കൊച്ചി: സംസ്ഥാനത്ത് സ്വര്‍ണവിലയില്‍ ഇന്നും വന്‍ കുതിപ്പ്. സ്വര്‍ണത്തിന് മാത്രമല്ല എല്ലാ ലോഹങ്ങള്‍ക്കും വിലയില്‍ വന്‍ മാറ്റമാണ് സംഭവിച്ചിരിക്കുന്നത്. വെള്ളിയുടെ വില ഇന്ന് സര്‍വകാല റെക്കോര്‍ഡ് രേഖപ്പെടുത്തിയിരിക്കുന്നു. സ്വര്‍ണവിലയില്‍ വന്‍ കുതിപ്പ് ആയതിനാല്‍ പുതിയ സ്വര്‍ണം വാങ്ങുന്നതും ആഭരണം വാങ്ങുന്നതും ഇന്ന് അത്ര ലാഭകരമല്ല. എന്നാല്‍ പഴയ സ്വര്‍മം വില്‍ക്കാന്‍ ആഗ്രഹിക്കുന്നവര്‍ക്ക് ഇന്ന് നേട്ടമാണ്. അതേസമയം സ്വര്‍ണ വില ഇനിയും കുതിക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നു.  

സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക്  24 കാരറ്റ് ബാറുകളും ഗോള്‍ഡ് ഇ.ടി.എഫും കേന്ദ്രീകരിക്കുന്നതാണ് നല്ലതെന്നും വിദഗ്ധര്‍ ചൂണ്ടിക്കാട്ടുന്നു. ആഭരണം വാങ്ങുന്നവര്‍ക്ക് ജി.എസ്.ടി പണിക്കൂലി തുടങ്ങി വലിയ ചെലവ് വരും. ഇന്നത്തെ വില അറിയാം.
                                                                        
73120 രൂപയാണ് ഇന്ന് ഒരു പവന്‍ സ്വര്‍ണത്തിന് കേരളത്തിലെ വില. 22 കാരറ്റിന്റെ വിലയാണിത്. 520 രൂപയാണ് പവന് കൂടിയത്. ഗ്രാമിന് 65 രൂപ വര്‍ധിച്ച് 9140 രൂപയായിട്ടുണ്ട്. ഇന്നലെ ഗ്രാമിന് 55 രൂപയാണ് കൂടിയിരുന്നത്. ഇന്ന് വെള്ളിയുടെ വിലഗ്രാമിന് 4 രൂപ കൂടി 122 രൂപയായി. റെക്കോര്‍ഡ് വിലയാണിത്.

ALSO READ: ട്രംപിന്റെ ഭീഷണിയില്‍ സ്വര്‍ണ വില കുതിക്കുന്നു;  പവന്‍ വാങ്ങാന്‍ 80,000ത്തിനടുത്ത് ചെലവ് വരും

18 കാരറ്റ് സ്വര്‍ണം ഗ്രാമിന് 55 രൂപ വര്‍ധിച്ച് 7479 രൂപയിലെത്തി. പവന്‍ വാങ്ങണമെങ്കില്‍ 59,832 രൂപ വേണം.

 ഏത് സ്വര്‍ണവും ആഭരണമായി വാങ്ങുമ്പോള്‍ ഈ സംഖ്യയേക്കാള്‍ ചെലവ് വരും. പണിക്കൂലി മൂന്ന് ശതമാനം ജിഎസ്ടി തുടങ്ങി ഏകദേശം 6000 രൂപ കൂടി നല്‍കിയാല്‍ മാത്രമേ ഒരു പവന്‍ ആഭരണം കിട്ടൂ.

ഇന്നത്തെ വില വിവരം ഇങ്ങനെ

24 കാരറ്റ്
ഗ്രാമിന് കൂടിയത് 71 രൂപ വില 9,971
പവന്‍ കൂടിയത് 568 രൂപ വില 79,768

22 കാരറ്റ് 
ഗ്രാമിന് കൂടിയത് 65 രൂപ വില 9,140
പവന്‍ കൂടിയത് 520 രൂപ വില 73,120

18കാരറ്റ്
ഗ്രാമിന് കൂടിയത് 54 രൂപ വില 7,479
പവന് കൂടിയത്. 432 രൂപ വില 59,832 

ALSO READ: സ്വര്‍ണമോ ഓഹരിയോ..ഏതാണ് സുരക്ഷിത നിക്ഷേപം, ലാഭകരവും; അറിഞ്ഞിരിക്കാം ഇക്കാര്യങ്ങള്‍ 

കേരളത്തിലെ വില സ്വാധീനിക്കുന്നത് യു.എസ് നയങ്ങള്‍
ആഗോള വിപണിയില്‍ സ്വര്‍ണം ഔണ്‍സിന് 3356 ഡോളറായി ഉയര്‍ന്നതിന്റെ പ്രതിഫലനമാണ് കേരളത്തിലും കാണുന്നത്. അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് തുടങ്ങിവച്ച തീരുവ യുദ്ധമാണ് വിപണിയില്‍ ചലനങ്ങള്‍ സൃഷ്ടിക്കുന്നത്. ഇന്ത്യക്കെതിരേയും ഭീഷണി ഉയര്‍ത്തിയിട്ടുണ്ട് ട്രംപ്. ഇന്ത്യക്കെതിരെ എത്ര എന്ന് ട്രംപ് പക്ഷേ പറഞ്ഞിട്ടില്ല. യു.എസ് സൗഹൃദ രാജ്യങ്ങള്‍ക്കെതിരെ പോലും ട്രംപ് തീരുവ വര്‍ധിപ്പിച്ചിരിക്കുകയാണ്. 

പവന്‍ വാങ്ങാന്‍ 80,000 മതിയാവില്ല
ഉപഭോക്താക്കള്‍ക്ക് വയറ്റത്തടിയാണ് സ്വര്‍ണ വിലയിലെ ഈ വര്‍ധന. 80000 രൂപയോളം ചെലവ് വരും ഒരു പവന്‍ ആഭരണം വാങ്ങുമ്പോള്‍. എന്നാല്‍ പഴയ സ്വര്‍മം വില്‍ക്കുന്നവര്‍ക്ക് ഇപ്പോള്‍ നല്ല വില ലഭിക്കുമെന്ന് വ്യാപാരികള്‍ പറയുന്നു. ഗോള്‍ഡ് ഇ.ടി.എഫിലും വില്‍പന കൂടിയേക്കും.