*വിഖായയുടെ സേവനപ്രവർത്തനങ്ങൾ മാതൃകാപരം:*

മദീന മുനവ്വറ: അല്ലാഹുവിന്റെ അതിഥികളായി പരിശുദ്ധ ഹജ്ജ് കർമ്മത്തിന് എത്തുന്ന മലയാളി ഹാജിമാർക്ക് മക്കയിലും മദീനയിലും മിനയിലും വിഖായ വളണ്ടിയർമാർ ചെയ്യുന്ന സേവന പ്രവർത്തനങ്ങൾ മാതൃകാപരമാണെന്ന് അബ്ദുൽ ഹമീദ് ഫൈസി അമ്പലക്കടവ് പറഞ്ഞു. ജോലിത്തിരക്കിനിടയിലും സമയം കണ്ടെത്തി വിഖായ ചെയ്യുന്ന ആത്മാർത്ഥമായ പ്രവർത്തനങ്ങൾ ഹാജിമാർക്ക് വലിയ ആശ്വാസമാണെന്നും, നൂറാം വാർഷികം ആഘോഷിക്കുന്ന സമസ്തയുടെ പ്രവർത്തനങ്ങൾക്ക് കൂടുതൽ കരുത്തുപകരുന്നതാണ് വിഖായയുടെ പ്രവർത്തനങ്ങളെന്നും അദ്ദേഹം കൂട്ടിച്ചേർത്തു.

ഹജ്ജ് കർമ്മവും മദീന സന്ദർശനവും പൂർത്തിയാക്കി നാട്ടിലേക്ക് തിരിക്കുന്ന ഹമീദ് ഫൈസിക്ക് മദീനാ എസ്.ഐ. സി വിഖായ വിംഗ് സംഘടിപ്പിച്ച യാത്രയയപ്പ് സംഗമത്തിൽ സംസാരിക്കുകയായിരുന്നു അദ്ദേഹം. എസ് ഐ സി മദീന സെൻട്രൽ കമ്മിറ്റി പ്രസിഡൻറ് സുലൈമാൻ ഹാജി അധ്യക്ഷനായി. മദീനാ എസ് ഐ സി വിഖായ വിംഗ് ചെയർമാൻ അബ്ദുല്ല ദാരിമി പടന്ന സംഗമം ഉദ്ഘാടനം ചെയ്തു.

എസ് ഐ സി നാഷണൽ ഓർഗനൈസർ അഷ്റഫ് തില്ലങ്കേരി, വിഖായ ജന:കൺവീനർ അസ്‌ലം പുല്ലാളൂർ, വർക്കിംഗ് കൺവീനർ അബ്ദുൽ മജീദ് പാവുക്കോണം, കോഡിനേറ്റർ അഷ്കർ വേങ്ങര, ജോ.കൺവീനർ നൗഷാദ് ഇർഫാനി തുടങ്ങിയവർ പ്രസംഗിച്ചു.