മസ്‌കത്ത്: ഒമാനിലും ലബനാനിലും ആന്‍ഡ്രോയിഡ് ഉപയോക്താക്കള്‍ക്കായി ഗൂഗിള്‍ പേ സേവനം ആരംഭിച്ചതായി ഗൂഗിള്‍ അറിയിച്ചു. ഗൂഗിള്‍ പേ (Google Pay), ഗൂഗിള്‍ വാലറ്റ് (Google Wallet) സംവിധാനങ്ങള്‍ ആന്‍ഡ്രോയിഡ് ഫോണ്‍ ഉപകരണങ്ങള്‍ വഴി ഉപയോഗിക്കാമെന്ന് ഗൂഗിള്‍ ഔദ്യോഗികമായി അറിയിച്ചു. സൊഹാര്‍ ഇന്റര്‍നാഷണല്‍ ബാങ്ക് (Sohar International Bank) മാത്രമാണ് നിലവില്‍ ഉപഭോക്താക്കള്‍ക്ക് ഒമാനില്‍ ഗൂഗിള്‍ പേ സേവനം ലഭ്യമാക്കിയിരിക്കുന്നത്. 

ഇതുപ്രകാരം കോണ്‍ടാക്റ്റ് ലെസ് പേയ്‌മെന്റുകള്‍ സ്വീകരിക്കുന്ന ഇടങ്ങളില്‍ ജി പേ ഉപയോഗിച്ച് പണമിടപാടുകള്‍ നടത്താന്‍ കഴിയുമെങ്കിലും, ഇവ ഉപയോഗിച്ച് സുഹൃത്തുക്കള്‍ക്കോ കുടുംബത്തിനോ പണം അയക്കാനോ സേവനങ്ങള്‍ക്ക് പെയ്‌മെന്റ് ചെയ്യാനോ സാധിക്കില്ല. ഗൂഗിള്‍ പേ സപ്പോര്‍ട്ടഡ് സൈറ്റുകളിലൂടെയും ആപ്പുകളിലൂടെയും പര്‍ച്ചേസ്/സര്‍വിസ് ചെയ്യാന്‍ കഴിയും. നേരത്തെ ഒമാനില്‍ തുടങ്ങിയ ആപ്പിള്‍ പേ, സാംസങ് പേ സംവിധാനങ്ങള്‍ക്ക് സമാനമാണിത്. ആപ്പിള്‍ പേയും സാസംങ് പേയും അതത് ഉപഭോക്താക്കള്‍ക്ക് മാത്രമേ ലഭിച്ചിരുന്നുള്ളൂ. എന്നാല്‍ ഗൂഗിള്‍ പേ മിക്ക മൊബൈല്‍ ഫോണ്‍ ഉപഭോക്താക്കള്‍ക്കും പ്രയോജനപ്പെടുത്താന്‍ കഴിയും.

ALSO READ: 2015ല്‍ ദുബൈയില്‍ വച്ച് ഭാര്യയ്‌ക്കൊപ്പം ഇസ്ലാം സ്വീകരിച്ചു; നാട്ടിലെത്തി ദീനി പ്രവര്‍ത്തനങ്ങളില്‍ സജീവം; പിന്നാലെ മതംമാറ്റം ആരോപിച്ച് യു.പി പൊലിസ് അറസ്റ്റ് ചെയ്തു, ഓഫിസും വീടും തകര്‍ത്തു

അന്താരാഷ്ട്ര ഡെബിറ്റ്, ക്രെഡിറ്റ്, പ്രീപെയ്ഡ് കാര്‍ഡ് ഉടമകള്‍ക്ക് ഈ സേവനം ലഭ്യമാണ്. ഗൂഗിള്‍ പേ ഉപയോഗിക്കുന്നതിന്, ഉപഭോക്താക്കള്‍ അവരുടെ കാര്‍ഡ് ഗൂഗിള്‍ വാലറ്റ് ആപ്പിലേക്ക് ചേര്‍ക്കേണ്ടതുണ്ട്.

Google recently announced the start of Google Pay or Google Wallet in two new countries, Lebanon and Oman, which can be used via Android phone devices.While making an announcement, the company said Google Pay allows people to pay and make secure purchases in stores (where contactless payments are accepted), in apps, and on the web.