മോസ്‌കോ: പശ്ചിമേഷ്യയില്‍ രൂക്ഷമാകുന്ന സംഘര്‍ഷങ്ങള്‍ക്കിടെ റഷ്യയും ഇറാനും പരസ്പര സഹകരണം ശക്തമാക്കാൻ ഒരുങ്ങുന്നു. ഇറാനിലെ ആണവ കേന്ദ്രങ്ങള്‍ക്കെതിരെ അമേരിക്ക നടത്തിയ ആക്രമണങ്ങളെ അപലപിച്ച് റഷ്യന്‍ പ്രസിഡന്റ് വ്ലാദിമിര്‍ പുടിന്‍ പ്രതികരിച്ചു. ഇറാനെതിരെ ഒരു പ്രകോപനവുമില്ലാതെ നടത്തിയ ഈ ആക്രമണത്തിന് യാതൊരു ന്യായീകരണവുമില്ലെന്നും, ഇത്തരമൊരു നടപടിക്ക് അന്താരാഷ്ട്ര നിയമത്തില്‍ സ്ഥാനമില്ലെന്നും പുടിന്‍ വ്യക്തമാക്കി.

ALSO READ: ഇറാനിലെ സർക്കാർ, സൈനിക കേന്ദ്രങ്ങൾ ലക്ഷ്യമിട്ട് ഇസ്റാഈൽ വ്യോമാക്രമണം: കുപ്രസിദ്ധമായ എവിൻ ജയിലിന് നേരെയും ആക്രമണം

അമേരിക്കന്‍ ആക്രമണത്തിന് പിന്നാലെ, ഇറാന്റെ വിദേശകാര്യമന്ത്രി അബ്ബാസ് അറാഗ്ചി റഷ്യയിലെത്തി പുടിനുമായും മറ്റ് ഉന്നത റഷ്യന്‍ നേതാക്കളുമായും ചര്‍ച്ചകള്‍ നടത്തി. ഇരുരാജ്യങ്ങളും തമ്മിലുള്ള ബന്ധം കൂടുതല്‍ ശക്തിപ്പെടുത്താനും, ആണവ സുരക്ഷയുടെ പേരില്‍ നടക്കുന്ന ആക്രമണങ്ങള്‍ക്കെതിരെ ഒരുമിച്ച് പ്രതികരിക്കാനും തീരുമാനമായതായി റഷ്യന്‍ മാധ്യമങ്ങള്‍ റിപ്പോര്‍ട്ട് ചെയ്തു.

ALSO READ: അവസാനം വരെ പോരാടാൻ ഇറാൻ തയ്യാർ: ഇറാൻ വിദേശകാര്യ ഉപമന്ത്രി

ഇറാനിലെ മൂന്നു പ്രധാന ആണവ കേന്ദ്രങ്ങളാണ് അമേരിക്കന്‍ ആക്രമണത്തിന് ഇരയായത്. ഇതിന്റെ പശ്ചാത്തലത്തിലാണ് ഇറാന്റെ നീക്കങ്ങള്‍ക്ക് തൊട്ടുപിന്നാലെ റഷ്യന്‍ പിന്തുണയും വാഗ്ദാനവുമായി പുടിന്‍ നേരിട്ട് രംഗത്തെത്തിയത്.
ഈ നീക്കങ്ങളെ തുടർന്ന് ഇരു രാജ്യങ്ങളുടെയും പ്രതിരോധ മേഖലയും, ആണവ ഏകോപനവും സജീവമാകുമെന്ന് സൂചനകളാണ് നല്‍കുന്നത്.

As tensions escalate in West Asia, Russia and Iran have strengthened ties. Russian President Vladimir Putin condemned the recent U.S. strikes on Iran's nuclear facilities, calling them "unprovoked and unjustifiable." In a high-level meeting with Iranian officials, Putin expressed willingness to work together against Western aggression.