കൊല്ലം: ദമ്പതികളും കുഞ്ഞും സഞ്ചരിച്ച സ്‌കൂട്ടറില്‍ ബസ്സിടിച്ച് യുവതി മരിച്ചു. ദമ്പതികള്‍ സഞ്ചരിച്ച സ്‌കൂട്ടറിന് പിന്നില്‍ ബസ്സിടിച്ചാണ് അപകടമുണ്ടായത്. ബസ്സിനടിയില്‍പ്പെട്ടാണ് യുവതി മരിച്ചത്. സംഭവത്തില്‍ പത്തുമാസം പ്രായമുള്ള കുഞ്ഞിനു ഗുരുതരമായി പരുക്കേറ്റു.

ഇന്നു രാവിലെ പതിനൊന്നിനു നഗരത്തില്‍ കൊല്ലം-തിരുമംഗലം ദേശീയപാതയിലെ കടപ്പാക്കട ധന്യാസൂപ്പര്‍ മാര്‍ക്കറ്റിനു മുന്നിലായിരുന്നു അപകടം. മങ്ങാട് കുഴിവിളവീട്ടില്‍ സുമയ്യയാ(23)ണ് മരിച്ചത്. ഗുരുതരമായി പരുക്കേറ്റ കുഞ്ഞിനെ ആശുപത്രിയില്‍ പ്രവേശിപ്പിച്ചു. ഭര്‍ത്താവ് നവാസിനു പരുക്കുകളില്ല. സ്വകാര്യബസ് തട്ടിയതിനെതുടര്‍ന്നു സമയ്യയും കുഞ്ഞും ബസ്സിനടിയിലും നവാസ് റോഡിന്റെ വശത്തേക്കുമാണ് വീണത്. ബസ് കയറിയിറങ്ങി സുമയ്യ തല്‍ക്ഷണം മരിച്ചു.