രാജസ്ഥാനിലെ നാ​ഗരു ജില്ലയിൽ ഭാര്യാ സഹോദരനെ വെടിവെച്ചു കൊന്ന് സ്വയം ജീവനൊടുക്കി യുവാവ്. മൻറൂപ് (48) എന്ന മുൻ ബിഎസ്എഫ് ജവാനാണ് തന്റെ ഭാര്യയുടെ സഹോദരനെ വെടിവെച്ച് കൊന്നതിനു ശേഷം സ്വയം ജീവനൊടുക്കിയത്. ഭാര്യയുടെ കുടുംബം ഭാര്യയെ തന്നില്‍ നിന്ന് അകറ്റുകയും തന്റെ ദാമ്പത്യ ജീവിതം തകർക്കാനും ശ്രമിക്കുന്നുവെന്ന തെറ്റിദ്ധാരണയാണ് കൊലപാതകത്തിനും ആത്മഹത്യയ്ക്കും കാരണമായത്.

മൻറൂപ് തന്റെ ലൈസൻസുള്ള തോക്ക് ഉപയോഗിച്ചാണ് കൊലപാതകം നടത്തിയത്. അതേ തോക്ക് ഉപയോഗിച്ചാണ് അയാൾ സ്വയം വെടിയുതിർത്തതും. പ്രാഥമിക അന്വേഷണത്തിൽ, കുടുംബപ്രശ്നങ്ങൾ മൻറൂപിനെ മാനസികമായി തകർത്തിരുന്നതായി പൊലിസ് വ്യക്തമാക്കി. പ്രശ്നങ്ങളെ തുടർന്ന് അയാളുടെ ഭാര്യ സ്വന്തം വീട്ടിലേക്ക് മടങ്ങിയിരുന്നു.

ALSO READ: https://www.suprabhaatham.com/details/429507?link=Udhampur-Encounter-One-Jaish-e-Mohammed-Terrorist-Killed-Four-Absconding-in-Jammu-and-Kashmir

കൊലപാതകത്തിന് മുമ്പ് തന്റെ കുടുംബം തകർന്നത് ഭാര്യയുടെ വീട്ടുകാർ കാരണമാണെന്ന് ആരോപിക്കുന്ന ആറ് മിനിറ്റ് ദൈർഘ്യമുള്ള ഒരു വീഡിയോ മൻറൂപ് റെക്കോർഡ് ചെയ്തിരുന്നു.  സംഭവസ്ഥലത്തെത്തിയ പൊലിസും ഫോറൻസിക് വിദഗ്ധരും തെളിവുകൾ ശേഖരിച്ചു. സംഭവത്തെക്കുറിച്ച് വിശദമായ അന്വേഷണം നടന്നുവരികയാണെന്ന് പൊലിസ് അറിയിച്ചു.

A heartbreaking incident unfolded in Rajasthan's Nagaur district where a 48-year-old former BSF jawan, Manroop, shot his brother-in-law dead before taking his own life. The motive behind this tragic act appears to be Manroop's misconception that his wife's family was trying to separate them and sabotage his marital life ¹.