കോട്ടയം: കോട്ടയം മെഡിക്കൽ കോളേജിൽ കെട്ടിടം തകർന്നുവീണ് ഒരു സ്ത്രീ മരിച്ച സംഭവത്തിൽ ആശുപത്രി സൂപ്രണ്ട് ഡോ. ടി.കെ. ജയകുമാർ അപകടത്തിന്റെ ഉത്തരവാദിത്തം ഏറ്റെടുത്തു. 2012 മുതൽ മെഡിക്കൽ കോളേജിൽ ജോലി ചെയ്യുന്ന താൻ കെട്ടിടത്തിന്റെ ബലക്ഷയം സംബന്ധിച്ച് നേരത്തെ ശ്രദ്ധയിൽപ്പെടുത്തിയിരുന്നുവെന്നും, കഴിഞ്ഞ വർഷം നടത്തിയ പഠനത്തിന്റെ റിപ്പോർട്ട് ലഭിച്ചിരുന്നുവെന്നും സൂപ്രണ്ട് വ്യക്തമാക്കി.

ALSO READ: കോട്ടയം മെഡിക്കൽ കോളേജ് അപകടം: കെട്ടിടത്തിൽ നിന്ന് പുറത്തെടുത്ത സ്ത്രീ മരിച്ചു, പുറത്തെടുത്തത് മണിക്കൂറുകൾ വൈകി, രക്ഷാപ്രവർത്തനത്തിൽ അനാസ്ഥ

സംഭവത്തിന്റെ പശ്ചാത്തലത്തിൽ മാധ്യമങ്ങളോട് പ്രതികരിക്കവെ, 2016-ൽ കിഫ്ബി ഫണ്ടിൽനിന്ന് പുതിയ കെട്ടിടത്തിന് അനുമതി ലഭിച്ചതായും, കെട്ടിടത്തിൽനിന്ന് സേവനങ്ങൾ മാറ്റാനുള്ള നടപടികൾ പുരോഗമിക്കുകയാണെന്നും അദ്ദേഹം പറഞ്ഞു. "ഈ കെട്ടിടം പൂർണമായി അടച്ചിടേണ്ടതായിരുന്നു, പക്ഷേ എല്ലാ സേവനങ്ങളും നിർത്തിവെക്കാൻ സാധിച്ചിരുന്നില്ല," ഡോ. ജയകുമാർ കൂട്ടിച്ചേർത്തു.

ALSO READ: യാത്രക്കിടെ ദേഹാസ്വാസ്ഥം; ആരോഗ്യമന്ത്രി വീണ ജോർജിനെ ആശുപത്രിയിൽ പ്രവേശിപ്പിച്ചു

അപകടം നടന്ന സമയത്ത് കെട്ടിടത്തിനുള്ളിൽ ആരും ഉണ്ടായിരുന്നില്ലെന്നാണ് ആദ്യം അറിയിച്ചിരുന്നതെങ്കിലും, പിന്നീട് ഒരു കുട്ടിയുടെ അമ്മ മിസ്സിംഗാണെന്ന വിവരം ലഭിച്ചു. തുടർന്ന് നടത്തിയ തെരച്ചിലിൽ കാഷ്വാലിറ്റി വിഭാഗത്തിൽ അവരെ കണ്ടെത്തി പറഞ്ഞു. "ആരെയും ഡിസ്ചാർജ് ചെയ്ത് പറഞ്ഞയച്ചിട്ടില്ല. അപകടസ്ഥലത്തെ എല്ലാവരെയും മാറ്റി," സൂപ്രണ്ട് വിശദീകരിച്ചു.

ശസ്ത്രക്രിയാ വിഭാഗങ്ങൾ മറ്റൊരു കെട്ടിടത്തിലേക്ക് മാറ്റിയിട്ടുണ്ട്. എട്ട് ഓപ്പറേഷൻ തിയറ്ററുകളിൽ രണ്ട് ഷിഫ്റ്റുകളിലായി ശസ്ത്രക്രിയകൾ ത്വരിതപ്പെടുത്തും. പുതിയ കെട്ടിടത്തിനായി 564 കോടി രൂപ അനുവദിച്ചെങ്കിലും കോവിഡ് മഹാമാരി മൂലം നിർമാണം വൈകി. ശുചിമുറി ചില വാർഡുകളിലെ രോഗികൾ ഉപയോഗിച്ചിരുന്നതായി അറിയാമെങ്കിലും, ഇത് പൂർണതോതിൽ ഉപയോഗിക്കപ്പെട്ടിരുന്നുവെന്ന വിവരം ശ്രദ്ധയിൽപ്പെട്ടിരുന്നില്ലെന്നും സൂപ്രണ്ട് സമ്മതിച്ചു.

മിസ്സിംഗ് അറിയാൻ താമസിച്ചു.അപകടം രാവിലെ 10:50-ന് സംഭവിച്ചു. 10:51-ന് പൊലീസിനെയും 10:55-ന് ഫയർഫോഴ്സിനെയും വിവരം അറിയിച്ചു. 11:03-ന് ഫയർഫോഴ്സ് എത്തി, 15 മിനിറ്റിനുള്ളിൽ മൂന്ന് വാർഡുകളിലെ ആളുകളെ മാറ്റി. ഡിഎംഇ ഡോ. വിശ്വനാഥ് പറഞ്ഞതനുസരിച്ച്, രക്ഷാപ്രവർത്തനം ഉടൻ തുടങ്ങിയെങ്കിലും, ജെസിബി 11:30-നാണ് എത്തിയത്, കാരണം അവിടേക്ക് ജെസിബി എത്തിക്കാൻ പ്രയാസമുണ്ടായിരുന്നു. 10 മിനിറ്റിനുള്ളിൽ 330 പേരെ മാറ്റാനായതായും അദ്ദേഹം വ്യക്തമാക്കി.

A woman died when a building at Kottayam Medical College collapsed on July 3, 2025. Superintendent Dr. T.K. Jayakumar took responsibility, admitting the building’s structural weakness was flagged earlier, with a study conducted last year. Approved in 2016 under KIFBI funds, a new building’s construction was delayed by COVID. Despite plans to relocate services, full closure wasn’t feasible. No patients were initially reported inside, but a missing woman was later found deceased. All 330 people were evacuated within 15 minutes, with surgeries shifted to other facilities.