കോഴിക്കോട്: കരിപ്പൂർ വിമാനത്താവളത്തിൽ വൻ ലഹരിമരുന്ന് വേട്ട. ഒരു കിലോഗ്രാം എംഡിഎംഎയുമായി ഒരു വനിത ഉൾപ്പെടെ നാല് പേർ പൊലിസ് പിടിയിലായി. പത്തനംതിട്ട സ്വദേശിനിയായ സൂര്യ ഇവരെ കാത്ത് വിമാനത്താവളത്തിന് പുറത്ത് കാത്തുനിന്ന മൂന്ന് പേർ എന്നിവരെയാണ് കരിപ്പൂർ പൊലിസ് അറസ്റ്റ് ചെയ്തത്. വിമാനത്താവളത്തിൽ നിന്ന് പുറത്തിറങ്ങിയ സൂര്യയെ പരിശോധിച്ചപ്പോൾ എംഡിഎംഎ കണ്ടെത്തുകയായിരുന്നു. 

ALSO READ: ആലപ്പുഴയിൽ സർക്കാർ സ്കൂളിന്റെ മേൽക്കൂര തകർന്നു വീണു: പ്രവർത്തിക്കാത്ത കെട്ടിടമാണെന്ന് സ്കൂൾ അധികൃതർ; പ്രതിഷേധവുമായി നാട്ടുകാർ

സൂര്യ ജൂലൈ 16-ന് ഒമാനിലേക്ക് ജോലി തേടി പോയിരുന്നു. ഒമാനിൽ നേരത്തെ പരിചയമുള്ള നൗഫൽ എന്ന വ്യക്തിയുടെ സഹായത്തോടെയാണ് ജോലി അന്വേഷിച്ചത്. നാല് ദിവസത്തിനകം മടങ്ങി. തിരികെ പോരാൻ നേരം സൂര്യയ്ക്ക് ഒരു ബാഗ് കൈമാറിയിരുന്നു. സൂര്യയെ സ്വീകരിക്കാൻ രണ്ട് കാറുകളിൽ എത്തിയവർ പരപ്പനങ്ങാടി മൂന്നിയൂർ സ്വദേശികളാണ്. ഇവർ ഉപയോഗിച്ച രണ്ട് കാറുകളും പൊലിസ് കസ്റ്റഡിയിൽ എടുത്തു.

ALSO READ: സ്വകാര്യ ബസുകളുടെ മരണപ്പാച്ചിൽ: പേരാമ്പ്രയിൽ വിദ്യാർഥി മരിച്ച സംഭവത്തിൽ ഇടപെട്ട് മനുഷ്യാവകാശ കമ്മീഷൻ 

അതേസമയം, പാലക്കാട്ട് ഇന്ന് 335 ഗ്രാം എംഡിഎംഎയുമായി രണ്ട് യുവാക്കൾ പൊലിസ് പിടിയിലായി. കോയമ്പത്തൂരിൽ നിന്ന് പാലക്കാട്ടേക്ക് ലഹരിമരുന്ന് കടത്താനുള്ള ശ്രമത്തിനിടെയായിരുന്നു ഇവർ പിടിയിലായത്. മണ്ണാർക്കാട് ആലുങ്കൽ സ്വദേശി ഫാസിൽ മലപ്പുറം മേലാറ്റൂർ സ്വദേശി മുഹമ്മദ് എന്നിവരാണ് നടുപ്പുണി ചെക്ക്പോസ്റ്റിന് സമീപം വച്ച് പിടിയിലായത്. ജില്ലാ ലഹരി വിരുദ്ധ സ്ക്വാഡിന്റെയും കൊഴിഞ്ഞാമ്പാറ പൊലിസിന്റെയും സംയുക്ത നടപടിയിലാണ് പ്രതികൾ പിടിയിലായത്. 

Kozhikode's Karipur Airport witnessed a significant drug bust, with police seizing one kilogram of MDMA. Four individuals, including a woman named Surya from Pathanamthitta, were arrested. Surya was apprehended upon exiting the airport, where the drugs were discovered during a search. Three others waiting outside the airport were also taken into custody by Karipur police.