ഡെറാഡൂൺ: ഉത്തരാഖണ്ഡിലെ രുദ്രപ്രയാഗ് ജില്ലയിലെ അളകനന്ദ നദിയിലേക്ക് 18 യാത്രക്കാരുമായി പോയ ബസ് മറിഞ്ഞു. സംഭവത്തിൽ ഒരാൾ മരിക്കുകയും 10 പേരെ കാണാതാവുകയും ചെയ്തു. ഏഴ് പേരെ രക്ഷപ്പെടുത്തി. പൊലിസും സംസ്ഥാന ദുരന്ത നിവാരണ സേനയും രക്ഷാപ്രവർത്തനം നടത്തുകയാണ്.

ബസ് മുകളിലേക്ക് പോകുന്നതിനിടെ ഡ്രൈവർക്ക് നിയന്ത്രണം നഷ്ടപ്പെട്ട് നദിയിലേക്ക് മറിയുകയായിരുന്നു എന്നാണ് പ്രാഥമിക വിവരം. പരിക്കേറ്റവരിൽ ചിലരെ പുറത്തെടുത്ത് ആശുപത്രികളിലേക്ക് മാറ്റി. യാത്രക്കാരിൽ ഒരാളെയാണ് മരിച്ച നിലയിൽ കണ്ടെത്തിയത്. കാണാതായവർക്കു വേണ്ടി തിരച്ചിൽ നടക്കുന്നുണ്ട്. പ്രദേശത്ത് കനത്ത മഴ ഉള്ളതിനാൽ നദി നിറഞ്ഞൊഴുകയാണ്.

ALSO READ: വീണ്ടും ന്യൂനമര്‍ദ്ദം; സംസ്ഥാനത്ത് മഴ കനക്കും, ശക്തമായ കാറ്റിനും സാധ്യത, ഏഴ് ജില്ലകളില്‍ ഓറഞ്ച് അലര്‍ട്ട്

പൊലിസ്, ഭരണകൂടം, ദുരന്തനിവാരണ സേനകളിലെ ഉന്നത ഉദ്യോഗസ്ഥർ തുടങ്ങിയവർ രക്ഷാപ്രവർത്തനം ഏകോപിപ്പിക്കുന്നുണ്ട്. കിംവദന്തികൾ പ്രചരിപ്പിക്കരുതെന്ന് ഭരണകൂടം ജനങ്ങളോട് അഭ്യർത്ഥിച്ചു.