ഗസ്സ: 2023 ഒക്ടോബര്‍ 7 ലെ ആക്രമണത്തിനു ശേഷം ഗസ്സയിലെ വിദ്യാര്‍ഥികള്‍ ഇന്നലെ ആദ്യമായി പരീക്ഷയെഴുതി. ഗസ്സ വിദ്യാഭ്യാസ മന്ത്രാലയം ഈ മാസം തുടക്കത്തില്‍ പരീക്ഷാ തിയതി പ്രഖ്യാപിച്ചിരുന്നു. 1500 വിദ്യാര്‍ഥികള്‍ പരീക്ഷയ്ക്കായി രജിസ്റ്റര്‍ ചെയ്തിരുന്നു. പ്രത്യേക സോഫ്റ്റ് വെയര്‍ ഉപയോഗിച്ച് ഓണ്‍ലൈനായാണ് പരീക്ഷ നടന്നത്. പരീക്ഷ സുഗമമായി നടത്താന്‍ എല്ലാ സാങ്കേതിക സംവിധാനങ്ങളും ഒരുക്കിയിരുന്നു. കനത്ത ബോംബാക്രമണത്തിന് ഇടയിലായിരുന്നു പരീക്ഷ.

ചില കുട്ടികള്‍ വീട്ടില്‍ ഇരുന്ന് ഓണ്‍ലൈന്‍ പരീക്ഷയെഴുതി. ഇതിനു സംവിധാനമില്ലാത്തവര്‍ക്ക് ഓരോ മേഖലയിലും പരീക്ഷാ സെന്റര്‍ ഏര്‍പ്പെടുത്തിയിരുന്നു. മിക്ക സ്‌കൂളുകളും ഇസ്‌റാഈല്‍ തെരഞ്ഞുപിടിച്ചു തകര്‍ത്തിട്ടുണ്ട്. ക്ലാസ് മുറികളോ പുസ്തകങ്ങളോ ഇന്റര്‍നെറ്റോ പലയിടത്തുമില്ല. യൂനിവേഴ്‌സിറ്റി പഠനത്തിലേക്ക് യോഗ്യത നിര്‍ണയിക്കുക ഇപ്പോള്‍ നടന്ന പരീക്ഷയിലെ ഫലപ്രകാരമാണ്. ഗസ്സയിലെ വിദ്യാഭ്യാസ രംഗം പൂര്‍ണമായി തകര്‍ക്കപ്പെട്ട നിലയിലാണ്.

അതേസമയം, ഗസ്സയില്‍ പട്ടിണിയിലായ മനുഷ്യരെ കൊന്നൊടുക്കുന്ന ക്രൂരത തുടരുകയാണ് ഇസ്‌റാഈല്‍. ഭക്ഷണവിതരണ കേന്ദ്രത്തിലെത്തിയ 37 പേരടക്കം 104 പേരെ ഇന്നലെ ഇസ്‌റാഈല്‍ കൊലപ്പെടുത്തി. ഗസ്സയിലൂടനീളം ഇന്നലെ ആക്രമണം നടന്നു. ഗസ്സയിലെ പതിനായിരങ്ങള്‍ രൂക്ഷമായ പട്ടിണി അനുഭവിക്കുകയാണെന്ന് യു.എന്നിന്റെ ലോക ഭക്ഷ്യപദ്ധതി (ഡബ്ല്യു.എഫ്.പി) അധികൃതര്‍ പറഞ്ഞു. മുന്നിലൊരാള്‍ക്ക് ദിവസം ഒരു നേരം പോലും ഭക്ഷണം കിട്ടുന്നില്ല.

ALSO READ: 20 ശത്രു സൈനികര്‍ വളഞ്ഞിട്ടും കീഴടങ്ങാതെ തനിച്ച് പോരാടി; ശഹീദ് ഗുലാം മുഹമ്മദിന്റെ വീരസ്മരണ പുതുക്കി രാജ്യം | Shaheed Ghulam Mohammad Khan

ALSO READ: കൂടുന്ന മനുഷ്യാവകാശ ലംഘനം; പ്രത്യേക പരിഗണനനല്‍കേണ്ട രാജ്യങ്ങളുടെ കൂട്ടത്തില്‍ ഇന്ത്യയെയും ഉള്‍പ്പെടുത്തണമെന്ന് യുഎസ് ജനപ്രതിനിധി സഭാംഗങ്ങള്‍

Hundreds of Palestinian students in Gaza are taking a crucial end-of-secondary-school exam organised by the besieged enclave’s Ministry of Education in the hope of entering university studies.