2010 സീസണിലെ ബാലൺ ഡി അവാർഡ് നഷ്ടമായതിനെക്കുറിച്ച് തുറന്നു പറഞ്ഞിരിക്കുകയാണ് മുൻ നെതർലാൻഡ്‌സ് താരം വെസ്ലി സ്‌നൈഡർ. ലയണൽ മെസിയായിരുന്നു 2010ലെ ബാലൺ ഡി ഓർ നേടിയത്. എന്നാൽ മെസിയേക്കാൾ താൻ ഈ അവാർഡ് നേടാൻ അർഹിച്ചിരുന്നുവെന്നാണ് സ്‌നൈഡർ പറഞ്ഞത്. വിൻവിന്നിന്‌ നൽകിയ അഭിമുഖത്തിലാണ് മുൻ നെതർലാൻഡ്‌സ് താരം ഇക്കാര്യം പറഞ്ഞത്. 

''സത്യം പറഞ്ഞാൽ, അത് എന്നെ ദുഃഖിപ്പിക്കുന്നു. 2010 എനിക്ക് അസാധാരണമായ ഒരു വർഷമായിരുന്നു. ചാമ്പ്യൻസ് ലീഗ്, ആഭ്യന്തര ടൂർണമെന്റ് ഡംബിൾസ് കിരീടം, ലോകകപ്പ് ഫൈനൽ എന്നിവയിലെല്ലാം എല്ലാം നൽകിയതായി ഞാൻ കരുതി. പക്ഷെ മെസിയാണ് ബാലൺ ഡി ഓർ നേടിയത്. അദ്ദേഹം ഒരു മികച്ച കളിക്കാരനാണ്. എന്നാലും 2010നെ ഓർമ്മിപ്പിക്കുന്ന ആളുകൾ ഞാൻ എന്താണ് ആ സീസണിൽ ചെയ്തതെന്ന് കണ്ടവരാണ്. അതാണ് വളരെ പ്രധാനം'' വെസ്ലി സ്‌നൈഡർ പറഞ്ഞു. 

ALSO READ: എതിരാളികളുടെ പേടി സ്വപ്നമായവൻ പുറത്ത്; അഞ്ചാം ടെസ്റ്റിൽ ഇന്ത്യക്ക് കനത്ത തിരിച്ചടി

2009ലാണ് സ്‌നൈഡർ ഇറ്റാലിയൻ ക്ലബായ ഇന്റർ മിലാനിൽ എത്തുന്നത്. തന്റെ അരങ്ങേറ്റ സീസണിൽ തന്നെ മികച്ച പ്രകടനമാണ് സ്‌നൈഡർ ഇറ്റാലിയൻ വമ്പന്മാരാക്കായി നടത്തിയത്, യുവേഫ ചാമ്പ്യൻസ് ലീഗ്, സീരി എ, കോപ്പ ഇറ്റാലിയ എന്നീ കിരീടങ്ങളാണ് സ്‌നൈഡർ ഇന്റർ മിലാനൊപ്പം നേടിയത്. ആ വർഷം നടന്ന ഫിഫ ലോകകപ്പ് ഫൈനൽ വരെ നെതർലാൻഡ്സിനെ എത്തിക്കാനും സ്‌നൈഡർക്ക് സാധിച്ചു. എന്നാൽ ഫൈനൽ പോരാട്ടത്തിൽ സ്പെയ്നിനോട് പരാജയപ്പെട്ട് ഓറഞ്ച് പടക്ക് കിരീടം നഷ്ടമാവുകയായിരുന്നു. എതിരില്ലാത്ത ഒരു ഗോളിനാണ് സ്‌പെയ്ൻ നെതർലാൻഡ്സിനെ കീഴടക്കിയത്. 

ഈ തകർപ്പൻ പ്രകടനങ്ങൾക്ക് പിന്നാലെ ആ വർഷത്തെ ബാലൺ ഡി ഓറിനും സ്‌നൈഡർ നാമനിർദ്ദേശം ചെയ്യപ്പെടുകയായിരുന്നു. എന്നാൽ മെസിയാണ് ബാലൺ ഡി ഓർ സ്വന്തമാക്കിയത്. മുൻ സ്പാനിഷ് താരങ്ങളായ ആന്ദ്രേ ഇനിയേസ്റ്റ, സാവി എന്നിവരാണ് യഥാക്രമം രണ്ടും മൂന്നും സ്ഥാനങ്ങളിൽ ഫിനിഷ് ചെയ്തത്. 

Former Netherlands star Wesley Sneijder has opened up about missing out on the 2010 Ballon dOr Lionel Messi won the 2010 Ballon dOr but Sneijder said he deserved to win the award more than Messi