍ പച്ചക്കറികളിലടങ്ങിയ സ്വാഭാവിക മധുരം പുറത്തുവരും. ഇത് ഭക്ഷണത്തിന് പ്രത്യേകമായ രുചിയാണ് നല്‍കുന്നു. 

നാരുകള്‍

പച്ചകറികളില്‍ ധാരാളമായി അടങ്ങിയ നാരുകള്‍ ദഹനത്തിനു സഹായിക്കുകയും ചെയ്യുന്നതാണ്. 

ആന്റിഓക്‌സിഡന്റുകള്‍

ശരീരത്തിലെ കോശങ്ങളെ സംരക്ഷിക്കാനും പച്ചക്കറിയിലിടങ്ങിയ ആന്റിഓക്‌സിഡന്റുകള്‍ക്ക് കഴിയുന്നു.
എന്നുവച്ചാല്‍ പച്ചക്കറികള്‍ ചുട്ടുകഴിക്കുന്നത് ആരോഗ്യത്തിന് വളരെ നല്ലതാണെന്ന്. 

ചുട്ടെടുക്കാനായി നിങ്ങള്‍ക്ക് തീക്കനലില്‍ ഇട്ടോ ഓവനില്‍ വച്ചോ മണ്‍ചട്ടിയിലിട്ടോ പച്ചക്കറി ചുട്ടെടുക്കാവുന്നതാണ്.

കഴിക്കുന്നവിധം

ചുട്ടെടുത്ത പച്ചക്കറിയില്‍ അല്‍പം നാരങ്ങാനീരും ഇത്തിരി ഉപ്പും കൂടെ ചേര്‍ത്തു കഴിച്ചാല്‍ അടിപൊളി രുചിയായിരിക്കും.