നർസിംഗ്പൂർ: മധ്യപ്രദേശിലെ നർസിംഗ്പൂർ ജില്ലയിലെ ഒരു ആശുപത്രിയിൽ 23 വയസ്സുള്ള ട്രെയിനി നഴ്‌സിനെ അജ്ഞാതൻ കഴുത്തറുത്ത് കൊലപ്പെടുത്തി. കഴിഞ്ഞ വെള്ളിയാഴ്ച പൊതുജനങ്ങളുടെ മുന്നിൽ വെച്ചാണ് നടന്ന ഈ ഞെട്ടിക്കുന്ന സംഭവം നടന്നത്. ക്രൂരമായ കുറ്റകൃത്യം   നടന്നിട്ടും തടയാൻ ശ്രമിക്കാതെ ആശുപത്രിയിൽ കണ്ടുനിന്നവരെല്ലാം മൊബൈൽ ഫോണിൽ വീഡിയോ പകർത്താനുള്ള തിരക്കിലായിരുന്നുവെന്നാണ് റിപ്പോർട്ട്.

സന്ധ്യ ചൗധരിയെന്ന നഴ്‌സാണ് കൊല്ലപ്പെട്ടത് എന്ന് തിരിച്ചറിഞ്ഞിട്ടുണ്ട്. പ്രതി ആശുപത്രിയിൽ പ്രവേശിച്ച് സന്ധ്യയോട് സംസാരിച്ച ശേഷം കത്തി ഉപയോഗിച്ച് അവരുടെ കഴുത്ത് അറുത്തതായി ദൃശ്യങ്ങളിൽ വ്യക്തമാണ്. "സംഭവസമയത്ത് ഞാൻ ഓഫീസിലായിരുന്നു. ആളുകളുടെ നിലവിളി കേട്ട് എത്തിയപ്പോൾ സന്ധ്യ രക്തത്തിൽ കുളിച്ച് അനങ്ങാതെ കിടക്കുന്നതാണ് കണ്ടത്," ജില്ലാ ആശുപത്രി സിവിൽ സർജൻ ഡോ. ജി.സി. ചൗരസ്യ പറഞ്ഞു. പ്രതിയെ തിരിച്ചറിഞ്ഞതായി പൊലീസ് അറിയിച്ചു. അഭിഷേക് കോഷ്തി എന്നയാളാണ് കുറ്റവാളിയെന്നും, ഇയാൾ സന്ധ്യയുമായി ഏകദേശം രണ്ട് വർഷത്തോളം പ്രണയബന്ധത്തിലായിരുന്നുവെന്നും നർസിംഗ്പൂർ എസ്പി മൃഗഖി ദേക വെളിപ്പെടുത്തി. "പ്രതി സംഭവസ്ഥലത്ത് എത്തി പെൺകുട്ടിയെ കത്തി ഉപയോഗിച്ച് ആക്രമിക്കുകയും അവിടെ വെച്ച് തന്നെ അവൾ മരിക്കുകയും ചെയ്തു," എസ്പി പറഞ്ഞു.

ALSO READ: പ്രവാസികൾക്ക് സന്തോഷവാർത്ത: ഇന്ത്യൻ സിം ഇല്ലാതെ വിദേശ നമ്പർ വഴി യുപിഐ ഉപയോഗിച്ച് നാട്ടിലേക്ക് എളുപ്പം പണമയക്കാം

നഗരം വളഞ്ഞ് പ്രതിയെ പിടികൂടാനുള്ള ശ്രമങ്ങൾ തുടരുകയാണ്. കുറ്റകൃത്യത്തിന്റെ ഉദ്ദേശ്യം ഇനിയും വ്യക്തമല്ല," കോട്‌വാലി പൊലീസ് സ്റ്റേഷൻ ഇൻ ചാർജ് ഗൗരവ് ഘാട്ടെ അറിയിച്ചു. കൊലപാതക കേസ് രജിസ്റ്റർ ചെയ്തിട്ടുണ്ട്. സംഭവം കണ്ട ഒരു നഴ്സിംഗ് ഓഫീസർ ഇടപെടാൻ ശ്രമിച്ചപ്പോൾ പ്രതി ഭീഷണിപ്പെടുത്തിയതായും ടൈംസ് ഓഫ് ഇന്ത്യ റിപ്പോർട്ട് ചെയ്തു. 

In Narsinghpur, Madhya Pradesh, a 23-year-old trainee nurse, Sandhya Chaudhary, was brutally killed by Abhishek Koshti, her former lover, in a hospital. The attacker slit her throat in public view, while bystanders recorded the incident instead of intervening. Police have registered a murder case and are hunting for the accused, whose motive remains unclear. The viral video has sparked outrage over the lack of action by onlookers.