തെഹ്‌റാന്‍/ഹേഗ്: ഇസ്‌റാഈല്‍-ഇറാന്‍ വെടിനിര്‍ത്തലിനു പിന്നാലെ ഇറാനുമായി അടുത്തയാഴ്ച ആണവ ചര്‍ച്ച നടത്തുമെന്ന് യു.എസ് പ്രസിഡന്റ് ഡൊണാള്‍ഡ് ട്രംപ്. ഇറാന്റെ ആണവ പദ്ധതി പൂര്‍ണമായി തകര്‍ത്തുവെന്ന് ട്രംപ് നേരത്തെ അവകാശപ്പെട്ടിരുന്നു. എന്നാല്‍, പെന്റഗണിന്റെ റിപ്പോര്‍ട്ട് പ്രകാരം യു.എസ് ആക്രമണത്തില്‍ ഇറാന്‍ ആണവകേന്ദ്രങ്ങള്‍ക്ക് കാര്യമായി നാശനഷ്ടം സംഭവിച്ചിരുന്നില്ലെന്നാണ് വ്യക്തമാക്കുന്നത്.

ഈ വിവരം പുറത്തുവന്നതിനു പിന്നാലെ ആണവകേന്ദ്രങ്ങള്‍ പൂര്‍ണമായും തകര്‍ത്തുവെന്നും ഇറാന് കൂറേ കാലത്തേക്ക് അണുബോംബ് നിര്‍മിക്കാന്‍ കഴിയില്ലെന്നും ട്രംപ് ആവര്‍ത്തിച്ചു. തങ്ങളുടെ ആണവകേന്ദ്രത്തിനും സംവിധാനങ്ങള്‍ക്കും കാര്യമായ നാശനഷ്ടം സംഭവിച്ചിട്ടുണ്ടെന്നും നയതന്ത്ര ശ്രമങ്ങള്‍ക്കും ഇതു തിരിച്ചടിയാണെന്നും ഇറാന്‍ വിദേശകാര്യ വക്താവ് ഇസ്മാഈല്‍ ബഗാഇയും പറഞ്ഞു. 
നാശനഷ്ടങ്ങളില്ലെന്ന് കഴിഞ്ഞ ദിവസം പറഞ്ഞ ഇറാന്‍ ഇന്നലെ ട്രംപിന്റെ പ്രസ്താവനയെ അനുകൂലിച്ച് നിലപാട് മാറ്റുകയും ചെയ്തു.

US President Donald Trump confirms nuclear negotiations with Iran will take place next week, marking a significant development in international diplomacy.