വെസ്റ്റ് ഇൻഡീസിനെതിരെയുള്ള അഞ്ചു ടി-20 മത്സരങ്ങളുടെ പരമ്പര തൂത്തുവാരി ഓസ്ട്രേലിയ. അവസാന മത്സരത്തിൽ മൂന്ന് വിക്കറ്റുകളുടെ വിജയമാണ് കങ്കാരുപ്പട സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത വെസ്റ്റ് ഇൻഡീസ് 19.4 ഓവറിൽ 170 റൺസിന്‌ പുറത്താവുകയായിരുന്നു. വിജയലക്ഷ്യം പിന്തുടർന്നിറങ്ങിയ ഓസ്‌ട്രേലിയ 17 ഓവറിൽ ഏഴ് വിക്കറ്റ് നഷ്ടത്തിൽ ലക്ഷ്യം മറികടന്നു. ഐസിസിയുടെ പൂർണ്ണ അംഗത്വമുള്ള ഒരു രാജ്യം  ചരിത്രത്തിൽ ഇതാദ്യമായാണ് ഒരു ടി20 പരമ്പരയിൽ ഒരു ടീമിനെതിരെ 5-0ന് സമ്പൂർണമായ വിജയം സ്വന്തമാക്കുന്നത്. 

ഓസ്‌ട്രേലിയക്കായി മൈക്കൽ ഓവൻ 17 പന്തിൽ 37 റൺസും കാമറൂൺ ഗ്രീൻ 18 പന്തിൽ 38 റൺസും ടിം ഡേവിഡ് 12 പന്തിൽ 30 റൺസും നേടി കളംനിറഞ്ഞു കളിച്ചപ്പോൾ ഓസ്‌ട്രേലിയ ജയിച്ചു കയറുകയായിരുന്നു. ഓസ്‌ട്രേലിയൻ ബൗളിങ്ങിൽ ബെൻ ദ്വാർഷുയിസ് മൂന്ന് വിക്കറ്റും നഥാൻ എല്ലിസ് രണ്ട് വിക്കറ്റും നേടി മികച്ച പ്രകടനമാണ് നടത്തിയത്. 

വെസ്റ്റ് ഇൻഡീസിനായി അർദ്ധ സെഞ്ച്വറി നേടി ഷിർമോൺ ഹെറ്റ്മെയർ തിളങ്ങി. 31 പന്തിൽ 51 റൺസാണ് ഹെറ്റ്മെയർ നേടിയത്. മൂന്ന് വീതം സിക്സുകളും ഫോറുകളും അടങ്ങുന്നതാണ് താരത്തിന്റെ വെടിക്കെട്ട് പ്രകടനം. ഷെർഫാനെ റൂഥർഫോർഡ് 17 പന്തിൽ ആറ് ഫോറുകളും ഒരു സിക്‌സും അടക്കം 35 റൺസും സ്വന്തമാക്കി. 

Australia swept the five-match T20I series against the West Indies, winning the final match by three wickets. Batting first, the West Indies were bowled out for 170 runs in 19.4 overs. This is the first time in history that a full member country of the ICC has achieved a comprehensive 5-0 victory over a team in a T20 series.