ഇംഗ്ലണ്ടിനെതിരായ അഞ്ച് ടി-20 മത്സരങ്ങളുടെ പരമ്പരയിലെ ആദ്യ മത്സരത്തിൽ ഇന്ത്യയ്ക്ക് 97 റൺസിന്റെ കൂറ്റൻ വിജയം. മത്സരത്തിൽ ആദ്യം ചെയ്ത ഇന്ത്യ 20 ഓവറിൽ അഞ്ച് വിക്കറ്റ് നഷ്ടത്തിൽ 210 റൺസ് ആണ് അടിച്ചെടുത്തത്. വിജയലക്ഷ്യം പിന്തുടർന്നിറങ്ങിയ ഇംഗ്ലണ്ട് 14.5 ഓവറിൽ 113 റൺസിന് പുറത്താവുകയായിരുന്നു. 

 

ആദ്യം ബാറ്റ് ചെയ്ത ഇന്ത്യ സെഞ്ച്വറി നേടിയ ക്യാപ്റ്റൻ സ്മൃതി മന്ദാനയുടെ തകർപ്പൻ ബാറ്റിങ്ങിന്റെ കരുത്തിലാണ് മികച്ച ടോട്ടൽ നേടിയത്. 62 പന്തിൽ 112 റൺസ് നേടിയാണ് സ്മൃതി തിളങ്ങിയത്. 15 ഫോറുകളും മൂന്ന് സിക്സുകളും അടങ്ങുന്നതായിരുന്നു ഇന്ത്യൻ ക്യാപ്റ്റന്റെ ഇന്നിങ്സ്. 23 പന്തിൽ ഏഴു ഫോറുകൾ അടക്കം 43 റൺസ് നേടിയ ഹെർലിംഗ് ഡിയോങ്ങിന്റെ പ്രകടനവും ഇന്ത്യയുടെ മികച്ച ടോട്ടൽ പടുത്തുയർത്തുന്നതിൽ നിർണായകമായി.

 

ഇന്ത്യൻ ബൗളിങ്ങിൽ നാല് വിക്കറ്റുകൾ നേടി തിളങ്ങിയ നല്ലപുരെഡ്ഢി ചരണിയുടെ പ്രകടനവും ഏറെ നിർണായകമായി. 3.5 ഓവറിൽ വെറും 12 റൺസ് മാത്രം വഴങ്ങിയാണ് താരം നാല് വിക്കറ്റുകൾ വീഴ്ത്തിയത്. ദീപ്തി ശർമ, രാധ യാദവ് എന്നിവർ രണ്ടു വീതം വിക്കറ്റുകളും നേടി തിളങ്ങിയപ്പോൾ ഇംഗ്ലണ്ട് ബാറ്റിംഗ് നിര തകർന്നടിയുകയായിരുന്നു. 

 

ഈ തകർപ്പൻ വിജയത്തോടെ അഞ്ചു മത്സരങ്ങളുടെ പരമ്പരയിൽ 1-0ത്തിന് മുന്നിലെത്താനും സ്മൃതി മന്ദാനയ്ക്കും സംഘത്തിനും സാധിച്ചു. ജൂലൈ ഒന്നിനാണ് പരമ്പരയിലെ രണ്ടാം മത്സരം നടക്കുന്നത്.

 

India registered a massive 97-run victory in the first match of the five-match T20I series against England. Batting first, India scored 210 runs for the loss of five wickets in 20 overs. Chasing the target, England were bowled out for 113 runs in 14.5 overs.