ദുബൈ: നിങ്ങളുടെ തൊഴിൽ കരാർ എപ്പോൾ അവസാനിക്കുമെന്നോ എത്ര ദിവസത്തെ അവധി ലഭിക്കുമെന്നോ അറിയേണ്ടതുണ്ടോ? ഏതെങ്കിലും തൊഴിൽ വിശദാംശങ്ങൾ അവലോകനം ചെയ്യുന്നതിനായി നിങ്ങളുടെ ഫോണിൽ നിന്ന് തന്നെ തൊഴിൽ കരാർ എടുക്കാവുന്നതാണ്.

യുഎഇയിലെ ഓരോ ജീവനക്കാരനും മാനവ വിഭവശേഷി, സ്വദേശിവൽക്കരണ മന്ത്രാലയം (MOHRE) നൽകുന്നതും സാക്ഷ്യപ്പെടുത്തിയതുമായ തൊഴിൽ കരാറിന്റെ ഒരു പകർപ്പ് ലഭിക്കാൻ അർഹതയുണ്ടെങ്കിലും, നിങ്ങളുടെ കൈവശം എല്ലായ്പ്പോഴും തൊഴിൽ കരാറിന്റെ പകർപ്പ് ഉണ്ടായിരിക്കണമെന്നില്ല.

ഭാഗ്യവശാൽ, MOHRE യുടെ വെബ്‌സൈറ്റിലൂടെയും മൊബൈൽ ആപ്പിലൂടെയും നിങ്ങൾക്ക് നിങ്ങളുടെ തൊഴിൽ കരാർ സൗജന്യമായി ഡൗൺലോഡ് ചെയ്യാൻ കഴിയും. ഇത് നിങ്ങളുടെ ഫോണിലോ ലാപ്‌ടോപ്പിലോ സേവ് ചെയ്‌താൽ, നിങ്ങൾക്ക് എപ്പോൾ വേണമെങ്കിലും ഇത് എളുപ്പത്തിൽ ആക്‌സസ് ചെയ്യാൻ കഴിയും.

ALSO READ: സർക്കാർ ജീവനക്കാർക്ക് വെള്ളിയാഴ്ചകളിൽ വർക്ക് ഫ്രം ഹോം, പ്രവൃത്തി സമയം ഏഴ് മണിക്കൂറാക്കി കുറച്ചു; പുതിയ പദ്ധതിയുമായി അജ്മാൻ

തൊഴിൽ കരാറിന്റെ പകർപ്പ് കൈവശം വെക്കുന്നതിന്റെ ​ഗുണങ്ങൾ

1) തൊഴിൽ കരാറിൽ നിങ്ങളുടെ തൊഴിലിന്റെ അംഗീകൃത നിബന്ധനകളും വ്യവസ്ഥകളും പ്രതിപാദിക്കുന്നു, ഇതിൽ ശമ്പളം, ആനുകൂല്യങ്ങൾ, ജോലിസമയം, ജോലിയുടെ ഉത്തരവാദിത്തങ്ങൾ എന്നിവ ഉൾപ്പെടുന്നു.

2) നിങ്ങളുടെ തൊഴിലുടമയുമായി തർക്കങ്ങളോ തെറ്റിദ്ധാരണകളോ ഉണ്ടായാൽ, അംഗീകൃത നിബന്ധനകളുടെയും വ്യവസ്ഥകളുടെയും തെളിവ് നിങ്ങളുടെ കരാർ നൽകുന്നു.

3) ഒരു ജീവനക്കാരൻ എന്ന നിലയിൽ നിങ്ങളുടെ അവകാശങ്ങളും കടമകളും കരാർ വിവരിക്കുന്നു, ഇത് സംഘർഷങ്ങൾ ഒഴിവാക്കാൻ സഹായിക്കുന്നു.

4) നിങ്ങളുടെ ജോലിയെക്കുറിച്ചുള്ള എന്തെങ്കിലും വിശദാംശങ്ങൾ അവലോകനം ചെയ്യണമെങ്കിൽ അല്ലെങ്കിൽ ഭാവി കാര്യങ്ങൾ ചർച്ച ചെയ്യണമെങ്കിൽ, കരാർ ഉണ്ടായിരിക്കുന്നതാണ് നല്ലത്. 

5) വായ്പയ്ക്ക് അപേക്ഷിക്കൽ, ബാങ്ക് അക്കൗണ്ട്, ചില സന്ദർഭങ്ങളിൽ ഒരു അപ്പാർട്ട്മെന്റ് വാടകയ്‌ക്കെടുക്കുമ്പോൾ (ഭൂവുടമസ്ഥൻ ആവശ്യപ്പെടുകയാണെങ്കിൽ) തുടങ്ങിയ വിവിധ സാമ്പത്തിക കാര്യങ്ങൾക്ക് ഇത് ആവശ്യമായി വന്നേക്കാം.

നിങ്ങളുടെ MOHRE തൊഴിൽ കരാർ എങ്ങനെ ഓൺലൈനിലൂടെ പരിശോധിക്കാം

പരിശോധിക്കാൻ രണ്ട് വഴികളാണുള്ളത്:
1) MOHRE വെബ്സൈറ്റ് വഴി - www.mohre.gov.ae
2) MOHRE ആപ്പ് വഴി (ആപ്പിൾ, ആൻഡ്രോയിഡ് ഉപകരണങ്ങൾക്ക് ലഭ്യമാണ്).

MOHRE വെബ്സൈറ്റ്

1) mohre.gov.ae എന്ന ഔദ്യോഗിക വെബ്‌സൈറ്റ് സന്ദർശിച്ച് മെനു ടാബിലെ 'സേവനങ്ങൾ' ക്ലിക്ക് ചെയ്യുക, തുടർന്ന് 'View Approved Contract' തിരഞ്ഞെടുക്കുക.

2) അടുത്തതായി, 'Search by EIDA No' എന്ന ഓപ്ഷൻ തിരഞ്ഞെടുക്കുക. നിങ്ങളുടെ എമിറേറ്റ്സ് ഐഡി നമ്പർ നൽകി 'Request One-Time Password (OTP)' ക്ലിക്ക് ചെയ്യുക. നിങ്ങളുടെ എമിറേറ്റ്സ് ഐഡിയിൽ രജിസ്റ്റർ ചെയ്തിട്ടുള്ള മൊബൈൽ നമ്പറിലേക്ക് OTP അയയ്ക്കും. 

3) OTP നൽകി 'View My Contract' ക്ലിക്ക് ചെയ്യുക.

തുടർന്ന് നിങ്ങൾക്ക് നിങ്ങളുടെ തൊഴിൽ കരാർ കാണാനും നിങ്ങളുടെ കമ്പ്യൂട്ടറിൽ സേവ് ചെയ്യാനും കഴിയും.

ALSO READ: വർക്ക് ഫ്രം ഹോം ഉത്തരവ് പിൻവലിച്ചു; ബഹ്‌റൈനിൽ സർക്കാർ ജീവനക്കാർ നാളെ മുതൽ സാധാരണ ഓഫിസ് സമയത്തേക്ക്

MOHRE ആപ്പ്

1) ആപ്പ് തുറന്ന് നിങ്ങളുടെ യുഎഇ പാസ് ഉപയോഗിച്ച് ലോഗിൻ ചെയ്യുക. നിങ്ങൾക്ക് അക്കൗണ്ട് ഇല്ലെങ്കിൽ, സൈൻ-അപ്പ് ഓപ്ഷനിൽ ക്ലിക്ക് ചെയ്ത് നിങ്ങളുടെ കോൺടാക്റ്റ് വിശദാംശങ്ങൾ, ലേബർ കാർഡ് നമ്പർ തുടങ്ങിയ അധിക വിശദാംശങ്ങൾ നൽകുക.

2) നിങ്ങൾ ലോഗിൻ ചെയ്തുകഴിഞ്ഞാൽ, 'എന്റെ ഡാഷ്‌ബോർഡിൽ' ടാപ്പ് ചെയ്‌ത് 'കരാർ' കാണുന്നത് വരെ താഴേക്ക് സ്‌ക്രോൾ ചെയ്യുക.

തുടർന്ന് നിങ്ങളുടെ കരാർ നിങ്ങൾക്ക് കാണാനും അത് നിങ്ങളുടെ ഫോണിൽ സേവ് ചെയ്യാനുള്ള ഓപ്ഷനും ഉണ്ടായിരിക്കും.

തൊഴിൽ കരാറിൽ എന്തെല്ലാം വിവരങ്ങൾ ഉണ്ടായിരിക്കും

1) തൊഴിലുടമയുടെ പേരും വിലാസവും.

2) തൊഴിലാളിയുടെ പേര്, ദേശീയത, ജനനത്തീയതി.

3) അയാളുടെ ഐഡന്റിറ്റി, യോഗ്യത, ജോലി അല്ലെങ്കിൽ തൊഴിൽ എന്നിവ തെളിയിക്കുന്ന രേഖ.

4) ജോലി ആരംഭിച്ച തീയതി, ജോലിസ്ഥലം.

5) ജോലി സമയം.

6) പ്രൊബേഷണറി കാലയളവ് എന്തെങ്കിലും ഉണ്ടെങ്കിൽ.

7) കരാറിന്റെ കാലാവധി.

8) ആനുകൂല്യങ്ങളും അലവൻസുകളും ഉൾപ്പെടെ സമ്മതിച്ച വേതനം.

9) വാർഷിക അവധിക്കുള്ള അവകാശങ്ങൾ.

10) നോട്ടീസ് കാലയളവ്.

11) തൊഴിൽ കരാർ അവസാനിപ്പിക്കുന്നതിനുള്ള നടപടിക്രമങ്ങളും ഇരു കക്ഷികളും തമ്മിലുള്ള ബന്ധം നിയന്ത്രിക്കുന്നതിനായി മന്ത്രാലയം നിർണ്ണയിക്കുന്ന മറ്റ് ഏതെങ്കിലും ഡാറ്റയും.

യുഎഇയിലെ ആറ് തരം തൊഴിൽ കരാറുകൾ

1) ഫുൾ ടൈം ജോലി: ഒരു ജീവനക്കാരൻ ഒരു തൊഴിലുടമയ്ക്ക് വേണ്ടി മാത്രം മുഴുവൻ സമയ അടിസ്ഥാനത്തിൽ ജോലി ചെയ്യുന്നു.

2) പാർട്ട് ടൈം: ഒരു ജീവനക്കാരൻ ഒന്നോ അതിലധികമോ തൊഴിലുടമകൾക്ക് വേണ്ടി നിശ്ചിത മണിക്കൂറുകളോ ദിവസങ്ങളോ ജോലി ചെയ്യുന്നു.

3) താൽക്കാലിക ജോലി: ഒരു ജീവനക്കാരൻ ഒരു നിർദ്ദിഷ്ട അസൈൻമെന്റിൽ ജോലി ചെയ്യുന്നു, കരാർ പൂർത്തിയാകുമ്പോൾ കരാർ അവസാനിക്കുന്നു.

4) ഫ്ലെക്സിബിൾ വർക്കിങ്ങ്: തൊഴിലുടമയുടെ ബിസിനസ്സ് ആവശ്യങ്ങൾക്കനുസരിച്ച് ജോലി സമയമോ ദിവസങ്ങളോ മാറിയേക്കാം. 

5) റിമോട്ട് വർക്ക്: വർക്ക് റഫ്രം ഹോം പോലുള്ള ഓപ്ഷനുകൾ

6) ജോബ് ഷെയറിങ്ങ്: ജോലികളും കടമകളും മുൻകൂട്ടി സമ്മതിച്ചതുപോലെ തൊഴിലാളികൾക്കിടയിൽ വിഭജിച്ചിരിക്കുന്നു. ജോലി പങ്കിടൽ കരാറുകളിൽ പാർട്ട് ടൈം വർക്ക് മോഡലിന്റെ നിയമങ്ങൾ ബാധകമാണ്.

The UAE Ministry of Human Resources and Emiratisation (MoHRE) offers an online service to check and download labour contracts. This digital platform allows employees and employers to access their contracts, ensuring transparency and compliance with labour laws. To access the contract, users need to log in to the MoHRE website or mobile app, navigate to the contract section, and download the document. This service streamlines the process, reducing the need for physical visits to government offices [1].