കാനഡ: ഗസ്സയില്‍ മാധ്യമപ്രവര്‍ത്തകരുടെ കൂട്ടക്കൊലയില്‍ പങ്കുണ്ടെന്ന് ആരോപിച്ച് വാര്‍ത്താ ഏജന്‍സിയായ റോയിട്ടേഴ്‌സില്‍ നിന്ന് കനേഡിയന്‍ വനിതാ ഫോട്ടോ ജേര്‍ണലിസ്റ്റ് രാജിവെച്ചു. ഏജന്‍സിയില്‍ എട്ട് വര്‍ഷമായി സ്ട്രിംഗറായി ജോലി ചെയ്തിരുന്ന വലേരി സിങ്കാണ് അവിടുത്തെ ജോലി അവസാനിപ്പിക്കാന്‍ തീരുമാനിച്ചത്.  മാധ്യമപ്രവര്‍ത്തകരെ റോയിട്ടേഴ്‌സ് വഞ്ചിക്കുകയാണെന്ന് അവര്‍ തുറന്നടിച്ചു. ഇസ്‌റാഈല്‍ ഗസ്സയില്‍ മാധ്യമപ്രവര്‍ത്തകരെ ആസൂത്രിതമായി കൊലപ്പെടുത്തിയതിനെ ന്യായീകരിക്കുന്ന ഒരു സ്ഥാപനത്തില്‍ തനിക്ക് ഇനി ജോലി ചെയ്യാന്‍ കഴിയില്ല- തന്റെ ഫേസ്ബുക്ക് പേജിലൂടെയാണ് വലേരി ഇക്കാര്യം അറിയിച്ചത്.

'കഴിഞ്ഞ എട്ട് വര്‍ഷമായി റോയിട്ടേഴ്സിന്റെ ഭാഗമായതിനെ ഞാന്‍ വിലമതിക്കുന്നു. പക്ഷേ ഈ സമയം ഈ പ്രസ് കാര്‍ഡ് ധരിക്കുന്നത് അഗാധമായ നാണക്കേടും അവമതിപ്പുമുണ്ടാക്കുന്നു,' അവര്‍ പറയുന്നു. 'ഫലസ്തീനിലെ എന്റെ സഹപ്രവര്‍ത്തകരോട് ഞാന്‍ ഇത്രയെങ്കിലും കടപ്പെട്ടിരിക്കുന്നു, അതിലുപരി വളരെയധികം' അവര്‍ കൂട്ടിച്ചേര്‍ത്തു. ആഗസ്റ്റ് 10 ന് ഗസ്സയില്‍ അനസ് അല്‍-ഷെരീഫും അല്‍-ജസീറ സംഘവും കൊല്ലപ്പെട്ടതിനെത്തുടര്‍ന്ന് റോയിട്ടേഴ്സ് നടത്തിയ റിപ്പോര്‍ട്ടിങ്ങിനെ സിങ്ക് അപലപിച്ചു. 

ALSO READ: തീതുപ്പുന്ന ആകാശത്തിന് കീഴെ ഒന്നായവര്‍; ഇസ്‌റാഈല്‍ കൊന്നു കളഞ്ഞ മുഹമ്മദ് സലാമയുടെ പ്രണയകഥ 

'അല്‍-ഷെരീഫ് ഒരു ഹമാസ് പ്രവര്‍ത്തകനാണെന്ന ഇസ്‌റാഈലിന്റെ അടിസ്ഥാനരഹിതമായ അവകാശവാദം ഏജന്‍സി പ്രസിദ്ധീകരിച്ചു. റോയിട്ടേഴ്സ് പോലുള്ള മാധ്യമങ്ങള്‍ ഉത്തരവാദിത്തോടെയും മാന്യമായും ആവര്‍ത്തിച്ച എണ്ണമറ്റ നുണകളില്‍ ഒന്നാണിത്' വലേരി കുറിച്ചു.
 ഇനിയും ഒരു നിമിഷം പോലും റോയിട്ടഴ്‌സില്‍ തുടരാന്‍ കഴിയാത്ത ഒരു പോയിന്‍രില്‍ എത്തി നില്‍ക്കുകയാണ് താനെന്ന് അവര്‍ എക്‌സില്‍ കുറിച്ചു. 

I can’t in good conscience continue to work for Reuters given their betrayal of journalists in Gaza and culpability in the assassination of 245 our colleagues. pic.twitter.com/WO6tjHqDIU

— Valerie Zink (@valeriezink) August 26, 2025

കഴിഞ്ഞ ദിവസം നാസര്‍ ആശുപത്രിക്ക് നേരെയുണ്ടായ ആക്രമണത്തില്‍ നാല് മാധ്യമപ്രവര്‍ത്തകരടക്കം 14 പേര്‍ കൊല്ലപ്പെട്ടിരുന്നു. അല്‍ ജസീറ ഫോട്ടോ ജേണലിസ്റ്റ് മുഹമ്മദ് സലാമ,റോയിട്ടേഴ്‌സിന്റെ ഫോട്ടോ ജേണലിസ്റ്റായ ഹൊസ്സാം അല്‍ മസ്രി, അസോസിയേറ്റഡ് പ്രസിന്റേയും ദ ഇന്‍ഡിപ്പെന്‍ഡന്റ് അറബിക്കിന്റെയും പ്രതിനിധിയായ മറിയം അബു ദഖ, എന്‍ബി.സി നെറ്റ് വര്‍ക്കിന്റെ ജേര്‍ണലിസ്റ്റ് മൊഅസ് അബു ദഹ എന്നിവരാണ് കൊല്ലപ്പെട്ട മാധ്യമപ്രവര്‍ത്തകര്‍.  നസര്‍ ആശുപത്രിയിലെ റിപ്പോര്‍ട്ടിങ്ങിനിടയുണ്ടായ ബോംബാക്രമണത്തിലാണ് ഇവര്‍ കൊല്ലപ്പെട്ടത്. ഇതുവരെ ഇസ്‌റാഈല്‍ ആക്രമണത്തില്‍ 250 ഓളം മാധ്യമപ്രവര്‍ത്തകരാണ് കൊല്ലപ്പെട്ടത്.

valerie zink, a canadian photojournalist who worked with reuters for eight years, has resigned accusing the agency of complicity in the killings of journalists in gaza.