കോഴിക്കോട്: മുസ്ലിം സമുദായം ഐഡന്റിറ്റി ഉയർത്തിപ്പിടിക്കുകയും പുരോഗതിക്കാവശ്യമായ കർമ്മ പദ്ധതികൾ രൂപപ്പെടുത്തുകയുമാണ് വേണ്ടതെന്ന് എസ് കെ എസ് എസ് എഫ് സംസ്ഥാന കമ്മിറ്റി സി. എ. എ ഒളിയജണ്ടകളും പ്രതിരോധവും എന്ന വിഷയത്തിൽ സംഘടിപ്പിച്ച ജാഗ്രത സദസ്സ് അഭിപ്രായപ്പെട്ടു. മുസ്ലിം സമുദായത്തെ ഒറ്റപ്പെടുത്താനുള്ള ബോധപൂർവ്വമായ നീക്കങ്ങളാണ് കേന്ദ്രസർക്കാറിന്റെ നേതൃത്വത്തിൽ നടന്നു വരുന്നത്. എന്നാൽ ഇതിനെ രാഷ്ട്രീയ ആയുധമാക്കി സമുദായത്തിന്റെ രക്ഷാകർതൃത്വം ചമയാനാണ് പലരും ശ്രമിക്കുന്നത്. അതിൽ നിന്ന് മാറി രാഷ്ട്രീയ രംഗത്തെ സമ്മർദ്ദ ശക്തിയാവാനാണ് സമുദായ നേതൃത്വം ശ്രമിക്കേണ്ടതെന്ന് സദസ്സ് അഭിപ്രായപ്പെട്ടു.
സത്താർ പന്തല്ലൂർ അധ്യക്ഷത വഹിച്ചു. 

എഴുത്തുകാരനും രാഷ്ട്രീയ നിരീക്ഷകനുമായ ദാമോദർ പ്രസാദ് ഉദ്ഘാടനം ചെയ്തു. മാധ്യമപ്രവർത്തകൻ പി.ടി നാസർ,
എസ്.കെ എസ്.എസ്.എഫ് സംസ്ഥാന ജന.സെക്രട്ടറി ഒ പി അഷ്റഫ് കുറ്റി ക്കടവ് പ്രഭാഷണം നടത്തി.
അയ്യൂബ് മുട്ടിൽ, സയ്യിദ് മു ബഷീർ തങ്ങൾ ജമലൂല്ലൈലി, അലി വാണിമേൽ,അലി അസ്കർ കരിമ്പ,അസ്‌ലം ഫൈസി, 
ഡോ. അബ്ദുൽ ഖയ്യൂം,സു റൂർ പാപ്പിനിശ്ശേരി, അലി അക്ബർ മുക്കം,  ഷാഫി മാസ്റ്റർ ആട്ടീരി, നസീർ മുരിയാട്,റാഷിദ് കാ ക്കുനി എന്നിവർ സംബന്ധിച്ചു. സംസ്ഥാന വർക്കിംഗ് സെക്രട്ടറി ബഷീർ അസ് അദി നമ്പ്രം സ്വാഗതവും നൂറുദ്ധീൻ ഫൈസി മുണ്ടുപാറ നന്ദിയും പറഞ്ഞു