മാഞ്ചസ്റ്റർ: ഇംഗ്ലണ്ടിനെതിരായ നാലാം ടെസ്റ്റിൽ സെഞ്ച്വറി നേടി ഇന്ത്യൻ നായകൻ ശുഭ്മൻ ഗിൽ. രണ്ടാം ഇന്നിങ്‌സിലാണ് ഇന്ത്യൻ നായകൻ സെഞ്ച്വറി നേടിയത്. 238 പന്തിൽ 102 റൺസാണ് ഗിൽ നേടിയത്. 12 ഫോറുകൾ അടങ്ങുന്നതാണ് ഗില്ലിന്റെ പ്രകടനം. ഈ പരമ്പരയിലെ ഗില്ലിന്റെ നാലാം സെഞ്ച്വറി ആയിരുന്നു ഇത്.

ഇതോടെ ഒരു ടെസ്റ്റ് പരമ്പരയിൽ നാല് സെഞ്ച്വറികൾ നേടുന്ന മൂന്നാമത്തെ ക്യാപ്റ്റനായി മാറാനും ഗില്ലിനു സാധിച്ചു. ഡോൺ ബ്രാഡ്മാൻ, സുനിൽ ഗവാസ്‌കർ എന്നിവർക്ക് ശേഷമാണ് ഗിൽ ഈ റെക്കോർഡ് കൈവരിക്കുന്നത്. 1947ൽ ഇന്ത്യക്കെതിരായ പരമ്പരയിലാണ് ബ്രാഡ്മാൻ നാല് സെഞ്ച്വറികൾ സ്വന്തമാക്കിയത്. ഗവാസ്‌കർ 1978ൽ വെസ്റ്റ് ഇൻഡീസിനെതിരെയുമാണ് നാല് സെഞ്ച്വറികൾ നേടിയത്.   

ഒന്നാം ഇന്നിങ്സിൽ ഇംഗ്ലണ്ട് 669 റൺസിനാണ് പുറത്തായത്. ഇംഗ്ലണ്ട് നിരയിൽ ജോ റൂട്ട്, ക്യാപ്റ്റൻ ബെൻ സ്റ്റോക്സ് എന്നിവർ സെഞ്ച്വറി നേടി. 248 പന്തിൽ 150 റൺസാണ് റൂട്ട് അടിച്ചെടുത്തത്. 14 ഫോറുകൾ അടങ്ങുന്നതാണ് താരത്തിന്റെ ഇന്നിങ്‌സ്. ബെൻ സ്റ്റോക്സ് 198 പന്തിൽ 11 ഫോറുകളും മൂന്ന് സിക്‌സും അടക്കം 141 റൺസും നേടി. 

ഒന്നാം ഇന്നിങ്സിൽ ഇന്ത്യ 358 റൺസാണ് നേടിയത്. ഇന്ത്യക്കായി യശ്വസി ജെയ്‌സ്വാൾ, സായ് സുദർശൻ, റിഷബ് പന്ത് എന്നിവർ അർദ്ധ സെഞ്ച്വറി നേടി മികച്ച പ്രകടനമാണ്‌ നടത്തിയത്. 151 പന്തിൽ ഏഴ് ഫോറുകൾ ഉൾപ്പെടെ 61 റൺസ് ആണ് സുദർശൻ നേടിയത്. ജെയ്‌സ്വാൾ 107 പന്തിൽ 58 റൺസും നേടി. 10 ഫോറുകളും ഒരു സിക്സും അടങ്ങുന്നതായിരുന്നു താരത്തിന്റെ ഇന്നിങ്സ്. പന്ത് 75 പന്തിൽ മൂന്ന് ഫോറുകളും രണ്ട് സിക്സുകളും ഉൾപ്പെടെ 54 റൺസും നേടി. കെഎൽ രാഹുൽ 46 റൺസും ഷാർദുൽ താക്കൂർ 41 റൺസും സ്വന്തമാക്കി. 

ഇംഗ്ലണ്ട് ബൗളിങ്ങിൽ ക്യാപ്റ്റൻ ബെൻ സ്റ്റോക്സ് അഞ്ച് വിക്കറ്റുകൾ വീഴ്ത്തി മികച്ച പ്രകടനമാണ്‌ നടത്തിയത്. ജോഫ്ര ആർച്ചർ മൂന്ന് വിക്കറ്റുകളും ക്രിസ് വോക്‌സ്, ലിയാം ഡാവ്സൻ ഓരോ വിക്കറ്റും സ്വന്തമാക്കി.

ഇന്ത്യ പ്ലെയിങ് ഇലവൻ

യശസ്വി ജയ്‌സ്വാൾ, ശുഭ്മാൻ ഗിൽ (ക്യാപ്റ്റൻ), രവീന്ദ്ര ജഡേജ, വാഷിംഗ്ടൺ സുന്ദർ, ഷാർദുൽ താക്കൂർ, ഋഷഭ് പന്ത് (വിക്കറ്റ് കീപ്പർ), കെ എൽ രാഹുൽ, സായ് സുദർശൻ, അൻഷുൽ കംബോജ്, ജസ്പ്രീത് ബുംറ, മുഹമ്മദ് സിറാജ്.

ഇംഗ്ലണ്ട് പ്ലെയിങ് ഇലവൻ

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ് (ക്യാപ്റ്റൻ), ജാമി സ്മിത്ത് (വിക്കറ്റ് കീപ്പർ), ലിയാം ഡോസൺ, ക്രിസ് വോക്സ്, ബ്രൈഡൺ കാർസെ, ജോഫ്ര ആർച്ചർ.

Indian captain Shubman Gill scored a century in the fourth Test against England. The Indian captain scored a century in the second innings. Gill scored 102 runs in 238 balls. Gill's performance included 12 fours. This was Gill's fourth century in this series.