കുവൈത്ത് സിറ്റി: രാജ്യത്ത് സര്‍ക്കാര്‍ ഉടമസ്ഥതയിലുള്ള ഭൂമിയുടെ ഉപയോഗാവകാശ നിരക്ക് കുത്തനെ വര്‍ധിപ്പിച്ച് കുവൈത്ത്. പൊതുസ്വത്തുക്കള്‍ ചൂഷണം ചെയ്യുന്നത് നിയന്ത്രിക്കുന്നതിനും ദേശീയ വിഭവങ്ങളുടെ സംരക്ഷണം ഉറപ്പാക്കുന്നതിനും സര്‍ക്കാരിന്റെ സ്വത്ത് ഉള്‍പ്പെടുന്ന ഇടപാടുകളില്‍ സുതാര്യത വര്‍ദ്ധിപ്പിക്കുന്നതിനുമുള്ള നടപടിയുടെ ഭാഗമായാണ് പുതിയ തീരുമാനമെന്ന് ധനകാര്യ മന്ത്രിയും സാമ്പത്തിക കാര്യ, നിക്ഷേപ സഹമന്ത്രിയുമായ നൂറ അല്‍ഫസ്സാം അറിയിച്ചു.

പുതിയ നിയമപ്രകാരം വാണിജ്യ സ്റ്റോറുകള്‍, റെസ്റ്റോറന്റുകള്‍, കഫേകള്‍, എന്നിവ ഉള്‍പ്പെടെയുള്ള വിവിധ വ്യാപാര, വ്യവസായ വാണിജ്യ സ്ഥാപനങ്ങള്‍ക്ക് മുനിസിപ്പാലിറ്റി നിലവില്‍ ചുമത്തുന്ന ഫീസ് നിരക്ക് ഇരട്ടിയിലേറെയാകും. പുതിയ നിയമ പ്രകാരം റെസ്റ്റോറന്റുകള്‍, കഫറ്റീരിയകള്‍, കോഫി ഷോപ്പുകള്‍ എന്നിവയ്ക്ക് ചതുരശ്ര മീറ്ററിന് 138.6 കുവൈത്ത് ദിനാറാണ് ഫീസ്. ആശുപത്രികള്‍ വെറ്ററിനറി ക്ലിനിക്കുകള്‍ എന്നിവക്ക് ചതുരശ്ര മീറ്ററിന് 3.66 ദിനാറും നല്‍കണം. പാര്‍ക്കിംഗ് സ്ഥലങ്ങള്‍ക്ക് ചതുരശ്ര മീറ്ററിന് 2.1 ദിനാറുമാണ് മുനിസിപ്പാലിറ്റിയിലേക്ക് അടക്കേണ്ടത്.

മറ്റ് ഫീസുകള്‍ ഇങ്ങനൈ:

* സഹകരണ സംഘങ്ങളുടെ സെന്‍ട്രല്‍ മാര്‍ക്കറ്റുകള്‍, അഡ്മിനിസ്‌ട്രേറ്റീവ് സ്‌പെയ്‌സുകള്‍, നിക്ഷേപ സ്റ്റോറുകള്‍ എന്നിവയ്ക്ക് ചതുരശ്ര മീറ്ററിന് 7.89 ദിനാര്‍.
* വെയര്‍ഹൗസുകള്‍ക്ക് ചതുരശ്ര മീറ്ററിന് 1.5 ദിനാര്‍ .
* മൊത്ത വിതരണ മേഖലകള്‍ക്ക് 3.5 ദിനാര്‍.
* ഉപയോഗിക്കാത്ത ഇടങ്ങള്‍ക്ക് ചതുരശ്ര മീറ്ററിന് 10
* നഴ്‌സറികള്‍: ചതുരശ്ര മീറ്ററിന് 1.5 ദിനാര്‍ 
* കെട്ടിടത്തിന്റെ മൊത്തം ഉപരിതല വിസ്തീര്‍ണ്ണത്തിന്റെ 52 ശതമാനത്തിന് ബാധകമായ പുതിയതും പുതുക്കിയതുമായ കരാറുകള്‍ക്ക് പാര്‍ക്കിംഗ് സ്ഥലങ്ങള്‍ക്ക് ചതുരശ്ര മീറ്ററിന് 2.1 ദിനാര്‍ 
* കടല്‍ത്തീര ഭൂമിക്ക് ചതുരശ്ര മീറ്ററിന് 400 ദിനാര്‍.
* കുളങ്ങള്‍ പോലുള്ള തുറന്ന സ്ഥലങ്ങള്‍ക്ക് 2 ദിനാര്‍.
* നിക്ഷേപ പദ്ധതികള്‍ക്ക് 27.7 ദിനാര്‍
* ഇന്ധന സ്റ്റേഷനുകള്‍ക്ക് ചതുരശ്ര മീറ്ററിന് 3.88 ദിനാര്‍
* കാര്‍ വാഷ് വിഭാഗങ്ങള്‍ക്ക് ചതുരശ്ര മീറ്ററിന് 18.74 ദിനാര്‍.

ഇതുമായി ബന്ധപ്പെട്ട് ധനകാര്യ മന്ത്രാലയം തയാറാക്കിയ കരട് നിയമം നാളെ മുതല്‍ (ജൂലൈ 1) പ്രാബല്യത്തില്‍ വരുമെന്ന് അല്‍ റായ് ദിന പത്രം റിപ്പോര്‍ട്ട് ചെയ്തു. പുതിയ നിയമത്തിലൂടെ സര്‍ക്കാരിന് പ്രതിവര്‍ഷം 15.6 കോടി ദിനാര്‍ (ഏകദേശം 4,300 കോടി രൂപ) വരുമാനം ഉണ്ടാകുമെന്നാണ് പ്രതീക്ഷിക്കുന്നത്. 

Kuwait Ministry of Finance has been issued to introduce amendments to the regulations governing the use of private state-owned real estate properties and service fees. The amendments are part of a broader strategy to regulate the exploitation of state assets, ensure the preservation of national resources, and enhance transparency in transactions involving state property, says Minister of Finance and Minister of State for Economic Affairs and Investment Noura Al-Fassam.