ഭക്ഷണം കഴിക്കുന്നതിന് മുമ്പ് ഒരു ഗ്ലാസ് വെള്ളം കുടിക്കുന്നത് നല്ലതാണെന്ന് പൊതുവേ ഒരു പറച്ചിലുണ്ട്. എന്നാല്‍ ഈ ശീലം ശരിക്കും എന്തെങ്കിലും മാറ്റം വരുത്തുമോ. പ്രത്യേകിച്ച് ഡയബറ്റിക്‌സ് ഉള്ളവര്‍ക്ക്. 

ഭക്ഷണം കഴിക്കുന്നതിന് മുമ്പ് വെള്ളം കുടിക്കുന്നത് ദഹനത്തെ സഹായിക്കുമെന്നും ഗ്ലൂക്കോസിന്റെ ആഗിരണം മന്ദഗതിയിലാക്കുമെന്നുമാണ് ചില പഠനങ്ങള്‍ കാണിക്കുന്നത്. ഇത് ഭക്ഷണത്തിന് ശേഷമുള്ള രക്തത്തിലെ പഞ്ചസാരയുടെ അളവ് കുറക്കുമെന്നുമാണ് പഠനങ്ങളില്‍ വ്യക്തമാക്കുന്നത്. 

ഭക്ഷണം കഴിക്കുന്നതിന് മുമ്പ് വെള്ളം കുടിക്കുന്നത് കഴിച്ച ശേഷം രക്തത്തിലെ പഞ്ചസാരയുടെ അളവ് കുറക്കുന്നതിന് സഹായിക്കുമെന്ന് പഠനങ്ങള്‍ പറയുന്നു. ടൈപ്പ് 2 പ്രമേഹം, പ്രീ ഡയബറ്റിസ് അല്ലെങ്കില്‍ ഇന്‍സുലിന്‍ പ്രതിരോധം എന്നിവയുള്ള വ്യക്തികള്‍ക്ക് ഭക്ഷണത്തിന് മുമ്പ് വെള്ളം കുടിക്കുന്നത് കൂടുതല്‍ പ്രയോജനം ചെയ്യുമെന്നാണ് ആരോഗ്യവിദഗ്ധര്‍ പറയുന്നത്. രക്തത്തിലെ പഞ്ചസാരയുടെ അളവ് നിയന്ത്രിക്കുക എന്നത് ഇവര്‍ക്ക് വളരെ പ്രധാനമാണ്. കലോറി ഉപഭോഗം കുറക്കാനും ഗ്ലൂക്കോസിന്റെ ആഗിരണം മന്ദഗതിയിലാക്കാനും വെള്ളം കുടിക്കുന്നത് സഹായിക്കും. ഇത് ഗ്ലൈസെമിക് നിയന്ത്രണം മെച്ചപ്പെടുത്തുകയും ചെയ്യുന്നു.

ALSO READ: തടിയും വയറും കുറക്കാം, പ്രമേഹ നിയന്ത്രണത്തിനും കിഡ്‌നി സ്റ്റോണിനും ബെസ്റ്റ്;  ഇതാ കുറഞ്ഞ ചെലവില്‍ ഒരു കിടിലന്‍ രസം

വെള്ളം കുടിക്കുമ്പോള്‍ വയറ് നിറഞ്ഞു എന്ന തോന്നല്‍ ഉണ്ടാക്കും. ഇത് കഴിക്കുന്ന ഭക്ഷണത്തിന്റെ അളവ് കുറക്കാന്‍ സഹായിക്കും. കൂടാതെ മതിയായ ജലാംശം വൃക്കകളുടെ പ്രവര്‍ത്തനത്തെയും സഹായിക്കുന്നു.  മാത്രമില്ല വെള്ളം കുടിക്കുന്നത് മൂത്രത്തിന്റെ അളവ് കൂട്ടുന്നു. മൂത്രത്തിലൂടെ അധിക പഞ്ചസാര പുറന്തള്ളാന്‍ കാരണമാകുന്നു. ഇത് ഗ്ലൂക്കോസിന്റെ അളവ് നിയന്ത്രിക്കുന്നതിലേക്ക് എത്തുന്നു. ഭക്ഷണത്തിന് പിന്നാലെ വലിയ അളവില്‍ വെള്ളം ചെല്ലുന്നത് ദഹനപ്രക്രിയയെ തകരാറിലാക്കാന്‍ സാധ്യതയുണ്ടെന്നും ആരോഗ്യ വിദഗ്ധര്‍ ചൂണ്ടിക്കാട്ടുന്നു. 

ദഹിക്കാത്ത ഭക്ഷണത്തില്‍ നിന്നുള്ള ഗ്ലൂക്കോസ് കൊഴുപ്പായി മാറാന്‍ ഇത് കാരണമാവുന്നു. രക്തത്തിലെ പഞ്ചസാരയുടെ തോതിന് വ്യതിയാനം വരാനും ഇത് കാരണമാവും.  അപ്പോള്‍ ഭക്ഷണം കഴിച്ച ശേഷം ഒന്നോ രണ്ടോ സിപ്പ് വെള്ളം ഇതിനാല്‍ കുടിക്കുന്നതാണ് നല്ലതെന്നും ആരോഗ്യ വിദഗ്ധര്‍ ചൂണ്ടിക്കാട്ടുന്നു. ഇതിന് ശേഷം അര മുക്കാല്‍ മണിക്കൂര്‍ കഴിഞ്ഞ് വെള്ളം കുടിക്കാവുന്നതാണ്.

Discover the surprising benefits of drinking water before meals, especially for individuals with diabetes.