കൊച്ചി: വെഹിക്കിൾ ലൊക്കേഷൻ ട്രാക്കിങ് ഡിവൈസ് ഡ്രൈവിങ് സ്‌കൂൾ വാഹനങ്ങളിലടക്കം നിർബന്ധമാക്കിയ സർക്കാർ നടപടിക്കെതിരേ ഹൈക്കോടതിയിൽ ഹരജി. ഹരജിയിൽ കോടതി കേന്ദ്ര, സംസ്ഥാന സർക്കാരുകളുടേയും ട്രാൻസ്‌പോർട്ട് കമ്മിഷണറുടെയും വിശദീകരണം തേടി. ജസ്റ്റിസ് സി.പി മുഹമ്മദ് നിയാസാണ് ബന്ധപ്പെട്ട വകുപ്പുകളുടെ വിശദീകരണം തേടിയത്.

പശ്ചിമകൊച്ചിയിലെ എ ടു സെഡ് ഡ്രൈവിങ് സ്‌കൂൾ പാർട്ണർ ടി.കെ രാധാമണി ഉൾപ്പെടെയുള്ളവരാണ് ഹരജി നൽകിയത്. കേന്ദ്ര, സംസ്ഥാന സർക്കാരുകളുടേയും ട്രാൻസ്‌പോർട്ട് കമ്മിഷണറുടെയും വിശദീകരണം ലഭിക്കുന്ന മുറയ്ക്കാകും കേസിൽ തീരുമാനമെടുക്കുക. കേന്ദ്ര മോട്ടോർ വാഹന നിയമപ്രകാരം ഇത്തരം തീരുമാനങ്ങൾക്കുള്ള അധികാരം കേന്ദ്രസർക്കാരിനാണ് എന്ന് ഹരജിയിൽ ചൂണ്ടിക്കാട്ടുന്നു.

അപകടങ്ങൾ തുടർകഥയായതോടെയാണ് വെഹിക്കിൾ ലൊക്കേഷൻ ട്രാക്കിങ് ഡിവൈസ് ഡ്രൈവിങ് സ്‌കൂൾ വാഹനങ്ങളിലടക്കം വേണമെന്ന് സർക്കാർ തീരുമാനിച്ചത്.