തിരുവനന്തപുരം: സംസ്ഥാനത്ത് നിപ സമ്പര്‍ക്കപ്പട്ടികയില്‍ ഉള്‍പ്പെട്ടവരുടെ ആകെ എണ്ണം 674 ആയെന്ന് ആരോഗ്യ മന്ത്രി വീണ ജോര്‍ജ് അറിയിച്ചു. ഇന്ന് 84 പേരെകൂടി സമ്പര്‍ക്കപ്പട്ടികയില്‍ നിന്ന് ഒഴിവാക്കിയിട്ടുണ്ട്. ആകെ 32 പേര്‍ ഹൈയസ്റ്റ് റിസ്‌ക് പട്ടികയിലും, 111 പേര്‍ ഹൈ റിസ്‌ക് വിഭാഗത്തിലും തുടരുകയാണ്. 

പാലക്കാട് 426, മലപ്പുറം 131, കോഴിക്കോട് 115, എറണാകുളം-തൃശൂര്‍ ജില്ലകളിലായി ഒരാള്‍ വീതവുമാണ് സമ്പര്‍ക്കപ്പട്ടികയിലുള്ളത്. മലപ്പുറം ജില്ലയില്‍ ഇതുവരെ 88 സാമ്പിളുകള്‍ നെഗറ്റീവായിട്ടുണ്ട്. പാലക്കാട് 17, മലപ്പുറം 12 എന്നിങ്ങനെയാണ് ഐസൊലേഷനില്‍ തുടരുന്ന രോഗികളുടെ എണ്ണം. 

നിപ സാഹചര്യം വിലയിരുത്തുന്നതിനായി ആരോഗ്യ വകുപ്പ് പ്രത്യേക ഉന്നതതല യോഗം ചേര്‍ന്നു. നാഷണല്‍ ഹെല്‍ത്ത് മിഷന്‍ സ്‌റ്റേറ്റ് ഡയറക്ടര്‍, ആരോഗ്യ വകുപ്പ് ഡയറക്ടര്‍, മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍, അഡീഷണല്‍ ഡയറക്ടര്‍മാര്‍, ജില്ല കളക്ടര്‍മാര്‍, ജില്ല മെഡിക്കല്‍ ഓഫീസര്‍മാര്‍, പൊലിസ് ഉദ്യോഗസ്ഥര്‍, വിവിധ വകുപ്പ് ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു. 

ALSO READ: കനത്ത മഴ; റെഡ് അലർട്ട്; വിവിധ ജില്ലകളിൽ വിദ്യാഭ്യാസ സ്ഥാപനങ്ങൾക്ക് നാളെ അവധി

അതേസമയം പാലക്കാട് ജില്ലയില്‍ മണ്ണാര്‍ക്കാട് താലൂക്കില്‍ നിപയെ തുടര്‍ന്ന് മാസ്‌ക് നിര്‍ബന്ധമാക്കി ആരോഗ്യ വകുപ്പ് ഉത്തരവിറക്കി. ഇതിന് പുറമെ കണ്ടയ്ന്‍മെന്റ് സോണിലെ സര്‍ക്കാര്‍ ജീവനക്കാര്‍ക്ക് വര്‍ക്ക് ഫ്രം ഹോം സംവിധാനവും ഏര്‍പ്പെടുത്തി. പ്രദേശത്തെ സ്‌കൂളുകളിലെയും, കോളജുകളിലെയും വിദ്യാര്‍ഥികള്‍ക്ക് ഓണ്‍ലൈന്‍ ക്ലാസുകള്‍ സംഘടിപ്പിക്കാനും തീരുമാനമായിട്ടുണ്ട്. 

The total number of people on the Nipah contact list in the state has reached 674, according to Health Minister Veena George. Today, 84 people have been removed from the contact list. Currently, 32 individuals remain under the highest risk category, while 111 people are still classified under the high-risk group.