പത്തനംതിട്ട: അച്ചൻകോവിലാറ്റിൽ രണ്ട് വിദ്യാർത്ഥികൾ ഒഴുക്കിൽപ്പെട്ടു. പത്തനംതിട്ട കല്ലറക്കടവിൽ വെച്ചാണ് വിദ്യാർത്ഥികൾ ഒഴുക്കിൽപ്പെട്ടത്. നബീൽ നിസാം, അജ്‌സൽ അജി എന്നിവരെയാണ് കാണാതായത്. ഇരവരും മാർത്തോമാ ഹയർസെക്കണ്ടറി സ്‌കൂളിലെ ഒമ്പതാം ക്ലാസ് വിദ്യാർത്ഥികളാണ്. ഇന്ന് ഉച്ചയോടെയാണ് ഇരുവരും ഒഴുക്കിൽപ്പെട്ടത്. ഇവരില്‍ ഒരാളുടെ മൃതദേഹം കണ്ടെത്തി.

ഓണപ്പരീക്ഷയുടെ അവസാന ദിനത്തിൽ  സ്‌കൂൾ കഴിഞ്ഞെത്തിയാണ് വിദ്യാർത്ഥികളാണ് ആറ്റിലിറങ്ങിയത്. എട്ടുപേരുടെ സംഘമാണ് ആറ്റിലിറങ്ങാൻ എത്തിയത്. ഇവരിൽ ആദ്യം ഒരാൾ ഒഴുക്കിൽപ്പെടുകയും ഈ വിദ്യാർത്ഥിയെ രക്ഷിക്കാനുള്ള ശ്രമത്തിൽ രണ്ടാമത്തെ കുട്ടിയും ഒഴുക്കിൽപ്പെടുകയായിരുന്നു. ആറ്റിലെ തടയണയുടെ ഭാഗത്തെത്തിയപ്പോൾ കുട്ടികൾ കാൽ വഴുതി വീണതാകാം എന്നാണ് സംശയിക്കുന്നത്. 

അപകടം നടന്ന ഉടനെ ഇവരുടെ ഒപ്പമുണ്ടായിരുന്ന ചില കുട്ടികൾ ഭയന്ന് ഓടിപ്പോയി. മറ്റു ചിലർ ബഹളം വെച്ച് ഇക്കാര്യം നാട്ടുകാരെ അറിയിച്ചു. തുടർന്ന് നാട്ടുകാർ ഫയർഫോഴ്സിന് അറിയിക്കുകയായിരുന്നു.