തിരുവനന്തപുരം: തേവലക്കര സ്‌കൂളില്‍ വിദ്യാര്‍ഥി ഷോക്കേറ്റ് മരിച്ചതുമായി ബന്ധപ്പെട്ട് നടത്തിയ പ്രസ്താവനക്കെതിരെ വിമര്‍ശനമുയര്‍ന്നതിന് പിന്നാലെ  ഖേദം പ്രകടിപ്പിച്ച് മന്ത്രി ജെ. ചിഞ്ചുറാണി. കുട്ടികള്‍ പറയുന്നത് കേള്‍ക്കാത്തതാണ് പ്രശ്നമെന്നായിരുന്നു ചിഞ്ചുറാണി കഴിഞ്ഞ ദിവസം അപകടമറിഞ്ഞതിന് പിന്നാലെ മന്ത്രി പ്രതികരിച്ചത്.  ഈ പ്രസ്താവന ഒഴിവാക്കാമായിരുന്നുവെന്ന് ഇന്ന് ഖേദം പ്രകടിപ്പിച്ച് ചിഞ്ചുറാണി പ്രതികരിച്ചു. 

കുടുംബം ദുഃഖാവസ്ഥയിലാണെന്നും കുടുംബത്തിന്റെ ഒപ്പം നില്‍ക്കുന്നുവെന്നും മന്ത്രി കൂട്ടിച്ചേര്‍ത്തു. കുടുംബത്തിന് വേണ്ട സഹായം സര്‍ക്കാര്‍ നല്‍കുമെന്നും സ്‌കൂളിന്റെ വീഴ്ചയും കെ.എസ്.ഇ.ബിയുടെ വീഴ്ചയും പരിശോധിക്കുമെന്നും അവര്‍ വ്യക്തമാക്കി. 

ALSO READ: എട്ടാം ക്ലാസ് വിദ്യാര്‍ഥി ഷോക്കേറ്റ് മരിച്ച സംഭവം; അധ്യാപകര്‍ക്കെതിരെ നടപടി; പ്രധാനാധ്യാപികയെ സസ്‌പെന്‍ഡ് ചെയ്യും

മിഥുന്‍ ഷോക്കേറ്റ് മരിച്ച വാര്‍ത്തയറിഞ്ഞിട്ടും മന്ത്രി സൂംബ നൃത്തം ചവിട്ടിയെന്നൊരു വിവാദവും ഉണ്ടായിരുന്നു. ഇന്നലെ വൈകിട്ട് തൃപ്പൂണിത്തുറ ലായം കൂത്തമ്പലത്തിലായിരുന്നു മന്ത്രിയുടെ നൃത്തം. കേരള മഹിളാസംഘം ജില്ലാ കമ്മിറ്റി നടത്തിയ വനിതാ സംഗമത്തിലാണ് ഉദ്ഘാടനത്തിനു പ്രവര്‍ത്തകരോടൊപ്പം മന്ത്രി നൃത്തമാടിയത്. 

മിഥുന്റെ മരണത്തില്‍ ദുഃഖം പ്രകടിപ്പിച്ചെങ്കിലും, പന്തുകളിയായിരുന്നില്ല അത് ചെരുപ്പുകൊണ്ടുള്ള കളിയായിരുന്നെന്നും കുട്ടി താഴേക്ക് പതിച്ചപ്പോള്‍ വൈദ്യുത കമ്പിയില്‍ പിടിച്ചതാണ് മരണകാരണമെന്നുമുള്ള വിചിത്ര ന്യായങ്ങളും മന്ത്രി നിരത്തിയിരുന്നു. 

After facing backlash for her initial comments on the death of a student by electrocution at Thevalakkara school, Kerala Minister J. Chinchurani issued a public apology and assured support for the grieving family. Investigations into school and KSEB lapses are underway.