ദുബൈ: യുഎഇയിലെ താമസക്കാർക്ക് കുറഞ്ഞ നിരക്കിൽ ഡോർ-ടു-ഡോർ ഷിപ്പിംഗ് സേവനങ്ങൾ വാഗ്ദാനം ചെയ്തിരുന്ന റവീദ് ആലം കാർഗോ സർവീസ് എന്ന കമ്പനി ഏകദേശം 20 ലക്ഷം ദിർഹം വിലമതിക്കുന്ന സാധനങ്ങളുമായി അപ്രത്യക്ഷമായതായി റിപ്പോർട്ട്. ഇലക്ട്രോണിക്സ്, വസ്ത്രങ്ങൾ, റോളക്സ് വാച്ച്, വാഷിംഗ് മെഷീൻ, ഇ-ബൈക്കുകൾ, ഹെവി മെഷിനറികൾ തുടങ്ങി നിരവധി സാധനങ്ങൾ നഷ്ടപ്പെട്ടതായി ഉപഭോക്താക്കൾ പരാതിപ്പെടുന്നു.

ALSO READ: യുഎസ് താരിഫ് പ്രാബല്യത്തിൽ വരുന്നതിനു മുന്നേ രൂപയുടെ മൂല്യം ഇടിഞ്ഞു; പ്രവാസികള്‍ക്ക് നാട്ടിലേക്ക് പണം അയക്കാന്‍ ഇതിലും മികച്ച സമയം സ്വപ്‌നങ്ങളില്‍ മാത്രം! 

തട്ടിപ്പിന്റെ തുടക്കം

ദുബൈ സിലിക്കൺ ഒയാസിസ് നിവാസിയായ വസീം റാസ കഴിഞ്ഞ വർഷം 'ചീപ്പ് കാർഗോ ടു പാകിസ്ഥാൻ' എന്ന് ഗൂഗിളിൽ തിരഞ്ഞപ്പോൾ റവീദ് ആലം കാർഗോയുടെ പരസ്യം കാണാനിടയായി. സാധാരണ മറ്റു കമ്പനികൾ വാങ്ങുന്ന നിരക്കിന്റെ ഒരു ചെറിയ ഭാഗം മാത്രം ഈടാക്കി ഡെലിവറി വാഗ്ദാനം ചെയ്ത കമ്പനി, അദ്ദേഹത്തിന്റെ അഞ്ച് കാർട്ടണുകൾ വെറും 300 ദിർഹത്തിന് ശേഖരിച്ചു. എന്നാൽ, മാസങ്ങൾ കഴിഞ്ഞിട്ടും സാധനങ്ങൾ പാകിസ്ഥാനിലെ കറാച്ചിയിൽ എത്തിയില്ല. 

"എന്റെ സാധനങ്ങൾ വിറ്റുകളഞ്ഞതാണെന്ന് എനിക്ക് സംശയമുണ്ട്," റാസ പറഞ്ഞു. വസ്തുക്കൾ കറാച്ചിയിൽ എത്താതിനെ തുടർന്ന് അദ്ദേഹം പിന്നീട് ദുബൈ പൊലിസിൽ പരാതിപ്പെട്ടു. 

വൻതോതിലുള്ള തട്ടിപ്പ്

ബിസിനസുകാരനായ അർസൽ ഖാൻ 1 ലക്ഷം ദിർഹം വിലമതിക്കുന്ന സാധനങ്ങൾ കമ്പനിക്ക് കൈമാറി. റോളക്സ് വാച്ച്, ഫ്രിഡ്ജ്, ഇ-ബൈക്കുകൾ, വിദ്യാഭ്യാസ സർട്ടിഫിക്കറ്റുകൾ, കളിപ്പാട്ടങ്ങൾ എന്നിവ ഉൾപ്പെട്ട ഷിപ്പ്മെന്റിന് 8,000 ദിർഹം ഈടാക്കി. മൂന്നോ നാലോ ആഴ്ചയ്ക്കുള്ളിൽ ഇവ ഡെലിവറി ചെയ്യേണ്ടിടത്ത് എത്തിക്കുമെന്ന് കമ്പനി അറിയിക്കുകയും ചെയ്തിരുന്നു.

എന്നാൽ, 20 മാസം കഴിഞ്ഞിട്ടും സാധനങ്ങൾ എത്തിയില്ല. ഷാർജയിലെ കമ്പനിയുടെ വെയർഹൗസ് സന്ദർശിച്ചപ്പോൾ അത് ഒഴിഞ്ഞുകിടക്കുന്നതായി ഖാൻ കണ്ടെത്തി. "കമ്പനിയുമായി ബന്ധപ്പെട്ട ആൾ 2024 സെപ്റ്റംബറിൽ യുഎഇ വിട്ടുപോയതായി പൊലിസ് സ്ഥിരീകരിച്ചു," അദ്ദേഹം പറഞ്ഞു.

ബാങ്കറായ അലാവുദ്ദീന് 15,000 ദിർഹം വിലമതിക്കുന്ന വസ്ത്രങ്ങളും ഷൂകളുമാണ് കമ്പനിയുടെ ചതിയിൽ നഷ്ടമായത്. 
കറാച്ചി തുറമുഖത്ത് ഷിപ്പ്മെന്റ് കുടുങ്ങിയതായി കമ്പനി അറിയിച്ചെങ്കിലും, പിന്നീട് ബന്ധപ്പെടാൻ കഴിഞ്ഞില്ല. വെയർഹൗസ് പ്രാദേശിക അധികാരികൾ സീൽ ചെയ്തതായി അദ്ദേഹം പിന്നീട് കണ്ടെത്തി. ചതിയിൽ അകപ്പെട്ട ഏകദേശം 40 ഉപഭോക്താക്കൾ ഉൾപ്പെടുന്ന ഒരു വാട്ട്‌സ്ആപ്പ് ഗ്രൂപ്പിൽ ചേർന്നപ്പോഴാണ് അദ്ദേഹത്തിന് വഞ്ചനയുടെ ആഴം മനസ്സിലായത്. 

"മൊത്തം നഷ്ടം 20 ലക്ഷം ദിർഹമാണെന്നാണ് ഞങ്ങൾ കണക്കാക്കുന്നത്," അദ്ദേഹം പറഞ്ഞു.

ലാഹോറിലെ ബിസിനസുകാരനായ അഹ്‌സാൻ അലി, 1.5 ലക്ഷം ദിർഹം വിലമതിക്കുന്ന ഹെവി മെഷിനറികൾ, എൽസിഡി സ്റ്റാൻഡുകൾ, സോളാർ, ലാപ്‌ടോപ്പ് ബാറ്ററികൾ എന്നിവയ്ക്കായി 25,000 ദിർഹം നൽകി. 

ALSO READ: 'ഞാന്‍ ഒരു ചെറിയ കുട്ടിയായിരുന്നെങ്കിലും എന്റെ സ്വപ്‌നങ്ങള്‍ വളരെ വലുതായിരുന്നു'; സ്‌കൂള്‍ കാലത്തുക്കുറിച്ചുള്ള ഓര്‍മകളും അപൂര്‍വ ചിത്രങ്ങളും പങ്കുവെച്ച് ഷെയ്ഖ് ഹംദാന്‍ 

"വർഷങ്ങളുടെ കഠിനാധ്വാനത്തിന്റെ ഫലമാണ് ആ സാധനങ്ങൾ," അദ്ദേഹം പറഞ്ഞു. എന്നാൽ ഈ വസ്തുക്കളൊന്നും ലക്ഷ്യസ്ഥാനത്ത് എത്തിയില്ല. കമ്പനിയുമായി ബന്ധപ്പെടാനുള്ള അദ്ദേഹത്തിന്റെ എല്ലാ ശ്രമങ്ങളും വിഫലമാവുകും ചെയ്തു.

റവീദ് ആലം കാർഗോ സർവീസ്, സോഷ്യൽ മീഡിയയിലെ മികച്ച പരസ്യങ്ങളും സൗജന്യ പിക്കപ്പ് ഓഫറുകളും വഴി വലിയ ജനപ്രീതി നേടിയിരുന്നു.  എന്നാൽ, ഇപ്പോൾ കമ്പനിയുടെ യുഎഇ ഫോൺ നമ്പറുകളിൽ വിളിച്ചാൽ കിട്ടാത്ത അവസ്ഥയാണ്. വെയർഹൗസ് ആണെങ്കിൽ ആർക്കും വേണ്ടാത്ത വിധം ഒഴിഞ്ഞുകിടക്കുകയാണ്. 

a uae-based shipping company, raweed alam cargo service, has disappeared with goods valued at 2 million dirhams, including electronics, designer clothes, and family heirlooms. customers, misled by low-cost delivery promises, are left in shock as their shipments never reached destinations like karachi and rawalpindi.