കൊച്ചി: അനധികൃത സ്വത്ത് സമ്പാദനക്കേസില്‍ എ.ഡി.ജി.പി എം.ആര്‍ അജിത് കുമാറിനെതിരെ  പ്രൊസിക്യൂഷന്‍ അനുമതിയില്ലാതെ കേസെടുത്ത മജിസ്ട്രേറ്റ് കോടതി നടപടിയില്‍ വീഴ്ചയെന്ന് ഹൈക്കോടതി. അന്വേഷണത്തിന് നടപടിക്രമങ്ങള്‍ പാലിച്ചോ എന്നും കോടതി ചോദിച്ചു . വിജിലന്‍സില്‍ നിന്ന് റിപ്പോര്‍ട്ട് തേടി.

നിയമവശങ്ങള്‍ കൂടി വിശദമായി പരിശോധിക്കുമെന്ന് കോടതി വ്യക്തമാക്കി. അന്വേഷണം നടത്തിയത് സീനിയര്‍ ഓഫിസര്‍ ആണോ അതോ ജൂനിയര്‍ ഓഫിസര്‍ ആണോയെന്ന് ചോദിച്ച കോടതി ഹൈക്കോടതി ജഡ്ജിക്കെതിരെ ജില്ലാ ജഡ്ജി അന്വേഷണം നടത്തിയാല്‍ എങ്ങനെയിരിക്കുമെന്നും വിമര്‍ശിച്ചു. 

ALSO READ: പൂരം കലക്കല്‍: അജിത് കുമാറിനെതിരെ കടുത്ത നടപടി വേണ്ട, താക്കീത് മതിയെന്ന് സംസ്ഥാന പൊലിസ് മേധാവി

വിജിലന്‍സ് അന്വേഷിച്ച് ക്ലീന്‍ ചിറ്റ് നല്‍കിയതാണെന്നാണ് അജിത്കുമാര്‍ കോടതിയില്‍ വാദിച്ചത്. വിജിലന്‍സ് റിപ്പോര്‍ട്ട് തള്ളിയ തിരുവനന്തപുരം പ്രത്യേക കോടതി വിധിക്കെതിരെയാണ് അജിത് കുമാര്‍ ഹൈക്കോടതിയെ സമീപിച്ചത്.

 പൂരം കലക്കലില്‍ എ.ഡി.ജി.പി എം.ആര്‍ അജിത് കുമാറിനെതിരെ കടുത്ത നടപടി വേണ്ടെന്ന് സംസ്ഥാന പൊലിസ് മേധാവി അറിയിച്ചത്. പൊലിസില്‍ നിന്ന് മാറ്റിയതിനാല്‍ സസ്പെന്‍ഷന്‍ പോലെയുള്ള നടപടി വേണ്ടെന്നാണ് ഡി.ജി.പി റവാഡ ചന്ദ്ര ശേഖറിന്റെ നിലപാട്. താക്കീതില്‍ ഒതുക്കാനാണ് നീക്കം.താക്കീത് നല്‍കി അന്വേഷണം അവസാനിപ്പിച്ചേക്കുമെന്നും സൂചനയുണ്ട്. സര്‍ക്കാറിന്റെ ആവശ്യപ്രകാരം മാത്രമായിരിക്കും പുനഃപരിശോധന.

kerala high court criticized the magistrate court for proceeding against adgp mr ajith kumar in a disproportionate assets case without prior prosecution sanction. the court sought a detailed report from vigilance and raised concerns about procedural lapses.