റിയാദ്: സഊദി അറേബ്യയില്‍ ഗാര്‍ഹിക തൊഴിലാളികള്‍ക്ക് എളുപ്പത്തില്‍ ജോലി കണ്ടെത്താനായി മുസാനിദ് (Musaned) പ്ലാറ്റ്‌ഫോം അവതരിപ്പിച്ചതിന് പിന്നാലെ ഇവര്‍ക്കുള്ള ശമ്പളം ഡിജിറ്റല്‍ വാലറ്റുകള്‍ വഴി വിതരണംചെയ്ത് തുടങ്ങി. ഗാര്‍ഹിക തൊഴിലാളികള്‍ക്കുള്ള ഇലക്ട്രോണിക് ശമ്പള ട്രാന്‍സ്ഫര്‍ സേവനത്തിന്റെ മൂന്നാം ഘട്ടം ഇന്നലെ (ജൂലൈ 2) മുതല്‍ പ്രാബല്യത്തില്‍ വന്നതായി മാനവ വിഭവശേഷി, സാമൂഹിക വികസന മന്ത്രാലയം പ്രഖ്യാപിച്ചു. മൂന്നോ അതിലധികമോ ഗാര്‍ഹിക തൊഴിലാളികളുള്ള തൊഴിലുടമകള്‍ക്കാണ് മൂന്നാം ഘട്ടം ബാധകമായത്.

മന്ത്രാലയത്തിന്റെ ഗാര്‍ഹിക റിക്രൂട്ടിംഗ് പ്ലാറ്റ്‌ഫോമായ മുസാനിദ് വഴിയാണ് ഈ സേവനവും ലഭ്യമാക്കുന്നത്. മുസാനിദ് വഴി ഇവാലറ്റുകളിലൂടെയും അംഗീകൃത ബാങ്ക് അകൗണ്ടുകളിലൂടെയും തൊഴിലാളികളിലേക്ക് നേരിട്ട് ശമ്പളം ലഭ്യമാക്കുന്നതാണ് സംവിധാനം. കഴിഞ്ഞ ജനുവരി ഒന്നിന് തുടക്കം കുറിച്ച പദ്ധതിയുടെ മൂന്നാം ഘട്ടത്തിനാണ് ഇന്നലെ തുടക്കമായത്. 

ALSO READ: ഗസ്സ വെടിനിര്‍ത്തല്‍ ചര്‍ച്ച സജീവം: കരാര്‍ ഇസ്‌റാഈല്‍ അംഗീകരിച്ചെന്ന് ട്രംപ്, നെതന്യാഹു വൈറ്റ്ഹൗസിലേക്ക്; ഈജിപ്ത് - ഖത്തര്‍ മധ്യസ്ഥര്‍ ഹമാസ് നേതാക്കളെ കാണും | Gaza Ceasefire

ഗാര്‍ഹിക തൊഴിലാളികളുടെ ശമ്പളം നിര്‍ബന്ധമായും ഇട്രാന്‍സ്ഫര്‍ ചെയ്യുന്നതിനുള്ള സംവിധാനം മന്ത്രാലയം ഘട്ടം ഘട്ടമായി നടപ്പാക്കാന്‍ നേരത്തെ തീരുമാനിച്ചിരുന്നു. ഈ വര്‍ഷം ഒക്ടോബര്‍ ഒന്ന് മുതല്‍ രണ്ടോ അതിലധികമോ തൊഴിലാളികളുള്ളവര്‍ ശമ്പളം ഇട്രാന്‍സ്ഫര്‍ ചെയ്യേണ്ടിവരും. 2026 ജനുവരി ഒന്ന് മുതല്‍ എല്ലാ ഗാര്‍ഹിക തൊഴിലാളികളെയും പദ്ധതിയില്‍ ഉള്‍പ്പെടുത്തുന്നതോടെ, സഊദിയിലെ എല്ലാ ഗാര്‍ഹിക തൊഴിലാളികള്‍ക്കും ശമ്പളം ഇട്രാന്‍സ്ഫര്‍ വഴിയായിരിക്കും ലഭിക്കുക. ഗാര്‍ഹിക ജീവനക്കാരുടെ ശമ്പളം നല്‍കുന്ന പ്രക്രിയ സുതാര്യവും സുഗമവുമാക്കുകയെന്ന ലക്ഷ്യത്തോടെയാണ് മാനവവിഭവശേഷി മന്ത്രാലയം പദ്ധതി ആരംഭിച്ചത്. വേതന സംരക്ഷണ സേവനം ഉറപ്പ് വരുത്തുകയെന്നതും ഇതിലൂടെ ലര്‍ക്കാര്‍ ലക്ഷ്യമിടുന്നു.

ഗാര്‍ഹിക തൊഴിലാളികളുടെ ശമ്പളവുമായി ബന്ധപ്പെട്ട അവകാശങ്ങള്‍ ഉറപ്പാക്കുക, ഗാര്‍ഹിക തൊഴിലാളി മേഖല വികസിപ്പിക്കാനുള്ള മന്ത്രാലയത്തിന്റെ ശ്രമങ്ങളെ പിന്തുണയ്ക്കുക, തൊഴിലുടമകളുടെയും ഗാര്‍ഹിക തൊഴിലാളികളുടെയും അവകാശങ്ങള്‍ വര്‍ദ്ധിപ്പിക്കുക എന്നിവയാണ് ഈ സംരംഭത്തിന്റെ ലക്ഷ്യമെന്നും മന്ത്രാലയം അറിയിച്ചു. 

ALSO READ: കോൺസുലാർ, പാസ്‌പോർട്ട്, വിസ സേവനങ്ങൾ നൽകുന്നതിന് 11 പുതിയ സേവന കേന്ദ്രങ്ങൾ ആരംഭിക്കും; മസ്കത്ത് ഇന്ത്യൻ എംബസി

ഈയടുത്താണ് മുസാനിദ് പ്ലാറ്റ്‌ഫോമിലൂടെ സിവികള്‍ അപ്ലോഡ് ചെയ്ത് ജോലി കണ്ടെത്താനുള്ള സംവിധാനം സഊദി അറേബ്യ അവതരിപ്പിച്ചത്. സേവനം പൂര്‍ണ്ണമായും ഓട്ടോമേറ്റഡ് ആയതിനാല്‍ തൊഴിലുടമകള്‍ക്ക് രാജ്യത്തെ ഗാര്‍ഹിക തൊഴിലാളികളെ എളുപ്പത്തില്‍ തെരഞ്ഞെടുക്കാന്‍ കഴിയും. തൊഴില്‍ കരാര്‍ അവസാനിച്ചതിനു ശേഷം തൊഴിലാളിക്ക് അനുഭവം രേഖപ്പെടുത്താനുള്ള സൗകര്യവും മുസാനിദില്‍ ഉണ്ട്. പുതിയ സംവിധാനത്തിലൂടെ തൊഴിലുടമക്ക് അനുയോജ്യമായ തൊഴിലാളികളെ മുസാനിദ് മുഖേന കണ്ടെത്താന്‍ കഴിയും. തൊഴിലാളിക്ക് എളുപ്പത്തില്‍ ജോലി ലഭ്യമാക്കാനും സാധിക്കും. 

2023ല്‍ സഊദി അറേബ്യ ഗാര്‍ഹിക തൊഴിലാളികളെ നിയമിക്കുന്നതിനുള്ള പുതിയ നിയമങ്ങള്‍ പുറത്തിറക്കിയിരുന്നു. കരാര്‍ അവകാശങ്ങള്‍ സംരക്ഷിക്കാനായി ഏറ്റവും കുറഞ്ഞ പ്രായം 21 ആയി നിശ്ചയിക്കുകയുണ്ടായി.

The Ministry of Human Resources and Social Development announced that the third phase of the electronic salary transfer service for domestic workers through digital wallets came into force on Tuesday, July 1. The third phase applies to employers with three or more domestic workers.