തിരുവനന്തപുരം: അഞ്ച് സിപിഎം പ്രവർത്തകർ കൊല്ലപ്പെട്ട കൂത്തുപറമ്പ് വെടിവെപ്പിൽ ഡിജിപി റവാഡ ചന്ദ്രശേഖർ തെറ്റുകാരനല്ലെന്ന് മുതിർന്ന സിപിഎം നേതാവ് എം.വി ജയരാജൻ. ജുഡീഷ്യൽ കമ്മീഷൻ റിപ്പോർട്ടിൽ അദ്ദേഹം കുറ്റക്കാരനല്ലെന്ന് വ്യക്തമായി പറയുന്നുണ്ട് എന്ന് ജയരാജൻ പറഞ്ഞു. ദേശാഭിമാനിയിൽ എഴുതിയ ലേഖനത്തിലാണ് റവാഡയ്ക്ക് ക്ലീൻ ചിറ്റ് നൽകിയത്. വെടിവെപ്പിനും ലാത്തിച്ചാർജിനും ഉത്തരവാദികൾ ഡെപ്യൂട്ടി കലക്ടർ ടി.ടി ആന്റണിയും ഡിവൈഎസ്‌പി ഹക്കീം ബത്തേരിയുമാണെന്നും ജയരാജൻ ലേഖനത്തിൽ വ്യക്തമാക്കുന്നു.

കൂത്തുപറമ്പിൽ ആദ്യം നടന്ന ലാത്തിച്ചാർജ് ആണ് വെടിവെപ്പിലേക്ക് എത്തിയത്. ലാത്തിച്ചാർജിന് തുടക്കം കുറിച്ചത് മന്ത്രിയുടെ എസ്കോർട്ടിൽ ഉണ്ടായിരുന്ന ഡിവൈഎസ്പി ഹക്കീം ബത്തേരിയാണ്. ഒഴിവാക്കാമായിരുന്ന ലാത്തിച്ചാർജാണ് വെടിവയ്‌പ്പിലേക്ക് വഴിവച്ചത്. എക്‌സിക്യൂട്ടീവ് മജിസ്ട്രേറ്റും ഡെപ്യൂട്ടി കലക്ടറുമായിരുന്ന ടി.ടി ആന്റണിക്ക് സ്ഥിതിഗതികൾ വിലയിരുത്തുന്നതിൽ ഉണ്ടായ വീഴ്ചയും വെടിവെപ്പിലേക്ക് നയിച്ചെന്നും കമ്മീഷൻ റിപ്പോർട്ടിന്റെ അടിസ്ഥാനത്തിൽ ജയരാജൻ സമർത്ഥിക്കുന്നു.

ALSO READ: സംസ്ഥാനത്ത് തെരുവ് നായ ശല്യം രൂക്ഷം; തിരുവനന്തപുരത്ത് ഇരുപതോളം പേർക്ക് കടിയേറ്റു, നായയ്‌ക്കായി തിരച്ചിൽ

1994 നവംബർ 25 നായിരുന്നു വിദ്യാഭ്യാസക്കച്ചവടത്തിനും പരിയാരം മെഡിക്കൽ കോളേജിനെ സ്വകാര്യ വത്കരിക്കുന്നതിലും പ്രതിഷേധിച്ചാണ്   ഡിവൈഎഫ്ഐയുടെ നേതൃത്വത്തിൽ സമരം നടന്നത്. സഹകരണമന്ത്രിയായിരുന്ന എം.വി. രാഘവന്റെ യോഗത്തിലേക്ക് പ്രതിഷേധവുമായി എത്തിയതിന് പിന്നാലെയാണ് ലാത്തിചാർജ്ജും വെടിവെപ്പുമുണ്ടായത്. അഞ്ച് പേരാണ് അന്ന് മരിച്ചത്. കെ.കെ. രാജീവൻ, കെ. ബാബു, മധു, കെ.വി. റോഷൻ, ഷിബുലാൽ എന്നിവരാണ് കൊല്ലപ്പെട്ടത്. 6 പേർക്ക് വെടിയുണ്ടയേറ്റും 133 പേർക്ക് ലാത്തിച്ചാർജിലും പരിക്കേറ്റു. ഇതിൽ വെടിയേറ്റ് ചലനശേഷി നഷ്ടമായ പുഷ്പൻ പിന്നീട് 2024 സെപ്തംബർ 28 ന് മരിച്ചു.

സംഭവത്തിൽ, 1995 ജനുവരി 20ന് തലശേരിയിലെ ജില്ലാ സെഷൻസ് ജഡ്ജി കെ പത്മനാഭൻ നായരെ അന്വേഷണ കമീഷനായി സർക്കാർ നിയോഗിച്ചു. 1997 മാർച്ച് 27ന് കമീഷൻ റിപ്പോർട്ട് സമർപ്പിച്ചു. ഈ റിപ്പോർട്ടിന്റെ അടിസ്ഥാനത്തിലാണ് ഇപ്പോൾ എം.വി ജയരാജൻ ലേഖനമെഴുതിയത്.

Senior CPM leader M.V. Jayarajan has stated that DGP Raveendranath Chandrasekhar is not responsible for the Kuthuparamba firing incident, in which five CPM workers were killed. According to Jayarajan, the judicial commission report has clearly indicated that Raveendranath is not guilty. Jayarajan made these remarks in an article published in Deshabhimani, the party mouthpiece. He further clarified in the article that the real persons responsible for the firing and lathi charge were Deputy Collector T.T. Antony and DYSP Hakeem Bathery.