പിഎച്ച്ഡി പ്രവേശനത്തിനുള്ള വിജ്ഞാപനം റദ്ദാക്കി എംജി സര്‍വകലാശാല. യുജിസിയുടെ നിര്‍ദ്ദേശങ്ങള്‍ പാലിച്ചു മാത്രമേ പ്രവേശനം നടത്തുവെന്ന് എംജി വിസി അറിയിച്ചു. പ്രവേശന നടപടികള്‍ സമയബന്ധിതമായി പൂര്‍ത്തീകരിക്കുന്നതിന് വേണ്ടിയാണ് വിജ്ഞാപനം ഇറക്കിയത്. രജിസ്‌ട്രേഷന്‍ നടപടികള്‍ ആരംഭിച്ചിട്ടില്ല എന്നും അദ്ദേഹം പറഞ്ഞു.

സര്‍വകലാശാലയുടെ വിജ്ഞാപനം വന്നതിനു ശേഷമാണ് യുജിസി പബ്ലിക് നോട്ടീസ് പ്രസിദ്ധീകരിച്ചത്. പിഎച്ച്ഡി പ്രവേശന വിജ്ഞാപനവുമായി ബന്ധപ്പെട്ട് സര്‍വകലാശാലയില്‍ ആരും പരാതി നല്‍കിയിട്ടില്ല. പുതിയ സാഹചര്യത്തില്‍ വിജ്ഞാപനപ്രകാരമുള്ള തുടര്‍ നടപടികള്‍ നിര്‍ത്തിവയ്ക്കുമെന്നും അദ്ദേഹം കൂട്ടിച്ചേര്‍ത്തു.