തിരുവനന്തപുരം: കേരള ക്രിക്കറ്റ് ലീഗ് രണ്ടാം സീസണിൻ്റെ ഗ്രാൻഡ് ലോഞ്ചിങ് ഇന്ന് തിരുവനന്തപുരത്ത് നടക്കും. തിരുവനന്തപുരം നിശാഗന്ധി ഓഡിറ്റോറിയത്തിൽ വൈകുന്നേരം 5.30ന് കായിക മന്ത്രി വി.അബ്ദുറഹ്മാൻ ഉദ്ഘാടനം ചെയ്യും. കേരള ക്രിക്കറ്റ് ലീഗിൻ്റെ ഭാഗ്യചിഹ്നങ്ങളുടെ പ്രകാശനവും മന്ത്രി വി. അബ്ദുറഹ്മാനാണ് നിർവഹിക്കുക. ഭാഗ്യചിഹ്നങ്ങളുടെ പേര് ഇടാനുള്ള അവസരം ആരാധകർക്ക് കെ.സി.എ നൽകുന്നുണ്ട്.

തിരഞ്ഞെടുക്കുന്ന പേരുകൾക്ക് പ്രത്യേക സമ്മാനവും നൽകുന്നതാണ്. കെ.സി.എൽ സീസൺ2വിൻ്റെ ഭാഗമായി പുറത്തിറക്കുന്ന ആരാധകർക്കായുള്ള ഫാൻ ജേഴ്‌സിയുടെ പ്രകാശന കർമം ക്രിക്കറ്റ് താരം സഞ്ജു സാംസണും സൽമാൻ നിസാറും ചേർന്ന് നിർവഹിക്കും. രഞ്ജി ട്രോഫിയുടെ ചരിത്രത്തിലാദ്യമായി കേരളത്തിന് ഫൈനൽ പ്രവേശനത്തിന് വഴിയൊരുക്കിയ രക്ഷകവേഷമണിഞ്ഞ സൽമാൻ നിസാറിൻ്റെ ഹെൽമെറ്റിനെ ആസ്പദമാക്കി തയാറാക്കിയ പ്രത്യേക വീഡിയോ വേദിയിൽ പ്രദർശിപ്പിക്കുമെന്ന് കെ.സി.എ അറിയിച്ചു. ലീഗിൻ്റെ പ്രചാരണ പ്രവർത്തനങ്ങളുടെ ഭാഗമായി ട്രോഫി പര്യടന വാഹനത്തിൻ്റെ ഫ്ളാഗ് ഓഫ് മന്ത്രി നിർവഹിക്കും.

ALSO READ: കേരളത്തിനെതിരെ 10 വിക്കറ്റ് നേടിയവൻ ഇന്ത്യൻ ടീമിൽ; ഗില്ലും സംഘവും ട്രിപ്പിൾ സ്ട്രോങ്ങ്

ഔദ്യോഗിക ഉദ്ഘാടന ചടങ്ങുകൾക്ക് ശേഷം, രാത്രി 8.30 മുതൽ പ്രശസ്ത മ്യൂസിക് ബാൻഡായ 'അഗം' അവതരിപ്പിക്കുന്ന സംഗീത പരിപാടിയും അരങ്ങേറും. ഉദ്ഘാടന ചടങ്ങിലേക്കും അതിന് ശേഷം നടക്കുന്ന സംഗീതനിശയിലേക്കും പൊതുജനങ്ങൾക്ക് പ്രവേശനം സൗജന്യമാണ്. ചടങ്ങിൽ വി.കെ പ്രശാന്ത് എം.എൽ.എ, കേരള ക്രിക്കറ്റ് അസോസിയേഷൻ പ്രസിഡന്റ് ജയേഷ് ജോർജ്ജ്, സെക്രട്ടറി വിനോദ് എസ്‌.കു മാർ, മറ്റു കെ.സി.എ ഭാരവാഹികൾ, കെസിഎൽ കൗൺസിൽ ചെയർമാൻ നസീർ മച്ചാൻ, കെ.സി.എ അംഗങ്ങൾ, അദാനി ട്രിവാൻഡ്രം റോ യൽസ് ഉടമകളായ പ്രിയദർശൻ, കല്യാണി പ്രിയദർശൻ, കീർത്തി സുരേഷ്, ജോസ് തോമസ് പട്ടാര, ഷിബു മത്തായി, റിയാസ് ആദം, ഏരീസ് കൊല്ലം സെയ്‌ലേഴ്സ് ഉടമ സോഹൻ റോയ്, കൊച്ചി ബ്ലൂടൈഗേഴ്സ് ഉടമ സുഭാഷ് ജോർജ്ജ് മാനുവൽ, കാലിക്കറ്റ് ഗ്ലോബ്സ്റ്റാർസ് ഉടമ സഞ്ജു മുഹമ്മദ്, ഫിനെസ് തൃ ശൂർ ടൈറ്റൻസ് ഉടമ സജാദ് സേഠ്, ആലപ്പി റിപ്പിൾസ് ഉടമകളായ ടി.എ സ് കലാധരൻ, കൃഷ്ണ കലാധരൻ, ഷിബു മാത്യു, റാഫേൽ തോമസ് എന്നിവർ പങ്കെടുക്കും.ലീഗിന്റെ പ്രചാരം വർദ്ധിപ്പിക്കുന്നതിന്റെ ഭാഗമായി ജൂലൈ 21 മുതൽ ആഗസ്റ്റ് 16 വരെ കണ്ണൂർ, കോഴിക്കോട്, തൃശൂർ, കൊച്ചി, ആലപ്പുഴ, കൊല്ലം, തിരുവനന്തപുരം ജില്ലകളിൽ ട്രോഫി ടൂറിനോടാടൊപ്പം വിവിധ പരിപാടികൾ അരങ്ങേറും.

The grand launch of the second season of the Kerala Cricket League will be held in Thiruvananthapuram today Sports Minister V Abdurahman will inaugurate it at 530 pm at the Nishagandhi Auditorium in Thiruvananthapuram