തെഹ്‌റാന്‍: ഇസ്‌റാഈലുമായുള്ള 12 ദിവസത്തെ യുദ്ധത്തില്‍ കൊല്ലപ്പെട്ട ഇറാന്റെ മുതിര്‍ന്ന സൈനിക ഉദ്യോഗസ്ഥരും ആണവ ശാസ്ത്രജ്ഞരും ഉള്‍പ്പെടെ 60 പേരുടെ ഖബറടക്കം ഔദ്യോഗിക ബഹുമതികളോടെ നടത്തി. ഇതില്‍ 4 സ്ത്രീകളുടെയും നാലു കുട്ടികളുടെയും മൃതദേഹങ്ങള്‍ ഉള്‍പ്പെടും.
ദേശീയ പതാക പുതച്ച മൃതദേഹങ്ങള്‍ തെഹ്‌റാനിലെ ഇങ്ക്വിലാബ് ചത്വരത്തില്‍ പൊതുദര്‍ശനത്തിന് വച്ചു. കറുത്തവസ്ത്രം ധരിച്ച നൂറുകണക്കിനാളുകള്‍ മൃതദേഹത്തെ അനുഗമിച്ചു. 12 ദിവസത്തെ യുദ്ധത്തില്‍ ഇറാനില്‍ 627 പേരാണ് ആകെ കൊല്ലപ്പെട്ടത്. 

 

 

രക്തസാക്ഷികളെ അവസാനമായി കാണാനും പരിപാടിയില്‍ പങ്കെടുക്കാനും ആഹ്വാനംചെയ്ത് സമൂഹമാധ്യമങ്ങള്‍ വഴി വ്യാപകപ്രചാരണം നടന്നിരുന്നു. ബസിലും മെട്രോയിലും സൗജന്യ യാത്രാ സൗകര്യവും ഒരുക്കിയിരുന്നു.

ALSO READ: 'ഇറാനുമായി അടുത്ത ആഴ്ച ആണവ ചര്‍ച്ച നടത്തും'; നിര്‍ണായക പ്രഖ്യാപനവുമായി ട്രംപ്‌

ഇറാന്‍ സായുധ സേനയുടെ ചീഫ് ഓഫ് സ്റ്റാഫ് മുഹമ്മദ് ബഗേരിയാണ് ഇന്നലെ ഖബറടക്കിയവരില്‍ ഏറ്റവും ഉയര്‍ന്ന പദവി അലങ്കരിച്ച ഉദ്യോഗസ്ഥന്‍. അദ്ദേഹത്തിന്റെ ഭാര്യയും മകളും ആക്രമണത്തില്‍ കൊല്ലപ്പെട്ടിരുന്നു. ഇവരെ അടുത്തടുത്താണ് ഖബറടക്കിയത്.

ഇസ്!ലാമിക് റവല്യൂഷനറി ഗാര്‍ഡ് കമാന്‍ഡര്‍ ഇന്‍ ചീഫ് ഹുസൈന്‍ സലാമി, ആണവ ശാസ്ത്രജ്ഞന്‍ മുഹമ്മദ് മെഹ്ദി തെഹ്‌റാന്‍ഞ്ചി, ആസാദ് യൂനിവേഴിസിറ്റി വി.സി എന്നിവരുടെയും ഖബറടക്കം നടന്നു. ചടങ്ങുകളില്‍ ഇറാന്‍ പ്രസിഡന്റ് മസൂദ് പെസെഷ്‌കിയാന്‍, ആയത്തുല്ല അലി ഖാംനഇയുടെ ഉപദേശകന്‍ റിയര്‍ അഡ്മിറല്‍ അലി ശംഖാനി എന്നിവരും പങ്കെടുത്തു. ശംഖാനിക്ക് ഇസ്‌റാഈല്‍ ആക്രമണത്തില്‍ പരുക്കേറ്റിരുന്നു.

 

 

ആയിരങ്ങളാണ് ചടങ്ങുകളില്‍ പങ്കെടുക്കാനെത്തിയത്. ശനിയാഴ്ച രാവിലെ 8ന് പൊതുദര്‍ശനം തുടങ്ങിയിരുന്നു. ഇറാന്റെ ബാലിസ്റ്റിക് മിസൈല്‍ പദ്ധതിയുടെ മേധാവിയായിരുന്നു കൊല്ലപ്പെട്ട റവല്യൂഷനറി ഗാര്‍ഡ് ചീഫ് ജനറല്‍ ഹുസൈന്‍ സലാമി. ആസാദി സ്ട്രീറ്റില്‍ തടിച്ചുകൂടിയവര്‍ അമേരിക്കയ്ക്കും ഇസ്‌റാഈലിനും മരണമെന്ന മുദ്രാവാക്യം മുഴക്കി.

ALSO READ: ഇസ്റാഈലിനെതിരെ ഉപരോധം വേണ്ടെന്ന് യൂറോപ്യൻ യൂണിയൻ, വെടിനിർത്തലിന് ആഹ്വാനം

അതേസമയം, ഇറാന്റെ ആക്രമണം താങ്ങാന്‍ ശേഷിയില്ലാതായപ്പോള്‍ ഇസ്‌റാഈല്‍ ഡാഡിയുടെ അടുത്തേക്ക് ഓടിയെന്ന് ഇറാന്‍ വിദേശകാര്യ മന്ത്രിയുടെ പരിഹാസം. ഇറാന്‍ ജനതയുടെ ശക്തി നേരിടാനാകാതെ ഇസ്‌റാഈലിന് ഡാഡിയുടെ അടുത്തേക്ക് ഓടുകയല്ലാതെ മറ്റു വഴികളുണ്ടായിരുന്നില്ലെന്നും തങ്ങളുടെ യഥാര്‍ഥ ശക്തി വെളിപ്പെടുത്താന്‍ തങ്ങള്‍ക്ക് മടിയില്ലെന്നും അബ്ബാസ് അരഗാച്ചി പറഞ്ഞു.

 

 

ഇറാന്‍ പരമോന്നത നേതാവ് ആയത്തുല്ല അലി ഖാംനഇ അപമാനകരമായ വിധത്തില്‍ കൊല്ലപ്പെടാതിരുന്നത് തന്റെ ശ്രമംകൊണ്ടാണെന്ന് നേരത്തെ യു.എസ് പ്രസിഡന്റ് ഡൊണാള്‍ഡ് ട്രംപ് പറഞ്ഞിരുന്നു. ഇത്തരം പ്രസ്താവന നടത്തുമ്പോള്‍ ട്രംപ് ശൈലി മാറ്റം വരുത്തണമെന്നും ഖാംനഇ കോടികള്‍ ആദരിക്കുന്ന വ്യക്തിത്വമാണെന്നും അദ്ദേഹത്തെ മാനിക്കണമെന്നും അരഗാച്ചി പറഞ്ഞു.

യുദ്ധത്തില്‍ ഇറാന്‍ ജയിച്ചെന്ന് വെള്ളിയാഴ്ച ഖാംനഇ പറഞ്ഞിരുന്നു. ഇത് ട്രംപ് തള്ളി. ഇറാന്‍ സ്റ്റേറ്റ് ടി.വിയില്‍ ഖാംനഇയുടെ നേരത്തെ റെക്കോര്‍ഡ് ചെയ്ത പ്രസ്താവനയാണ് സംപ്രേഷണം ചെയ്തത്. അമേരിക്കയുടെ മുഖത്തേറ്റ പ്രഹരമാണ് ഖത്തര്‍ വ്യോമതാവളത്തിനു നേരെ നടന്ന ആക്രമണമെന്നും ഖാംനഇ പറഞ്ഞിരുന്നു.

Tens of thousands of people have lined the streets in Iran’s capital, Tehran, as the country held a funeral service for military commanders, nuclear scientists and some civilians killed in Israeli attacks earlier this month.