കോഴിക്കോട്: കൊയിലാണ്ടിയിലെ കെപിഎംഎസ്എസ് ഹയർ സെക്കൻഡറി സ്കൂളിലെ പ്ലസ് വൺ വിദ്യാർത്ഥി റാഗിങ്ങിന് ഇരയായതായി പരാതി. സീനിയർ വിദ്യാർത്ഥികൾ കൂട്ടംചേർന്ന് മർദിച്ചതായി വിദ്യാർത്ഥിയുടെ രക്ഷിതാവ് ആരോപിച്ചു. സീനിയർ വിദ്യാർത്ഥികൾ നൽകിയ മിഠായി സ്വീകരിക്കാത്തതാണ് മർദനത്തിന് കാരണമായതെന്ന് രക്ഷിതാവ് പറഞ്ഞു.

സംഭവം നടന്നത് ഇന്ന് സ്കൂൾ വിട്ട് മടങ്ങുന്നതിനിടെയാണ്. മർദനത്തിൽ പരിക്കേറ്റ വിദ്യാർത്ഥിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തെ തുടർന്ന് രക്ഷിതാക്കൾ കൊയിലാണ്ടി പൊലീസ് സ്റ്റേഷനിൽ പരാതി നൽകി.സംഭവത്തിൽ പൊലീസ് പ്രാഥമിക അന്വേഷണം ആരംഭിച്ചിരിക്കുകയാണ്. സ്കൂൾ അധികൃതരിൽ നിന്നും റിപ്പോർട്ട് തേടിയതായും, സി.സി.ടി.വി ദൃശ്യങ്ങൾ പരിശോധിക്കുന്നതായും പൊലീസ് അറിയിച്ചു. 

A Plus One student from KPMHS School in Koyilandy, Kozhikode, was allegedly assaulted by a group of senior students after refusing to accept sweets offered by them. The incident occurred after school hours. The injured student has been admitted to Kozhikode Medical College. The parents have filed a complaint with the Koyilandy police.