സതാറ: മഹാരാഷ്ട്രയിലെ സതാറ നഗരത്തിൽ ഏകപക്ഷീയ പ്രണയത്തിന്റെ പേരിൽ പത്താം ക്ലാസ് വിദ്യാർത്ഥിനിയെ വഴിയിൽ തടഞ്ഞ് നിർത്തി കത്തി കൊണ്ട് ആക്രമിക്കാൻ ശ്രമിച്ച 18-കാരനായ പന്ത്രണ്ടാം ക്ലാസ് വിദ്യാർത്ഥിയെ പൊലിസ് അറസ്റ്റ് ചെയ്തു. ആര്യൻ വാഘ്‌മലെ എന്ന പ്രതി, സ്കൂളിൽ നിന്ന് വീട്ടിലേക്ക് മടങ്ങുകയായിരുന്ന പെൺകുട്ടിയെ വഴിയിൽ തടഞ്ഞ് കത്തി ചൂണ്ടി ഭീഷണിപ്പെടുത്തുകയും, സമീപത്തുണ്ടായിരുന്ന നാട്ടുകാരെ ആയുധം വീശി ഭീഷണിപ്പെടുത്തുകയും ചെയ്തതായി പൊലിസ് വ്യക്തമാക്കി.

സംഭവം നടന്നത് ബസപ്പ പേത്ത് കരഞ്ജെ പ്രദേശത്ത് വൈകിട്ട് 3.30-ന് ശേഷമാണ്.ഭാഗ്യവശാൽ സമീപത്ത് ഡ്യൂട്ടിക്ക് പുറത്തുള്ള രണ്ട് പൊലീസ് ഉദ്യോഗസ്ഥരുടെ സഹായത്തോടെ, ചില നാട്ടുക്കാർ ആക്രമണം തടയാൻ ശ്രമിച്ചു. ഒടുവിൽ, ഒരു ഡോക്ടർ പിന്നിൽ നിന്ന് പ്രതിയെ കീഴടക്കി പെൺകുട്ടിയെ രക്ഷിക്കുകയായിരുന്നു. പെൺകുട്ടി മോചിതയായപ്പോൾ, രോഷാകുലരായ ജനക്കൂട്ടം പ്രതിയെ മർദിച്ചു.

സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായി, നെറ്റിസൺസിൽ നിന്ന് ശക്തമായ പ്രതികരണങ്ങൾ ഉണ്ടായി. "മനുഷ്യരുടെ സുരക്ഷയും സമ്മതവും എപ്പോഴാണ് നാം ഗൗരവമായി എടുക്കുക?" എന്ന് ഒരു ഉപയോക്താവ് ചോദിച്ചു. "മാതാപിതാക്കൾ മക്കൾക്ക് നിരസനം കൈകാര്യം ചെയ്യാൻ പഠിപ്പിക്കണം. ഇത് ഗുരുതരമാണ്," എന്ന് മറ്റൊരാൾ അഭിപ്രായപ്പെട്ടു. "റീലുകളുടെയും ബോളിവുഡ് ഫാന്റസികളുടെയും പാർശ്വഫലങ്ങൾ," എന്ന് മൂന്നാമതൊരാൾ കുറിച്ചു.

ഷാഹുപുരി പൊലിസ് സ്റ്റേഷനിലെ ഇൻസ്‌പെക്ടർ എസ്.ജി. മെഹ്ത്രെ പറഞ്ഞു, "പെൺകുട്ടിയുടെ കൈയിൽ നേരിയ പരിക്കേറ്റു, ഒരു നാട്ടുകാരനും പരിക്കേറ്റു."

പ്രാഥമിക അന്വേഷണത്തിൽ, ഈ വർഷം ജനുവരിയിൽ പെൺകുട്ടി പ്രണയം നിരസിച്ചിട്ടും, പ്രതി മാസങ്ങളായി അവളെ പിന്തുടർന്നിരുന്നതായി കണ്ടെത്തി. പ്രതിയും പെൺകുട്ടിയും ഒരേ പ്രദേശത്താണ് താമസിക്കുന്നതെന്നും പൊലിസ് വെളിപ്പെടുത്തി.

An 18-year-old Class XII student, Aryan Waghmale, was arrested in Satara, Maharashtra, for attempting to attack a Class X girl with a knife due to unrequited love. The incident occurred at 3:30 PM in Basappa Peth Karanje. Bystanders, aided by two off-duty police officers, intervened. A doctor subdued the attacker, and the mob beat him. The girl sustained a minor hand injury, and one local was also hurt. The accused had been stalking the girl despite her cutting contact in January.