ന്യൂഡല്‍ഹി: പ്രശസ്ത ഉറുദു കവിയും ഇന്ത്യന്‍- യു.എസ് പണ്ഡിതനുമായ സി.എം നഈം എന്ന പ്രൊഫസര്‍ ചൗധരി മുഹമ്മദ് നഈം (89) അന്തരിച്ചു. ഉറുദു ഭാഷയ്ക്ക് പുറമെ ദക്ഷിണേഷ്യന്‍ പഠനങ്ങളിലും കഴിവുതെളിയിച്ച പണ്ഡിതനായിരുന്നു. ഉത്തര്‍പ്രദേശിലെ ബരാബങ്കിയില്‍ ജനിച്ച നഈം ഉറുദു സാഹിത്യം, സംസ്‌കാരം, രാഷ്ട്രീയം എന്നിവയിലെ ഏറ്റവും മികച്ച ശബ്ദങ്ങളില്‍ ഒരാളായി പരക്കെ കണക്കാക്കപ്പെടുന്ന വ്യക്തിയാണ്.

 

 

1955ല്‍ ലഖ്‌നൗ സര്‍വകലാശാലയില്‍ നിന്ന് ബിരുദാനന്തര ബിരുദം പൂര്‍ത്തിയാക്കിയ അദ്ദേഹം അമേരിക്കയിലേക്ക് താമസം മാറുകയും കാലിഫോര്‍ണിയ സര്‍വകലാശാലയില്‍ ഉപരിപഠനം പൂര്‍ത്തിയാക്കുകയുംചെയ്തു. 1961 മുതല്‍ 2001 വരെ ചിക്കാഗോ സര്‍വകലാശാലയില്‍ അധ്യാപകനായും ജോലിനോക്കി. ദക്ഷിണേഷ്യന്‍ ഭാഷകളുടെയും നാഗരികതകളുടെയും പ്രൊഫസര്‍ എമറിറ്റസായും സേവനമനുഷ്ഠിച്ചു. 1985 മുതല്‍ 1991 വരെ വകുപ്പിന്റെ അധ്യക്ഷനായിരുന്നു.

അക്കാദമിക് മേഖലയ്ക്ക് പുറമേ, നിരവധി ജേണലുകളുടെ സ്ഥാപക എഡിറ്ററായിരുന്നു നഈം. ഇന്ത്യന്‍ ഉപഭൂഖണ്ഡത്തില്‍ ഉറുദുവിന്റെ ശക്തനായ നിരൂപകനായും തുടര്‍ന്നു. ഇതോടൊപ്പം തന്നെ ഫലസ്തീന്‍ ഉള്‍പ്പെടെയുള്ള രാഷ്ട്രീയ വിഷയങ്ങളിലും അദ്ദേഹം ഇടപെടല്‍ നടത്തുകയും കനപ്പെട്ട ലേഖനങ്ങള്‍ എഴുതുകയുംചെയ്തു.

Renowned Urdu scholar, Professor C.M. Naim, has passed away. May he rest in peace. Was honoured to call him a friend.

Choudhri Mohammed Naim (3 June 1936 - 9 July 2025)https://t.co/TxTguI73Hd pic.twitter.com/V1kCYtC7ka

— Musharraf Ali Farooqi (@microMAF) July 10, 2025

ന്യൂയോര്‍ക്ക് സിറ്റിയിലെ ഏഷ്യന്‍ സൊസൈറ്റിയുടെ ഏഷ്യന്‍ ലിറ്ററേച്ചര്‍ പ്രോഗ്രാം, പ്രിന്‍സ്റ്റണ്‍ യൂണിവേഴ്‌സിറ്റി പ്രസ്സ്, ഷിക്കാഗോ യൂണിവേഴ്‌സിറ്റി പ്രസ്സ്, കാലിഫോര്‍ണിയ യൂണിവേഴ്‌സിറ്റി പ്രസ്സ്, ഫെമിനിസ്റ്റ് പ്രസ്സ്, ശാസ്ത്രി ഇന്തോകനേഡിയന്‍ ഇന്‍സ്റ്റിറ്റ്യൂട്ട്, നാഷണല്‍ എന്‍ഡോവ്‌മെന്റ് ഫോര്‍ ദി ഹ്യുമാനിറ്റീസ് എന്നിവയുടെ കണ്‍സള്‍ട്ടന്റായി അദ്ദേഹം പ്രവര്‍ത്തിച്ചിട്ടുണ്ട്. 

ALSO READ: ഖത്തറില്‍ പ്രവാസി ഡെന്റിസ്റ്റുകള്‍ക്ക് യോഗ്യതാ പരീക്ഷ; പാസ്സായാല്‍ മാത്രം പ്രാക്ടീസിന് അനുമതി

സൗത്ത് ഏഷ്യ റീജിയണല്‍ കൗണ്‍സില്‍, അസോസിയേഷന്‍ ഫോര്‍ ഏഷ്യന്‍ സ്റ്റഡീസ്, ഏഷ്യന്‍ ഡിസെന്റ് കമ്മിറ്റി ഓണ്‍ സ്‌കോളേഴ്‌സ്, അസോസിയേഷന്‍ ഫോര്‍ ഏഷ്യന്‍ സ്റ്റഡീസ് എന്നിവയില്‍ അംഗമായും അസേവനമനുഷ്ഠിച്ചിട്ടുണ്ട്.

Professor Choudhri Mohammed Naim (89), one of the most respected authorities on Urdu language and South Asian studies, has passed away. Born in Barabanki, Uttar Pradesh, Naim was widely regarded as among the finest voices on Urdu literature, culture, and politics.