തൃശൂര്‍: തൃശ്ശൂരില്‍ മകന്‍ പിതാവിനെ കൊലപ്പെടുത്തിയത് സ്വര്‍ണ്ണമാലക്ക് വേണ്ടിയെന്ന് മകന്റെ മൊഴി. പൊലിസ് ആണ് ഇക്കാര്യം വ്യക്തമാക്കിയത്. തലക്കടിച്ച് കൊലപ്പെടുത്തിയ ശേഷം മൃതദേഹം ചാക്കിലാക്കി ആളൊഴിഞ്ഞ പറമ്പില്‍ ഉപേക്ഷിക്കുകയായിരുന്നുവെന്നും പ്രതി കുറ്റസമ്മതം നടത്തി. മുളയം കൂട്ടാല സ്വദേശി സുന്ദരനാണ് മകന്‍ സുമേഷിന്റെ ആക്രമണത്തില്‍ കൊല്ലപ്പെട്ടത്.  ഇന്നലെയാണ് ആളൊഴിഞ്ഞ പറമ്പില്‍ സുന്ദരന്റെ മൃതദേഹം ചാക്കില്‍ ഉപേക്ഷിച്ച നിലയില്‍ കണ്ടെത്തുന്നത്.

നിരന്തരം പിതാവിനോട് പണം ചോദിച്ച് സുമേഷ് തര്‍ക്കത്തില്‍ ഏര്‍പ്പെട്ടിരുന്നുവെന്നാണ് പൊലിസ് പറയുന്നത്. ഇന്നലെയും സുന്ദരനുമായി തര്‍ക്കമുണ്ടായി.  തര്‍ക്കത്തിനിടെ മാല ആവശ്യപ്പെട്ടു. എന്നാല്‍ മാല നല്‍കാന്‍ സുന്ദരന്‍ തയ്യാറായില്ല. ഇതോടെ പട്ടിക കൊണ്ട് തലക്കടിച്ചു എന്നുമാണ് പ്രതിയുടെ കുറ്റസമ്മതം. മൃതദേഹം കയ്യും കാലും കെട്ടി ചാക്കില്‍ ആക്കി പറമ്പില്‍ ഉപേക്ഷിക്കുകയായിരുന്നുവെന്നും പിന്നീട് മാല പണയം വച്ചെന്നും സുമേഷ് മൊഴി നല്‍കിയതായി പൊലിസ് വ്യക്തമാക്കി.

ALSO READ: വയനാട് ദുരന്തത്തിന് ഒരാണ്ട്: കാമറയും കണ്ണീരൊഴുക്കിയ ദിനങ്ങൾ

പുത്തൂര്‍ എന്ന സ്ഥലത്താണ് സുമേഷ് താമസിച്ചിരുന്നത്. രാവിലെ സുന്ദരന്റെ രണ്ടാമത്തെ മകനും കുടുംബവും വീട്ടില്‍ നിന്ന് പുറത്തുപോയിരുന്നു. സുന്ദരന്റെ മകളുടെ മക്കളും ഇതേ വീട്ടിലായിരുന്നു താമസിച്ചിരുന്നത്. ഇവര്‍ ഉച്ചയ്ക്ക് തിരികെ വന്നപ്പോള്‍ സുന്ദരനെ കാണാത്തതിനെ തുടര്‍ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.

വീട്ടില്‍ രക്തക്കറ കണ്ടെങ്കിലും ഇത് ചായ വീണതാകുമെന്നാണ് ഇവര്‍ കരുതിയത്. തുടര്‍ന്ന് വൈകീട്ട് അഞ്ചോടെ തിരച്ചില്‍ തുടങ്ങി. തുടര്‍ന്നാണ് തൊട്ടടുത്തുള്ള കാടുപിടിച്ച പറമ്പില്‍ നിന്ന് മൃതദേഹം കണ്ടെത്തിയത്. 

ALSO READ: സാമ്പത്തിക തര്‍ക്കം; തൃശൂരില്‍ മകന്‍ പിതാവിനെ കൊന്ന് ചാക്കിലാക്കി ഉപേക്ഷിച്ചു

In a shocking incident in Thrissur, Kerala, a man named Sumes h confessed to killing his father, Sundaran, for a gold chain. He allegedly struck him on the head and dumped the body in an abandoned field inside a sack. Police say the accused has admitted to the crime.