കൊല്‍ക്കത്ത: ഇന്ത്യന്‍ അന്വേഷണ ഏജന്‍സികളെ ഞെട്ടിച്ച് രാജ്യത്ത് വീണ്ടും പാക് ചാരന്‍മാര്‍ പിടിയില്‍. പാകിസ്ഥാന്‍ ചാര സംഘടന ഇന്റര്‍സര്‍വീസസ് ഇന്റലിജന്‍സിന് (ഐഎസ്‌ഐ) രാജ്യരഹസ്യങ്ങള്‍ കൈമാറിയെന്ന് കണ്ടെത്തിയതിനെത്തുടര്‍ന്ന് മുകേഷ് രജക്, രാകേഷ് കുമാര്‍ ഗുപ്ത എന്നിവരെയാണ് അറസ്റ്റ്‌ചെയ്തത്. പശ്ചിമ ബംഗാള്‍ പോലീസിന്റെ സ്‌പെഷ്യല്‍ ടാസ്‌ക് ഫോഴ്‌സ് (എസ്ടിഎഫ്) പുര്‍ബ ബര്‍ധമാനില്‍ നിന്നാണ് ഇരുവരെയും പിടികൂടിയത്.

രഹസ്യവിവരത്തെത്തുടര്‍ന്ന് നടത്തിയ ഓപ്പറേഷനില്‍ ബര്‍ധമാനിലെ രണ്ട് സ്ഥലങ്ങളില്‍നിന്നാണ് ശനിയാഴ്ച രാത്രി വൈകി അറസ്റ്റ് നടന്നത്. ബര്‍ദ്ധമാനിലെ വിവിധ ഭാഗങ്ങളിലുള്ള വാടക വീടുകളില്‍ ഇരുവരും മാറിമാറി താമസിക്കുകയായിരുന്നു. രണ്ടുപേരെയും കോടതിയില്‍ ഹാജരാക്കി. കോടതി ഇവരെ ഏഴ് ദിവസത്തേക്ക് എസ്ടിഎഫ് കസ്റ്റഡിയില്‍ വിട്ടു. 

ALSO READ: വിഖ്യാത ഉറുദു കവിയും ഇന്ത്യന്‍- യു.എസ് പണ്ഡിതനുമായ പ്രൊഫസര്‍ സി.എം നഈം അന്തരിച്ചു

പനാഗഡില്‍ താമസിക്കുന്ന മുകേഷ് രജക് ഇവിടുത്തെ സന്നദ്ധ സംഘടനയുടെ മറവിലാണ് ചാരപ്പണി ചെയ്തുകൊണ്ടിരുന്നത്. രാകേഷ് കുമാര്‍ ഗുപ്ത കൊല്‍ക്കത്തയിലെ ഭബാനിപൂര്‍ നിവാസിയാണെന്നും അതേ സംഘടനയില്‍ ജോലി ചെയ്യുന്നുവെന്ന വ്യാജേന ചാരനായി പ്രവര്‍ത്തിച്ചിരുന്നതായും ഏജന്‍സികള്‍ കണ്ടെത്തി.

ALSO READ: ഖത്തറില്‍ പ്രവാസി ഡെന്റിസ്റ്റുകള്‍ക്ക് യോഗ്യതാ പരീക്ഷ; പാസ്സായാല്‍ മാത്രം പ്രാക്ടീസിന് അനുമതി

ഇരുവരും പാകിസ്ഥാനിലെ ഐ.എസ്.ഐ ഏജന്റുമാര്‍ക്ക് ഇന്ത്യന്‍ മൊബൈല്‍ നമ്പറുകള്‍ ആക്ടീവ് ആക്കി കൊടുത്തതായും കണ്ടെത്തി. ചോദ്യം ചെയ്യലിലൂടെ കൂടുതല്‍ വിവരങ്ങള്‍ കണ്ടെത്താനുള്ള ശ്രമത്തിലാണ് ഉദ്യോഗസ്ഥര്‍.

അതേസമയം, രണ്ടുപേരും നല്ലവരായിരുന്നുവെന്നും മാന്യമായാണ് പെരുമാറിയിരുന്നതെന്നുമാണ് ഇവരുടെ അയല്‍വാസികള്‍ പോലീസിനോട് പറഞ്ഞത്. 

കൂടിവരുന്ന പാക് ചാരന്‍മാര്‍

പഹല്‍ഗാം ഭീകരാക്രമണത്തിന് പിന്നാലെ രണ്ടുഡസനോളം പാക്ചാരന്‍മാരാണ് ഇന്ത്യയില്‍ പിടിയിലായത്. സൈനികര്‍, ട്രാവല്‍ വ്‌ളോഗര്‍മാര്‍, സോഷ്യല്‍മീഡിയ ഇന്‍ഫഌവന്‍സര്‍മാര്‍, സര്‍ക്കാര്‍ ഉദ്യോഗസ്ഥര്‍, ഐ.ടി പ്രഫഷണലുകള്‍ ഉള്‍പ്പെടെയുള്ളവരാണ് പിടിയിലായത്. അറസ്റ്റിലായ പല വ്യക്തികളും തമ്മില്‍ പരസ്പര ബന്ധമുള്ളതിനാല്‍ വലിയ ശൃംഖല തന്നെ ചാരവൃത്തിയുമായി ബന്ധപ്പെട്ട് പ്രവര്‍ത്തിച്ചിരുന്നതായും ഇന്ത്യന്‍ ഏജന്‍സികള്‍ കണ്ടെത്തിയിട്ടുണ്ട്.

West Bengal Police arrested two individuals from Purba Bardhaman on suspicion of allegedly passing on information to Pakistan’s intelligence agency, Inter-Services Intelligence (ISI). The accused, identified as Mukesh Rajak and Rakesh Kumar Gupta, were produced before a Kolkata court and judge remanded them to STF custody for seven days. The arrests, made late Saturday night, followed a search operation across two locations in Bardhaman.