കൽപ്പറ്റ: നൈസ മോളെ തലോടി നിൽക്കുന്ന പ്രധാനമന്ത്രി നരേന്ദ്ര മോദിയുടെ ചിത്രം കേരളം പ്രതീക്ഷയുടെ ചിത്രമായാണ് ഹൃദയത്തിലേറ്റിയത്. പക്ഷേ പ്രതീക്ഷ തകരാൻ അധികസമയമെടുത്തില്ല. നേരിട്ട് സാമ്പത്തിക സഹായം അനുവദിക്കാൻ പ്രധാനമന്ത്രിക്ക് സാധിക്കുമായിരുന്നിട്ടും ഒന്നും നൽകിയില്ല. മണിക്കൂറുകളോളം ദുരന്തഭൂമിയിൽ ചിലവിട്ട പ്രധാനമന്ത്രി പിന്നീട് ദുരന്തം അതിജീവിച്ചവരെ വിവിധയിടങ്ങളിലും സന്ദർശിച്ച് കൂടെയുണ്ടെന്ന് പറഞ്ഞത് ആത്മാർഥതോടെയാണെന്ന് ജനം തെറ്റിദ്ധരിച്ചു. അവകാശപ്പെട്ട പണം പോലും നൽകാൻ തയ്യാറായില്ലെന്നത് അതിജീവിതരെ അപമാനിക്കലായി. 

ദുരന്തബാധിതരോടൊപ്പം നിൽക്കുക എന്നതാണ് ഇപ്പോൾ പ്രധാനം, ഈ ദു:ഖത്തിൽ രാജ്യം കേരളത്തോടൊപ്പമുണ്ട്, പുനരധിവാസം നാടിന്റെ ഉത്തരവാദിത്തമാണ്, പണം തടസമാകില്ല, കേന്ദ്രം എല്ലാ സഹായവും ചെയ്യും'' ഇതായിരുന്നു പ്രധാനമന്ത്രി ദുരന്തമേഖല സന്ദർശിച്ച് പറഞ്ഞത്. എന്നാൽ, തിരിച്ച് ഡൽഹിയിലെത്തിയതിന് പിന്നാലെ പ്രധാനമന്ത്രി കൈമലർത്തി. 

ALSO READ: വയനാട് ഉരുൾപൊട്ടലിൽ വീട് ലഭിക്കാതെ ദുരന്തബാധിതർ; സർക്കാർ  ഇതുവരെ ചെലവഴിച്ചത് 113.58 കോടി മാത്രം; ദുരിതാശ്വാസ നിധിയിൽ 772.11 കോടി

കേരളം ആവശ്യപ്പെട്ട 1202 കോടി രൂപയുടെ ധനസഹായം അപേക്ഷ നൽകിയാൽ പരിഗണിക്കാമെന്നായി, പ്രധാനമന്ത്രിയുടെ വാക്കിൽ പ്രതീക്ഷയർപ്പിച്ചിരുന്ന കേരളത്തിന് ഏഴ് മാസങ്ങൾ പിന്നിട്ടപ്പോൾ 2025 ഫെബ്രുവരി 15ന് 529.50 കോടി രൂപയുടെ 'സോപാധിക' വായ്പ അനുവദിച്ച് ഉത്തരവിറക്കുകയായിരുന്നു കേന്ദ്രം. അതും മാർച്ച് 31നുള്ളിൽ ചിലവഴിക്കണമെന്ന കർശന നിബന്ധനയോടെ.  ദുരന്തം അതിജീവിച്ച മനുഷ്യരുടെ കരണത്തടിക്കുന്ന നിലപാടായിരുന്നു ഇത്. 

Even though the Prime Minister had the authority to directly allocate financial aid to Wayand disaster, he did not provide any. After spending several hours at the disaster site, the Prime Minister visited the survivors in various locations and expressed solidarity — something the public initially believed to be sincere. However, the refusal to provide even the rightful compensation has been seen as an insult to the survivors.