ന്യൂയോർക്ക്: വിമാനങ്ങളിൽ അമിത ഭാരമുള്ള യാത്രക്കാർ ഇനിമുതൽ അധിക സീറ്റിന് അധികമായി പണം നൽകേണ്ടിവരുമെന്ന് സൗത്ത് വെസ്റ്റ് എയർലൈൻസ്. വിമാനത്തിൽ അനുവദിച്ച സീറ്റിന്റെ കൈത്താങ്ങുകൾക്കിടയിൽ ഒതുങ്ങി ഇരിക്കാൻ കഴിയാത്തവർക്കായിരിക്കും പുതിയ നിയമം ബാധകമാകുക.

അടുത്ത വർഷം ജനുവരി 27 മുതൽ നിയമം പ്രാബല്യത്തിൽ വരും. ഇനിമുതൽ അദിക സീറ്റിന് മുൻകൂറായി പണം നൽകേണ്ടിവരുമെന്നും വിമാനം പുറപ്പെടുമ്പോൾ ഒരു സീറ്റ് എങ്കിലും ഒഴിഞ്ഞുകിടക്കുന്നുണ്ടെങ്കിൽ മാത്രമേ പണം റീഫണ്ട് ചെയ്യുകയുള്ളൂ എന്നും സൗത്ത് വെസ്റ്റ് എയർലൈൻസ് വ്യക്തമാക്കി.

അധിക സീറ്റ് മുൻകൂട്ടി ബുക്ക് ചെയ്യാത്തവർ, ഡിപ്പാർറ്റർ ഗേറ്റിലെ കസ്റ്റമ്മർ സർവീസ് ഏജന്റിനോട് അവരുടെ ആവശ്യം വിശദീകരിക്കണം. ആവശ്യം ന്യായവും വിമാനത്തിൽ സീറ്റ് ലഭ്യവുമാണെങ്കിൽ സൗജന്യ അധിക സീറ്റ് നൽകും. എന്നാൽ, വിമാനത്തിൽ സീറ്റ് ലഭ്യമല്ലെങ്കിൽ എയർലൈൻ യാത്രക്കാരെ സീറ്റുകൾ ലഭ്യമായ മറ്റൊരു വിമാനത്തിൽ യാത്ര ചെയ്യാൻ അനുവദിക്കും.

ALSO READ: ലോകത്തിലെ ഏറ്റവും മനോഹരമായ പാസ്‌പോർട്ടുകളുടെ പട്ടിക പങ്കുവെച്ച് സോഷ്യൽ മീഡിയാ ഇൻഫ്ലുവൻസർ; പട്ടികയിൽ ഇടം നേടിയ പാസ്പോർട്ടുകൾ ഈ രാജ്യങ്ങളുടെ

നാഷണൽ അസോസിയേഷൻ ടു അഡ്വാൻസ് ഫാറ്റ് ആക്സപ്റ്റൻസിന്റെ എക്സിക്യൂട്ടീവ് ഡയറക്ടർ ടൈഗ്രസ് ഓസ്ബോൺ, ഈ നയമാറ്റം അമിത ഭാരമുള്ള യാത്രക്കാർക്ക് ദോഷകരമാകുമെന്ന് വ്യക്തമാക്കി. "അമിത ഭാരമുള്ള നിരവധി യാത്രക്കാർക്ക് സൗത്ത് വെസ്റ്റ് ഒരു പ്രതീക്ഷയുടെ ദീപസ്തംഭമായിരുന്നു. പുതിയ നയം അവരെ ഒറ്റപ്പെടുത്തും," ടൈ​ഗ്രസ് ഓസ്ബോൺ ദി ന്യൂയോർക്ക് ടൈംസിനോട് പറഞ്ഞു.

പഴയ നയത്തിൽ അധിക സീറ്റ് വാങ്ങൽ ശുപാർശ ചെയ്യുക മാത്രമാണ് ചെയ്തിരുന്നത്. എന്നാൽ അത് നിർബന്ധമാക്കിയിരുന്നില്ല. പുതിയ നയം അമിത ഭാരമുള്ള യാത്രക്കാർക്ക് യാത്ര കൂടുതൽ ചെലവേറിയതും സങ്കീർണ്ണവുമാക്കും.

southwest airlines' new seating policy, effective january 27, 2026, mandates plus-size passengers purchase an extra ticket without refund eligibility, replacing a previously flexible policy. the change, requiring advance purchase and strict refund conditions, has drawn criticism for making travel costlier and less accessible for overweight passengers.