ദുബൈ/റിയാദ്: കേരളത്തില്‍ (Kerala Gold Price) ഏറിയും കുറഞ്ഞും സ്വര്‍ണവിപണിയില്‍ ചാഞ്ചാട്ടം ആണ് ഉള്ളതെങ്കില്‍ ഗള്‍ഫിലെ സ്വര്‍ണവിലയില്‍ (Gold Price in GCC Countries) കഴിഞ്ഞ ഏതാനും ദിവസങ്ങളായി ആശ്വസത്തിന്റെ വാര്‍ത്തയല്ല ഉള്ളത്. ഇറാന്‍- ഇസ്‌റാഈല്‍ സംഘര്‍ഷത്തിന് അയവുവന്നെങ്കിലും വീണ്ടും വ്യാപിക്കാനുള്ള സാധ്യത നിലനില്‍ക്കുന്നതിനാലാവണം ഗള്‍ഫിലെ സ്വര്‍ണവിപണിയില്‍ വര്‍ധനവ് രേഖപ്പെടുത്തുകയാണ്. യുഎഇയിലെ സ്വര്‍ണ്ണ വില കഴിഞ്ഞ വാരാന്ത്യത്തേക്കാള്‍ ഏകദേശം 10 ദിര്‍ഹം ആണ് കൂടിയത്. നിലവിലെ ട്രെന്‍ഡുകള്‍ അനുസരിച്ച് ഇനിയും വിലകൂടാനാണ് സാധ്യത. എന്നാല്‍ കേരളത്തില്‍ ഏറിയും കുറഞ്ഞും ആണ് സ്വര്‍ണവിലയുള്ളത്. 

ALSO READ: സഊദിയില്‍ ഗാര്‍ഹിക തൊഴിലാളികള്‍ക്ക് ജോലി കണ്ടെത്താന്‍ ഓണ്‍ലൈന്‍ പ്ലാറ്റ്‌ഫോം; ശമ്പളം ഡിജിറ്റല്‍ വാലറ്റുകള്‍ വഴിയും | Saudi Arabia Domestic Workers

കേരളാ വിപണിയില്‍ തിങ്കളാഴ്ച വന്‍ ഇടിവ് രേഖപ്പെടുത്തിയെങ്കിലും ഇന്നലെയും ഇന്നും കൂടുന്നതാണ് കണ്ടത്. പവന് 360 രൂപ വര്‍ധിച്ച് 72,520 രൂപ നിരക്കിലാണ് ഇന്ന് വ്യാപാരം നടക്കുന്നത്. ഒരു ഗ്രാം സ്വര്‍ണത്തിന് (22 കാരറ്റ്) 9065 രൂപയാണ് ഇന്ന് കേരളത്തില്‍. ഇടവേളയ്ക്ക് ശേഷം ഇന്നലെയാണ് കേരളത്തില്‍ സ്വര്‍ണ വില 72,000 കടന്നത്. ജൂണ്‍ 26ന് രേഖപ്പെടുത്തിയ 72560 രൂപയാണ് സമീപദിവസങ്ങളിലെ ഏറ്റവും ഉര്‍ന്ന വില. 

22 കാരറ്റ് സ്വര്‍ണം ഒരു ഗ്രാമിന് 374 ദിര്‍ഹം ആണ് യുഎഇയിലെ ഇന്നത്തെ വില. ഇത് ഏകദേശം 8,717 രൂപയ്ക്ക് അടുത്തു വരും. അതായത്, കേരളത്തിലെയും യുഎഇയിലെയും സ്വര്‍ണവിലയിലെ (22 കാരറ്റ് സ്വര്‍ണം ഒരു ഗ്രാം) വ്യത്യാസം എന്നത് 350 രൂപയോളം മാത്രമാണ്. കേരളത്തില്‍ ഇന്ന് ഒരു പവന് (എട്ട് ഗ്രാം) 72,520 ആണ് എങ്കില്‍ യുഎഇയില്‍ 69,739 രൂപയാണ്. അതായത് ഒരു പവന് യുഎഇയെയും കേരളത്തെയും താരതമ്യം ചെയ്താല്‍ 2,800 രൂപയുടെ മാറ്റം മാത്രമാണുള്ളത്. സഊദി അറേബ്യയില്‍ 382 റിയാല്‍ (8,725 ഇന്ത്യന്‍ രൂപ) ആണ് ഒരു ഗ്രാമിന്റെ വില. കഴിഞ്ഞദിവസങ്ങളിലെ വിപണിയെ അപേക്ഷിച്ച് 6 റിയാല്‍ അധികമാണിത്. 

ഗള്‍ഫില്‍ വന്‍ ഓഫറുകള്‍

സ്വര്‍ണവിലയിലെ വര്‍ധനവ് സമയത്ത് വിപണി സജീവമാകാനായി ഗള്‍ഫിലെ വ്യാപാരികള്‍ വിവിധ ഓഫറുകള്‍ പ്രഖ്യാപിച്ചിട്ടുണ്ട്. പതിവ് വേനല്‍ക്കാല കാമ്പെയ്‌നുകളുടെ ഭാഗമായും നിലവിലുള്ള DSS 2025 ഇന്‍സെന്റീവുകളുടെ ഭാഗമായും നിരവധി പ്രമോഷനുകള്‍ യുഎഇയില്‍ ഉണ്ട്. 2024- 25 കാലയളവില്‍ യുഎഇ 53.41 ബില്യണ്‍ ഡോളറിന്റെ സ്വര്‍ണ്ണം ആണ് കയറ്റുമതി ചെയ്തത്. നിലവില്‍ ലോകത്തിലെ ഏറ്റവും മികച്ച സ്വര്‍ണ്ണ കയറ്റുമതി രാജ്യങ്ങളില്‍ ഒന്നാണ് യുഎഇ. 

നിലവില്‍ കേരളത്തില്‍ ഒരു പവന്‍ സ്വര്‍ണാഭരണം വാങ്ങാന്‍ പണിക്കൂലി ഉള്‍പ്പെടെ 80,000 ല്‍ അധികം രൂപ കൊടുക്കേണ്ടിവരും. ഗള്‍ഫ് രാജ്യങ്ങളില്‍നിന്ന് പ്രവാസികള്‍ കുറഞ്ഞ സ്വര്‍ണം ആണ് വാങ്ങുന്നതെങ്കില്‍, അതില്‍ കാര്യമായ സാമ്പത്തിക ലാഭം ഉണ്ടാകണമെന്നില്ല. എന്നാല്‍ ചുരുങ്ങിയത് നാലും അഞ്ചും പവന്‍ ആഭരണങ്ങള്‍ വാങ്ങുകയാണെങ്കില്‍ അത് ഏകദേശം പതിനായിരം രൂപയോളം ലാഭിക്കാന്‍ സഹായിക്കും.

ALSO READ: അറേബ്യന്‍ ഉപദ്വീപില്‍ ആദിമ മനുഷ്യ വാസത്തിന് തെളിവ്; ഷാര്‍ജയില്‍ നിന്ന് കണ്ടെത്തിയത് 80,000 വര്‍ഷം പഴക്കമുള്ള ഉപകരണങ്ങള്‍; കൗതുകമുണര്‍ത്തുന്ന ചിത്രങ്ങള്‍ കാണാം

ക്യാരറ്റ് കൂടുന്തോറും സ്വര്‍ണ്ണത്തിന്റെ പരിശുദ്ധി കൂടുന്നതാണ്. 24 ക്യാരറ്റ് എന്നാല്‍ തനി ശുദ്ധ സ്വര്‍ണ്ണമാണ്. 22 ക്യാരറ്റും 18 ക്യാരറ്റും ബലവും ഈടും കൂട്ടാനായി മറ്റ് ലോഹങ്ങള്‍ കൂട്ടിച്ചേര്‍ത്തിട്ടതാണ്. നമുക്ക് കേരളത്തിലെയും ഗള്‍ഫ് രാജ്യങ്ങളായ (ജിസിസി) സഊദി അറേബ്യ, യുഎഇ, ഖത്തര്‍, ബഹ്‌റൈന്‍, കുവൈത്ത്, ഒമാന്‍ എന്നിവിടങ്ങളിലെ ഇന്നത്തെ സ്വര്‍ണ വില പരിശോധിക്കാം.

കേരളത്തിലെ സ്വര്‍ണവില
(ഓരോ ഗ്രാം വീതം)

22 ക്യാരറ്റ്: 9065

24 ക്യാരറ്റ്: 9889

18 ക്യാരറ്റ്: 7417

 

സഊദിയിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 382 (8,727)

24 ക്യാരറ്റ്: 414 (9,458)

18 ക്യാരറ്റ്: 312.5 (7,139)

യുഎഇയിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 374 (8,726)

24 ക്യാരറ്റ്: 403.75 (9,420)

18 ക്യാരറ്റ്: 306 (7,139)

ഒമാനിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 39.65 (8,835)

24 ക്യാരറ്റ്: 42.4 (9,448)

18 ക്യാരറ്റ്: 32.4 (7,219)

കുവൈത്തിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 30.35 (8,521)

24 ക്യാരറ്റ്: 33.1 (9,294)

18 ക്യാരറ്റ്: 24.8 (6,963)

 

ഖത്തറിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 375 (8,834)

24 ക്യാരറ്റ്: 403 (9,494)

18 ക്യാരറ്റ്: 306.8 (7,227)

ബഹ്‌റൈനിലെ സ്വര്‍ണ വില
(ബ്രായ്ക്കറ്റില്‍ ഇന്ത്യന്‍ രൂപ)

22 ക്യാരറ്റ്: 38.6 (8,772)

24 ക്യാരറ്റ്: 41.2 (9,362)

18 ക്യാരറ്റ്: 31.6 (7,181)

Like in Kerala, gold prices are continuously falling in the UAE, Saudi Arabia and other Gulf coutnries. In the last 24 hours, the price in the UAE has decreased by 3.75 dirhams. Traders are waiting to see if the gold market will return to the March price. Gold prices in Kerala are at their lowest level this month.